Aposel 13:46 - Nobonob Baibel

⁴⁶ Ag anam heppig amge Pol, Barnabas ele aa amunu ii baɗapiɗ. Iitta! Aa nai baɗak iitta ele mattiya amelagppa apiɗ. “Imu genab, i Kayak nai tatam ag amelagppa apuɗ dooglagnunab dayom, amge ag nai bauklel hanhannu imu doon dim lamidkkulagnu uunna, ag akka ag bauklel hanhannu amu aoglagnu elele ii dootteb heeg miag atiak bette amunu, ag imu doyeg! Gemu i ag uuadɗa, iitta aɗi gumadɗa gokkunih.

Aposel 13:46 Referans Kwoze

Aposel 28:28

Amunu ag doyeg! Kayak Nug ig eɗua awigkkunu uɗat ena imu ihinignu heum amu, Kayak Nug he, iitta aɗi danab dilagppa ukkom, amu iitta aɗi amu, ag am dooglag,” awa aum.

Aposel 26:20

Iitta. Da tatam Damaskus danab amelagppa nai mattie, dimppa Jerusalem danab, Juda danab, amu iitta aɗi ele amelagppa ami. Da ag amelagppa nai inam mattimi. ‘Ag oolag eɗueb, ag eɗun Kayak waappa daanna, danab laala ag genab oolag eɗuom anidkkulagnu, ag kobol tutukkuib dim lamitteg!’ awe ami.

Matyu 21:43

Amunu da ag amelagppa attem. Kayak Nug nuhig ɗo maɗoɗ ahilagppanu awa, danab laa eppelagppa meeb, ag meu ena aon mettaglag.

Aposel 3:26

Anam amunu Israel danab, Kayak Nug heeb, ag oh anen anen ag hak nau ahilag uun, Nug dim lamidkkulagnu itittak amu madakkunu, Kayak Nug nuhig maɗi nid otia, ahilagppa tatam me uɗiom,” awa aum.

Rom 2:10

Amge Kayak Nug geha binag amahlak oppiaawak ele, maɗoɗ, amu binag ele danab oh kobol ena hetteb ele madakku; Juda ag tatam ⌊nai amu⌋ doyegeg, iitta aɗi ag aakku geha dootteb.

Rom 1:16

Da Jesusnu Nai Enanu amu, da uɗa nak ii doottem. Aɗinu? Nai amuam Kayaknu ɠagattag, amu Kayak Nug amuppa danab aun aɗi ag oolagppa genab dootteb ele, Nug ag eɗua diitte; Juda ag tatam ⌊nai amu⌋ doyegeg, iitta aɗi ag aakku geha dootteb.

Aposel 22:21

Da anam ami amge Naɗi Nug da amelppa aum. ‘Na ukke! Da na meidppi, na atu uma, iitta aɗi, amu gumadna gokkut,’ awa aum.” Pol nug anam aum.

Aposel 13:26

O lailad, ag laala Abraham buɗubppan danab, amu ag laala iitta aɗi danab ag Kayaknu ebehilag oh bodoetta le mette amu, ag oh doyeg! Kayak Nug danab eɗua diiadkkunu aum amu, Nug ig oh, ihinignu aum.

Jon 1:11

Nug keeke heumppa na dayom, amge danab ag Nug ɗo ii mettan ii aoppig.

Aisaia 55:5

⌊O dahilad danab ah,⌋ da Yawe, da am ag Israel, ahilag Kayak; ge, da am ag Israel, ahilag Kayak Oppiaawak Ele. Amu diig amunu amu, ag geha danab ah huu ag ii doyadtteb ele onilagppa eppeg, ag gumadna uɗiglag. Ao, ag huu amu ii doyadtteb, huu amu ele ag ii doyadtteb, amge ag ag onilagppa eppeg, ag qaiqaɗ ahilagppa uɗiglag. Aɗinu? Da ag, dahilad danab ah, da ag ɠagattag onig okkai ele mattami.” Yawe Nug anam atte.

Aposel 7:51

Aria, Israel ag am tappe nak danab, ag oolag, daulag ele am ituak, iitta aɗi danab bia amunu, ag mamelkad aɗi heppig amubia, ag hanhan Kayak Ouɗi dimedatteb.

Luk 24:47

Amge laa ele ippunigtte. Amuam Kristus Nug hibaitteb, ⌊nuhikkud danab⌋ ag Kristus onigppa wan atu ohppanu danab ah amelagppa ag Kayak Nug danab ah dilag hipunin uhuqa madakkunu, ag oolag eɗuglagnu mehuqkkulagoitte. Ag uɗat amu Jerusalem digmekkulag. Kayak nai anam ippunigtte.

