Aposel 15:35 - Nobonob Baibel

³⁵ Aria Pol, Barnabas ele aa Antiok daaeheh, aa danab kuɗum laala ele oh ag Naɗinu nai mehuqna, danab ah ippunadppig.

Aposel 15:35 Referans Kwoze

2 Timoti 4:2

Na amunu dabmak aonna, nai nuhig mehuqe! Danab ag nahip nai dooglagtai o iitta iitai doomna, amge na haen oh Kristusnu nai mehuqe! Haen oh ag Kayaknu kobol dim lamidkkulagnu na ag toliadna, daulag batan, oolag ɠagattag ele aqe! Na amu henana amu, na oo maɗoɗ doon, ippunittak ele pehettaknab he!

Kolosi 1:28

Ig Kristus, nuhignuib danab oh amelagppa attem. Ig danab oh anen anen ag dabmena autna aona, ag Kristusnu bena daanna, ag genab tutukku hak danab elelenab beppeg, ig ag omaladta, Kayak noobppa gokkunignu elele daagnignu, ig doyak dabmak ena ele ohppa danab oh ippunittak nai, amu dabmettak nai ele ippunadttem.

Aposel 13:1

Aria, Antiok Kristen tamaniakppa propet, amu ippunittak danab laala ele appa daappig. Ag onilag am Barnabas, Simeon, nug onig laa Naisa, Lusius, nug am Sairini ted, Manain, nug Herot Antipas ele buɗub laippu, amu Saul aakku.

1 Timoti 2:7

Diig amunu amu, Kayak Nug da nai mehuqak danab, totol danab ele meiɗom. Da nai yaattem imuam genabib yaattem, da ham-ii-bubuttem. Nug da iitta aɗi dilag, ag ele Jesusnu oolagppa genab dooglagnu, ippunittak danab meiɗom.

Aposel 28:31

Nug baɗak iitta ele Kayaknu ɗo maɗoɗnu nai, Naɗi Jesus Kristus, nug nuhignu nai ele danab ah ippuanattatta mehuqom. Nug anam heehe, danab laa nuhignu aib ii aum.

Aposel 14:28

Aa Kristen tamaniak amelagppa goya uɗat hepiɗ amunu awoya, aa haen elab ag ele appa daappig.

Aposel 8:4

Anam heehe, Kristen ag matatun aab laalappa gona daanna, ag Nai Ena mehuqppig.

Aposel 12:25

Kayaknu nai amu anam aha ugekke, Barnabas, Saul ele aa Jerusalem daayya, maɗi ahilah maloya, eɗui Antiok gokkulahnu heya, aa Jon Mak aoeh, nug ele oh goppig.

Aposel 13:12

Am gawana nug keeke amu antta, nug ooppa genab doyom. Aɗinu? Aa Naɗinu nai ippunidpiɗ amu, nug amunu dabmak kuɗum awom.

Aposel 15:34

((amge Silas nug Antiok daakkunu dabmeum.))