Aposel 13:7 - Nobonob Baibel

⁷ Danab nug nud amunu gawana dayom am onig Sergius Paulus, amu Barjesus nug am nuhig ehanittak danab laa. Aria, Sergius Paulus nug nuhig dabmak ena ele amu, nug Kayaknu nai dookkunu oo dayom amunu, nug Barnabas, Saul ele aa uɗiglahnu onilahppa eum.

Aposel 13:7 Referans Kwoze

Aposel 19:38

Amu Demitrius nug nuhikkud uɗat laippu ele, ag oh am danab keeke silwappa haknu doyak okkai ele amu, danab laa nug ahilagppa eheɗ laa heum dayeb amu, ag danab amu hettoɗiakppa mekkulagnu ib daatte. Gabman okkai daatteb. Demitrius aɗi ag geha hettoɗiakppa nai danab eheɗ heum beɗuppa yaaglagnu elele.

Aposel 13:12

Am gawana nug keeke amu antta, nug ooppa genab doyom. Aɗinu? Aa Naɗinu nai ippunidpiɗ amu, nug amunu dabmak kuɗum awom.

Aposel 18:12

Am Pol nug Korint dayaya, anam heum, amge dimppa Galio nug prowins Akaia dilag gawana dayeye, haen amuppa Juda ag oh qagmena, Pol kekeɗ mettan, aɗan aon hettoɗiak abenppa goppig.

Prowerb 18:15

Danab nug oo maittak awaknu ehah awom daatte, nug doyak ena aotte. Ge, danab ag doyak dabmak ena ele, ag doyak ena aoglagnu neegtteb.

Aposel 13:8

Aa goya, Kayaknu nai mehuqeh amu onig awak danab Barjesus, Grik naippa nug onig am Elimas, nug ahilah ib oonekkunu ha, aa nai madipiɗ ele, amu tappeb nokkunu heum. Nug gawananu dabmak heeb eɗueb, ooppa genab ii doomanu heum.

1 Tesalonaika 5:21

Nai oh, amu keeke oh ele ag epeɗin, aɗi am ena aakkuib, ag aɗeg!

Hosea 14:9

Laa ag danab doyak dabmak ena ele, ag keeke imu ohnu diignu doyak tutukku aweg! Ao, laa ag oo maittak awaknu ehah aoppig daatteb ele, ag keeke imunu diignu doyak tutukku aweg! Aɗinu? Yawenu ib amu genab tutukku ele, amu genab tutukku hak danab ah ag amuppa daanna oitteb; amge nai tappe nak danab ah ag amuppa taataɗ qetteb.

Prowerb 14:18

Danab ag doyak ii awak ele ag Kayak dab-ii-maama hak kobol dim lamidtteb; amge eheɗ bemanu dabmak awa dabmak amu dim lamittak danab ag tuɗidna, doyak ena baubau aotteb.

Prowerb 14:15

Danab nug doyak ii awak oitte, nug keeke digdignu ooppa genab dootte; amge eheɗ bemanu dabmak awa dabmak amu dim lamittak danab nug am aɗi hekkunu dabmette.

Prowerb 14:8

Eheɗ bemanu dabmak awa dabmak amu dim lamittak danab nug nuhig doyak dabmak ena ele uɗat metta, nug aɗi keeke hette, nug amunu dabma auta aotte; amge danab nug Kayak dab-ii-maama ii dim lamidtte ele, nug Kayak dab-ii-maama hak kobol dim lamittatta, nukka buppuidtte.