Aposel 15:26 - Nobonob Baibel

²⁶ Anukka aa Jesusnu nai mehuqyaya oieheh, danab laala ag aqatkkulagnu dabmeppig, amge aa ihinig Naɗi Jesus Kristus onignu uug maoya mauhkkulahnu ii baɗaya, uɗat amu ii uupiɗ, gemu ele anam oittep.

Aposel 15:26 Referans Kwoze

Aposel 14:19

Aria, aa Listra daaeheh, Juda laala Antioknu Aikoniamnu ele uɗiadppig. Ag appa uɗin, danab ah amu eeɗadna, Pol qeppeg mauhkkunu oolagppa noeg, ag menppa Pol makkuɗeg, mauhak bia niieye, ag eeɗna, aab okkai giginppa gona meppig. Ag, “Nug mauhom,” anana, anam heppig.

1 Korint 15:30

Aria, danab mauhppig ag eɗun ii hippaidlob amu, ig ele hanhan danab laala ag ig eheɗ heigkkulagnu hetteb amu, aɗinu ig uug amu maottem?

Aposel 13:50

Appanu ag Naɗinu nai dooppig, amge Juda ag ahan, aab okkai amuppan ikki danab amu ah laala onilag ele, ag Kayaknu ebehilkad oh bodoetta le meum amu, ag oolag yaaeg, ag ahan, Pol, Barnabas ele eheɗ haatna, aa wan atu amuppanu lamatppig.

Ikki Danab 5:18

Amu oh ag anam heppig, amge Seblon danab ag am ban hak abenppa nauhak aoglagnu daappig, amge ag diig amunu ban hak ii uuppig. Ao, Naptali danab ag ele ban hak abenppa anamib aakku heppig.

Rom 16:4

Aa da mauhpanu amu aa mauhak ib oɗeppanab oiyya ehaniɗpiɗ. Da aa amelahppa, “Ena hepiɗ,” awe attem, amge da dakka anam ii hettem. Iitta! Iitta aɗi dilag Kristen tamaniak oh ele ag anam dootteb.