Aposel 13:44 - Nobonob Baibel

⁴⁴ Anam aoya aeh, mettid laippu ukke, Sabat deɗ amuppa amu aab okkai amuppan danab ah oh bia ag Naɗinu nai dooglagnu uɗin qagmeppig.

Aposel 13:44 Referans Kwoze

Aisaia 60:8

⌊Uub okkai umu uɗitteb amu,⌋ ag lombig ulah yeeye, paha paha laih gotte, o uppuɗil beɗulag nakok nug eɗua teɗppa tutukku gotte, ag amubia gotteb amu, ⌊uub⌋ amuam attemun?

Aisaia 11:10

Haen amuppa am inam daakku. Jesi buɗub nug geha king daakku. Nug pilak laa, pilak amuam ad elab attan ta ukkak galaeg daatte, nug amubia daakku, amu wanppan huu anen anen ohppan danab ah ag geha nuhigppa uɗin, gumidna dona, nug dooglagnu ba daakku. Nug anam dayebeb, wanppan wan ohppan danab ah ag nug gumidna goppeg, nuhig dayaknu aben am binag amahlak oppiaawak ele daakku.

Sam 110:3

Deɗ na kekeɗ nahip eɗadkkutnu banelag gokkut amu, nahipad ban danab ag gamag ahak doon, dim lamidkkulag. Ao, nahipad ban danab ag nid bau kuɗum, ɠagattag ele, ag genab nahipnu tituanak daatteb amu, ag na dim lamidkkulagnu buttuanab ahan daaglag.

Genesis 49:10

Juda nug hanhan kingnu qakun aɗa daakku. Ao, Juda buɗub laa ag hanhan king daan oiglag. Ag anam daappeg ukkebeb, dimppa laa nug kingnu qakun mamegnab nug uɗia aweb batakku. Nug uɗieb amu, wan laalappan oh ag nuhig nai dim lamidkkulag.

Matyu 8:34

Mattieg amu, danab ah aabppanu oh Jesus uɗa tekkulagnu uɗin, ag Nug anidna, ag Nug ahilag wan atuppanu aha, laih gokkunu unuqppig.

Aposel 13:14

Ukke amu aa Perganu ahaya goya, aab onig Antiok, Pisidia wanppanu, amuppa teya, Sabat deɗppa aa Juda dilag nai doyak lag ooppa noya daapiɗ.