Aposel 14:15 - Nobonob Baibel

¹⁵ “Ag ippan danab, ag aɗinu anam hetteb? I ele am danab, ag biaib. I Nai Ena ag amelagppa mehuqta, amu i ele ag keeke nau hamu meu iitta amu uuadna, ag Kayak bau daatte amu Nug dim lamidkkulagnu amelagppa mehuqttep. Nug am hab, wan, yu ele, amu keeke oh amuppa daatteb ele, amu oh Nug hattom.

Aposel 14:15 Referans Kwoze

Jems 5:17

Elaiya nug am danab ig bianab, amu nug oo unuqagppanu gu ii nemanu Kayak unuqittom amunu, gu maɗ ewam, kalam eblaih laippu ele ii neum.

1 Korint 8:4

Aria, doɗ teppu main kayak hambuppuak dottolkad madatteb, lanak amunu da inam attem. Ig doottem, kayak hambuppuak amuam keeke genab iitta; danabnu dabmak aakkuib. Amunu ag dottolkad hetteb am keeke laa genab ii ippunigtte. Kayak laippu aakkuib daatte.

Aposel 10:26

Nug anam heum, amge Pita nug Kornilius hume ahehe, Pita nug amegppa aum. “Hibaitte! Da ele am danabib,” awa aum.

1 Samuel 12:21

Ag Yawe dim lamidnana, ag kayak hambuppuak aib dim lamidppig! Kayak hambuppuak amu, ag am keeke genab iitta amunu, ag ehanadkkulagnu, o laa eppelagppanu diiadkkulagnu am elele iitta.

Revelesen 14:7

Nug baag okkaippa aum. “Ag Kayaknu ebehilkad oh bodoetta le meeb, ag Nug binag amahlak oppiaawak ele Nug metteg! Aɗinu? Nuhig hettoɗiakppa danab ah epeɗiadkkunu haen aakku neum. Ag laa Nug hab, wan, yu, le, amu le qeppuɗiattak ele he beppig amu, ag Nug noobppa dup nona binag meig!” awa aum.

Jeremaia 14:22

Wan laalappan kayak hambuppuak dottolkad ag heeg, gu nettete? Ge, hab nug nukka he, gu nakok laa nettete? Iitta! Na, Yawe, ihinig Kayak, na hee, gu nette amunu, ig naib neekkidttem. Aɗinu? Naib keeke amu oh hettem amunu, ig naib dabmedattem.

Genesis 1:1

Digmak haenppa Kayak Nug hab, wan ele heum,

1 Tesalonaika 1:9

Aɗinu? Danab aabaab ohppanu ag Tesalonaika, ahilagnu ag mattin, ag Tesalonaika danab ag ig ena atognoigppignu, ag Kayak Bauklel dim lamidkkulagnu kayak hambuppuak dottolkad aakku uuadppignu, ag eɗun Kayak Bauklel, genab ele waappa daan nuhig uɗat hekkulagnu,

Epesus 4:17

Amunu da imu ag amelagppa attem. Da Naɗi onigppa iikku ɠagattag madittem. Ag nai imu aotteb ele amu, ag iitta aɗi ag dabmak apiɗidna oitteb ele amu, ag kobol amubiappa baula aib oippig.

Jona 2:8

Danab ag kayak hambuppuak, am kayak hamu, kayak genab iitta, ag ag noolagppa dup nona binalag metteb ele, ag nahip oo mauhaknab kobol waappa daaglagnu aakku uutteb.

Duteronomi 32:21

Ag kayak hambuppuak dottolkad noolagppa dup noa binag mak kobol heeg, da ahilagnu dahil doya laa aomanu doyak aɗe daami. Dottolkad amu ag kayak genab iitta. Ao, ag kayak hambuppuak dottolkad, keeke amuam ag ehanadkkunu elele iitta, ag amu noolagppa dup noa binag mak kobol heeg, da ool nauhom. Gemu amu, da danab ah ag dahilad iitta ehanadppi, Israel danab ah ag amu anidna, ag ehanittak amunu ittag aqeeb, ag ele aoglagnu dabmak aona, ag dahilppa eɗun uɗiglag. Ao, danab ah dahilad iitta, ag diignu doyak tutukku iitta, da ag ehanadppi, Israel danab ah ag amunu oolag nauhkku.

Aposel 4:24

Amu haen ag oh amu doona amu, ag baalag laippu mena, Kayak unuqidna inam appig. “Naɗi Yawe, na hab, wan, yu ele, amu keeke oh amuppa daatteb ele, keeke amu oh na hattame.

Matyu 16:16

Jesus anam a amu, Saimon Pita Nug oɗeppa awa aum. “Na am Kristus, na Kayak bauklel ele Bekka,” awa aum.