Pilipai 1:14

Amu da lailad kuɗum, ag Naɗinu oolagppa genab dootteb ele, ag da hippalakppa daattemnu dabmeeg, ag oolag ɠagattag qette, ag oolagppa ɠagattag doon, baɗak iitta Kayak nai mehuqtteb.

Duteronomi 32:21

Ag kayak hambuppuak dottolkad noolagppa dup noa binag mak kobol heeg, da ahilagnu dahil doya laa aomanu doyak aɗe daami. Dottolkad amu ag kayak genab iitta. Ao, ag kayak hambuppuak dottolkad, keeke amuam ag ehanadkkunu elele iitta, ag amu noolagppa dup noa binag mak kobol heeg, da ool nauhom. Gemu amu, da danab ah ag dahilad iitta ehanadppi, Israel danab ah ag amu anidna, ag ehanittak amunu ittag aqeeb, ag ele aoglagnu dabmak aona, ag dahilppa eɗun uɗiglag. Ao, danab ah dahilad iitta, ag diignu doyak tutukku iitta, da ag ehanadppi, Israel danab ah ag amunu oolag nauhkku.

Aposel 13:14

Ukke amu aa Perganu ahaya goya, aab onig Antiok, Pisidia wanppanu, amuppa teya, Sabat deɗppa aa Juda dilag nai doyak lag ooppa noya daapiɗ.

Aposel 13:5

Saiprus goya, aa Salamis teya, appa Juda dilag nai doyak lag laalappa teya, aa Kayak nai mehuqeheh, Jon Mak nug ele oh daanna, ahilah ehanatak dayom.

Aposel 4:13

Haen Juda dilag danab okkai amu ag Pita, Jon ele aa ii baɗapiɗ anidna, amu aa sul okkai ii hepiɗ ele doona, ag ottaina dabmak kuɗum aona, ag Pita, Jon ele aa Jesus ele oippig amu dabmeppig.

Jon 4:22

Ag Samaria, ag Kayak noobppa dup nona binag metteb, amge ag nuhig diig pehettak ii dootteb. Amge Kayak Nug he, eɗua diiaknu uɗat amu ig Juda ihinigppa bette amunu, Nug nuhig diig ig ippunikke, ig nuhig diig tutukku dootta, ig Nug noobppa dup nota binag mettem.

Matyu 10:6

Iitta. Ag Israel buɗub, ag am sipsip padal meppig oitteb bia oitteb amu, ahilagppa ukkeg!

Prowerb 28:1

Nau hak danab ag auntai laa ii lamattegeg, haen amuppa ele ag baɗan, oolna gotteb; amge genab tutukku hak danab ag laion bau bia, ag ɠagattag daatteb.

Hibru 11:34

Amu ag heeg, aab nau qauhppig. Ag qep elab aqamanu dekkaɗppig. Ag gai-iitta daappig, amge dimppa ag ɠagattag aoppig. Ag ban danab ɠagattag bena amu, ag aab laalappanu ban daup lamatteg goppig.

Esekiel 2:5

Na anam akkut, amge ag am nai tappe nak danab ah daatteb amunu, ag dahil nai na oɗenppa dooglagtai, o iittatai, amuam ahilagnu keeke. Amuam ahilagnu keeke, amge ⌊dahil nai meu ob amu,⌋ ag dooglag, propet tutukku laa ag oolagppa dayaya, dahil nai mattiom.

Matyu 21:41

Jesus Nug anam a amu, ag appig. “Nug maɗi nid nau amu aqa aut autanab aweb mauhkkulag. Mauhppeg, nug grep dad amu eɗua awa, dad gumak danab laa eppelagppa meeb, dimppa ag meu ena haenppa aon mettaglag,” aon appig.

Matyu 25:46

Aria, danab amu ag gona, haen ohnu nau awak abenppa daaglag, amge genab tutukku hak danab ag bauklel hanhannu aon daaglag,” awa aum.

Aposel 9:20

Saul ag ele, ag appa daanna nug ameg mak ii heum. Iitta. Nug ukka, Juda dilag nai doyak lag laalappa noa, nug Jesusnu nai mehuqa, amelagppa inam aum. “Jesus Nug Kayak Bekka,” awa aum.

Aposel 19:9

Nug kalam ewam anam mehuqeqe, laala ag nai amu ii aɗaglagnu ɠagattag daanna, ag oolagppa genab ii dooppig. Ag danab ah kuɗum amelagppa Naɗinu ibnu nai nau madippig. Anam heppig amunu, Pol nug ag uuatta, Kristen diia ukka, deɗ oh Tiranusnu sul lag ooppa noa, nai mehuqttom.