Jeremaia 32:17

“O Naɗi Yawe, na ɠagattag nahip-ppa, nakka ebehinppa ele hab, wan ele heme. Aɗi keeke uug ele na hekkutnu elele iitta laa ii daatte.

Sam 31:6

⌊O Yawe, na Kayak, na keeke genab ohnu diig daattem.⌋ Da nahipnu oolppa genab doottem. Da laa ag kayak genab iitta dilag oolagppa genab doonna, ag noolagppa dup nona binalag menana daatteb amu, ⌊da amu dilag kobolnu amu,⌋ da nau ninig ele doottem.

Eksodas 20:11

Aɗinu? Da Yawe, da deɗ eblaih laippu ele uɗat hei ukke, hab, wan, yu ele, amu keeke oh amuppa daatteb ele hattami, amge da deɗ ebqak eblaih aɗitppa, da hik aomi. Da keeke amu oh deɗ amuppa hein maloya, da deɗ eblaih aɗitppa hik aomi amunu, da deɗ ebqak eblaih aɗit ele, amuam Sabat aakku, da deɗ amu itittak ena mettoya, dahil daakkunu tituanmi.

Hibru 3:12

O lailad, ag lailag laa ag oolagppanu nug dabmak nau, amu ooppa genab doyak ele iitta, amubia oiyaya, Kayak bauklel dimettamanu, ag dabmena autna aweg!

1 Timoti 3:15

Amunu diig am, da paha na gumitte ii goppi amu, na nai imu ebqena, na Kayaknu tamaniak attem tolidppe ena oiglagnu dookkut. Tamaniak am Kayak bauklelnu keeke, tamaniak am doyak diig genabib ukku, biidod ele daatte.

Aposel 14:21

Pol, Barnabas ele aa Derbe teya, appa Nai Ena mehuqeh, danab ah kuɗum ag oolagppa genab doyeg, dimppa aa eɗui Listra, Aikoniam, amu ⌊Pisidianu⌋ Antiok ele gopiɗ.

Jon 7:18

Am danab laa nug nukka nuhig dabmakppa nai maditte amu, nug nukka binag okkai aokkun hette. Amge danab laa, nug laa me uɗiom ele, nug binag mette amu, danab amu nug doyak diig genabib dim lamidtte; nug nuhigppa eheɗ laa ii daatte.

Sekaraia 12:1

Nai imuam Yawe, Nug Israel dilagppanu aum. Yawe, Nug hab abenppa ma, wannu ukku, wan ele ha, Nug danab ah ele bau madatte amu, Nug atte.

Jeremaia 10:8

Amu oh ag kayak hambuppuak dottolkad adppa hak, ag amuppa ippunittak aotteb amunu, ag am kaaka. Ag dabmak tutukku iitta ele.

Jeremaia 8:19

Da ele tiinig laippu ag wan laa, umanab daatte, ag appa gaanna daatteb. Ag gaanna, “Yawe Nug Sion appa ii daattete? Ao, ahilag King, Yawe, Nug gemu appa ii daattete?” atteb, amge Yawe Nug nob ma atte. “Ag kayak hambuppuak dottolkad noolagppa dup nona binalag meppig amunu, da oppoɗil beum. Ao, ag dottolkad wan laih laihnu, ag ehanadkkulagnu elele iitta, ag amu noolagppa dup nona binalag meppig amunu, da oppoɗil beum. Ag anam aakku heeg, bu anam aakku aoppig. Ag aɗinu anam heppig?” awa atte.

Aisaia 46:7

Ag heeg, danab nug dottog amu ha male, ag human, gukkalagppa maon gotteb. Ao, ag aben nug daakkunu bappaidppig ele, ag aguppa meeg daatte. Dottog amu nug laih laih gokkunu elele iitta. Nug aguppaib daatte. Laa nug dottog amu unuqidtte dayeb amu, nug noob ii mette. Dottog amu danab uug eɗidmanu ehanitteb, uugppa ii daamanu elele iitta.

Aisaia 45:20

Yawe Nug imu atte. “Ag danab ah wan atu laih laihnu, ag banppa ii mauhppig ele amu, ag qagmena uɗin, da noolppa daanna, ⌊dahil nai doyeg⌋! Aun aɗi ag kayak hambuppuak dottolkad maon oin, binalag metteb ele, ag am dabmak iitta. Ag kayak hambuppuak amu unuqadtteb, amge kayak hambuppuak amu ag ehanadkkulagnu elele iitta.

Aisaia 45:18

⌊Keeke amu oh am anamib bekku.⌋ Aɗinu? Yawe, Nug hab heum, Nug nukka am Kayak. Ao, Yawe, Nug wan heum amu, Nug wan ɠagattag daakkunu babaittom. Nug danab ag wanppa daaglagnu wan babaittom. Nug wan danab ah appa ii daamnanu ii babaittom. Iitta! Nug danab ah aguppa daaglagnu babaittom. Amu Yawe Nug atte. “Da am Yawe, laal ii daatte.

Sam 124:8

Yawe Nug ig ehanigtte. Nug hab, wan ele haatom.

Sam 33:6

Yawe Nug a, hab beum daatte. Nug oɗeppa nai mattieye, hoɗopai keeke beppig daatteb.

Duteronomi 5:26

Aɗinu? Ig danab ig mauhttem ele, amu ig oonigppanu danab auntai laa nug, ig hemut bia, nug Kayak, hanhan bau daatte, Nug aab ewak laa ooppanu nai mattieye doya, bau dayom? Laal iitta.

Revelesen 22:9

amge nug da amelppa aum. “Na anam aib heme! Da am Kayaknu maɗi nid, na, na laipad propet danab, amu aun laa oh ag buk imuppanu nai dim lamidtteb ele, ag nuhig maɗi nid daatteb, amubia. Na Kayak aakkuib Nug noobppa dup nona binag me!” awa aum.

Revelesen 19:19

Amu da doɗ dakkuɗ, wanppanu king amu ahilkad daup ele qagmeeg anadmi. Ag laa nug hos hakkab attan dayom ele, amu nuhikkud daup ele ban hekkulagnu daappig.

Revelesen 19:10

Anam a amu da nug noobppa dup noin binag mekkulnu nug baegppa laippun gatel qaun oin gomelen, iɗul wanppa memi, amge nug da amelppa aum. “Na anam ii hemana! Da na, amu na laipad ele, ag oh Jesusnu oolagppa genab doonna, nuhignu mehuqtteb ele, da na ag ele, ig oh am Kayaknu maɗi nid. Na Kayak noobppa dup nona binag me! Aɗinu? Propet ag Kayak Ouɗi ɠagattagppa Jesusnu mehuqak heppig, amubia Jesusnu mehuqak oh am Kayak Ouɗi ɠagattagppa bette,” awa aum.

Aposel 27:25

amunu, ag oolagppa ɠagattag qak doon, aib baɗappig. Aɗinu? Da Kayak, Nug da amelppa nai aum amu, keeke amu anamib bekkunu oolppa genab doottem.

Aposel 27:21

Anam dayeye, aria deɗ kuɗum ag ee ii lappig; baalag qetom. Amu dimppa anam daaegeg, Pol nug aha, hippaitta aum. “Danab ag da tatam nai ami dim lamidna Krit ii uulob, ig appa daalom am ena. Anamlob amu ig qagaiettak imu ii anidlom. Amu keeke oh padal ii melo,

Aposel 27:10

“O danab, ig ahat gokkunig dayeb amu geha ig qagaiettak okkai anidkkunig doottem. Keeke kuɗum padal mekkulag. Uub ooppanu keeke amu uub eleib ii padal memaya! Iitta. Ig beɗunig ele padal mekku,” awa aum.

Aposel 16:30

Na qa, eɗua aha, nug diiata dimittim wana, oɗ matom. “O danab naɗi aɗit, Kayak Nug da eɗua awiɗkkunu amu, da attem hekkuloitte?” awa aum.

Aposel 14:7

aria appa aa Nai Ena tuɗidya, danab ah amelagppa mehuqpiɗ.

Aposel 13:32

Aria, Pol nug anam aum amu, nug nai tuɗitta aum. “Ig Nai Ena mehuqttem am inam. Kayak Nug ig mamenkad aɗi amelagppa nai laa qakka aum,

Aposel 7:26

Aria, wagɗe deɗ amuppa Moses nug eɗua oiyaya amu, Israel danab aɗit laa aa nug qeeheh anata, aa uuya oolah laippu daaglahnu amelahppa inam aum. ‘Aa diig laippuppan, amu aɗinu aa anam nug guittak mettaya hettep?’ awa aum.

Jon 5:26

Mama Nug nukka nuhig bauklel ele, amubia Nug Bekka da, da ele da dakka dahil bauklel ele daakkulnu meɗom.

Amos 2:4

Yawe Nug inam atte. “Juda danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag da, Yawe, ag dahil ɗo dimedappig. Ao, ag dahil ɗo dim ii lamidppig. Ag amu henana, ag kayak hambuppuak dim lamadkkulagnu eeɗak doon, dim lamadppig; kayak hambuppuak amuam ag mamelkad aɗi kayak hambuppuak dim lamadppig, am kayak amuib.

Daniel 6:26

Da ɗo imu iikku mei gotte. Danab ah ohnab ag da wan atu gumattem amu, wan amunu aben ohppa, ag ohnab ag Danielnu Kayaknu ebehilag oh bodoetta le maɗ! Danielnu Kayak Nug bau daatte. Ao, Nug hanhan daatte. Nuhig ɗo maɗoɗnu amu, laa nug heeb ii nauhma. Ge, nuhig wan atu gumak am alet, ii tuqa awak daatte.

2 King 19:16

O Yawe, da na Asiria dilag king Senekaripnu nai doon, dabmekkutnu ool daatte. O Yawe, na neegna, Asiria ag aɗi hetteb anidna dabmekkutnu oɗ medattem. Asiria dilag king Senakerip nug na, na Kayak bauklel ele, nug na awa awa nittak naunab nidakkunu nai me uɗiom amu, na amu neegna anidna doon, dabmekkutnu oɗ medattem.

2 King 19:4

Asiria dilag king nug he, nuhig ban daup ikki banppa o ban guguittakppa daatte, nug Kayak hanhan bau daatte awa awa qedakkunu uɗia, ⌊anam heum⌋ amunu, Yawe, nahip Kayak, Nug awa awa qettak nai amu Nug doyom ele, Nug nai amu dabmedakkutai. Nug dabmedatta, Nug Asiria dilag king bu medakkutai. Anam amunu, na ig Juda oɗo yaak daattem ele, na Yawe Nug ehanigkkunu unuqidkkutnu oɗ medattem,’ awa atte,” aon appig.

1 King 16:26

Nug Nebat bekka Jeroboam, nug nuhig oiyak oh dim lamitta, amu nug Jeroboam hipunin ha he, Israel danab ah ele ag hipunin amu heppig amu, nug amu ele heum. Nug anam he, Israel ag hipunin amu henana, ag kayak hambuppuak dottolag, ag ehanadkkulagnu elele iitta noolagppa dup nona binalag meppig amu, amuppa ag heeg, Yawe, Israel dilag Kayak, Nug oppoɗi beum.

1 King 16:13

Amu beumnu diig am, Basa nug, nug bekka Ela ele aa hipunin digdig heya heeh, Israel danab ah ele ag hipunin amu hadappig. Ag amu henana, Israel ag kayak hambuppuak noolagppa dup nona binag meppig, kayak amu ag ehanadkkulagnu elele iitta amu, ag amu heegeg, Yawe, Israel dilag Kayak, Nug oppoɗi beum.

1 Samuel 17:36

Da, nahip maɗi nid, da laion am bea ele aqati mauhpiɗ, amubia Pilistia danab umu, nug iitta aɗi laa amu, da qeppi mauhkku. Aɗinu? Nug nuhig ewakppa, nug Kayak Bauklel elenu ban danab dilagnu guhig ahaknu nai eum.

1 Samuel 17:26

⌊Ag nai amu mattieg, Dawit nug nai amu doya, genab madippigtai dookkunu,⌋ nug Israel ban danab laa guguitta dayom ele amegppa ana, oɗ metta aum. “Danab laa nug nob, Pilistia danab amu ele ban heya, Israel ted nug danab amu qeeb mauheb, amuppa nug heeb, uɗa nak nau guittak ele ihinigppa daatte iitta meeb amu, aria geha Saul nug keeke aɗi ena nuhignu hekku? Ele amu, Pilistia umu, nug am iitta aɗi laa amu, nug nukka nuhignu attem dabmette amunu, nug aha, Kayak bauklelnu ban danab ig, nug guhig ahaknu nai ihinignu ette,” awa aum.

Josua 3:10

Kanan danab, Hit danab, Hiwi danab, Peres danab, Girgas danab, Amo danab, Jebus danab ele ag wan Jodan le imu heqo laihppa daatteb. Ag amuppa daan, wan amu gumatteb, amge Kayak bau daatte, Nug ag Israel oolagppa daatte, Nug heeb, ag Israel, ag danab amu lamadkkulag. Nug ag amu miagib ippuanatteb anidkkulagnu amu,

Genesis 41:16

Nug anam a amu, Josep nug aum. “Da mehuqkkulnu elele iitta, amge keeke na dookkutnu oot hette amu, Kayak Nug na ippunitteb dookkut,” awa aum.

Sam 115:15

Yawe, Nug hab, wan ele heum amu, Nug ag itadkkunu ool daatte.

Jeremaia 51:15

Yawe Nug nuhig ɠagattagppa wan heum. Nug doyak dabmak ena ele nuhigppa wan ha, abenppa meum. Ao, Nug diignu doyak tutukku nuhigppa ele ha, hab nuhig abenppa meum.

Revelesen 4:11

“O Naɗi, ihinig Kayak, Na keeke ohnab heme. Nahip doyakppaib na keeke oh he beppig. Gemu keeke amu oh nahip doyakppaib ele iikku daatteb amunu, binag amahlak oppiaawak, ɠagattag, binag ele nahip-ppa daakkunu, na elele daattem.” Ag anam aegeg anidmi.