Aposel 11:26 - Nobonob Baibel

²⁶ antta, nug omale Antiok ukkaeh, maɗ laippu Kristen tamaniak appanu ele daanna, aa danab ah kuɗumnab Kayak nai ippunadpiɗ. Antiok appa danab ag tatam digmena, danab ag Jesusnu oolagppa genab dooppig, ag ahilagnu, Kristen appig.

Aposel 11:26 Referans Kwoze

1 Pita 4:16

Amge danab nug Kayak baegppa dayaya, amuppa nug guittak aotte dayeb amu, nug uɗa aib neum. Iitta. Nug onig Kayak baegppan danab daatte amunu, nug Kayak binag maɗ!

Aposel 26:28

Pol nug anam a amu Agripa nug Pol amegppa aum. “Nahip nai mattiak haen tutu imuppa da Kristen bekkulnu miag doottemte?” awa aum.

1 Jon 2:27

Amge ag Kristus eppegppanu Kayak Ouɗi aoppig, ag oolagppa ele daatte amunu, auntai laa nug ag keeke laa ippunadkkununab ii daatte. Aɗinu? Kayak Ouɗi, Nug keeke ohnu diig tutukku ippunadtte, Nug am genabib ippunadtte, Nug hambuppuak laa ii ippunadtte amunu, Nug ag ippunadtte amu, ag amu dim lamidna, Kristus ele laippu dayeg!

1 Pita 4:14

Amu ag Kristus onig ɠagattag aɗatteb amunu, danab laa ag ahilagnu nai eheɗ akkulag amu, ag itittak ena aoppig daatteb. Aɗinu? Kayak Ouɗi, Nug binag amahlak oppiaawak ele, Nug ag ele daatteb.

Epesus 3:15

Nug baekkudppa oh, laa hab aabppanu, laa ag wanppanu, ag oh nuhigppaib ag onilag aotteb.

1 Korint 14:23

Anam daatte amunu, Kristen tamaniak danab ah oh ag qagmena, ag nai piɗe piɗeppa nai mattiglag dayeb, danab laala ag oolag ii maidtte o iitta ag oolagppa genab ii dootteb ele amu, ag ahilag qagmak ooppa nona anadna, ag, “Ag kaaka aqom,” aon akkulag.

1 Korint 12:12

Ig danab beɗunig amu laippu, amge laih kuɗum daatte. Am beɗu laih kuɗum amu ag oh qagmeeg, beɗu laippu daatte. Kristusnu tamaniak ele nug anam aakku daatte.

1 Korint 11:18

Amu laa ag haen ag Korint tamaniak ag Mettid hekkulagnu qagmetteb amu, ag obatak obatak daatteb, laippu oh ii daatteb, anam aeg doomi amu da nakok oolppa genab doottem.

1 Korint 4:17

Diig amunu da Timoti meppi, ahilagppa gokkunu hettem. Nug dahil nid danab, da nuhignu ool huana mauhtte. Nug Naɗinu oo metta ii uuak kobol dim lamidtte. Nug da Kristus Jesusnu daattem, nuhig kobol dim lamidttem ele amu, nug kobol amu ippunadkku. Da kobol anamib Kristen tamaniak aben ohppa ippunadttem.

Aposel 14:27

Aa uɗiya Antiok beya, aa Kristen tamaniak qagmadya, aa amelagppa Kayak ahilahppa aɗi heum amunu oh mattiya, aa inam ele apiɗ. “Kayak Nug he, iitta aɗi ag ele oolagppa genab dooppig,” aoya apiɗ.

Matyu 28:19

amunu, ag gowona, wan atu ohppanu danab ah heppeg, dahilad ippunittak awak danab ah daappeg, ag Mama onigppa, Nug Bekka onigppa, amu Kayak Ouɗi onigppa layatteg!

Revelesen 3:18

Anam amunu, da ulum mettak nai imu na medattem. Na enun ele daakkutnu, na gol babaitta epeɗia awak dahilppanu daden mena, na bam iittanu uɗa nak doomnanu, na lamen hakkab ele dahilppanu daden mena, aria, na neegna keeke anidkkutnu, na marasin na amenppa mekkutnu ele dahilppanu daden me!

Aposel 14:23

Anam heyaya amu, aa Kristen tamaniak amu ohppa ikki danab laala otiadya maadpiɗ. Aa ee ohnu kud meya daayya unuqidyaya, aa Kristen tamaniak amu oh diiya, Naɗi, ag nuhignu oolagppa genab dooppig ele amu, Nug eppegppa maadpiɗ.

Aposel 11:27

Aria, haen amuppa propet laala ag Jerusalemnu ahan Antiok noppig.

Aposel 11:22

Ag Naɗinu oolagppa genab doyeg, Kristen tamaniak Jerusalemnu ag nai amu doona heeg, Barnabas Antiok ukkom.

Aposel 11:20

Aria, ag anam heppig, amge ag oolagppanu danab laippu laippu, ag am Saiprus amu Sairini danab ele, ag gona, Grik danab Antiok daappig ele amelagppa Naɗi Jesusnu Nai Ena mehuqppig.

Aposel 6:5

Ag anam aeg, danab ah oh ag nai amunu ena doon, ag danab otiadppig. Ag otiadppig ele amu, ag onilag am Stiven, nug ooppa genab doyak nuhig am ɠagattag, Kayak Ouɗi nug ooppa ambak ele. Aria, laa am Pilip, laa am Prokorus, laa Nikanor, laa am Timon, laa Pemenas, amu laa am Nikolas. Nikolas ⌊nug iitta aɗi laa,⌋ nug Antiok ted. Amu nug ⌊tatam⌋ eɗua, Juda dilag mettid dim lamittom, ⌊amge gemu nug Kristen beum daatte⌋.

Aisaia 65:15

Ag ahilag hak nau, diig amuppa ag bu eheɗ amu aoppeg, dahilad danab ah ag ag onilag diin, anen anen laa amegppa, ‘Yawe Nug amu dilag bu mattom bia, nahip eheɗ laa awaknu anak waappa dayak am amubia daakkunu ool daatte,’ akkulag.” Yawe Nug anam atte. Amu Naɗi Yawe Nug heeb, ag nau hetteb ag mauhkkulag, amge Nug nuhikkud danab ah onig laa matteb ⌊ag enaib daaglag⌋.

Jon 2:2

ag Jesus Nug nuhikkud ippunittak awak danab ele, ag oh ele hobul amuppa daaglagnu onilagppa eppig.

Aposel 1:15

Ag anam daanna, haen amuppa Pita nug danab ah ag Jesusnu oolagppa genab dooppig ele, ahilag ebqak 120 anam amu, nug ag oolagppa aha hibaitta Judasnu inam mattiom.

Aposel 6:1

Ag Jesus Kristusnu Nai Ena mehuqegeg, haen amuppa danab kuɗum Jesusnu oolagppa genab doyegeg, tamaniak amu tuɗittegeg okkai meum. Anam beebe, tamaniak danab ah oolagppa ameg laa ag Grik nai madittappig, ag ahan ameg laa Hibru nai madittappig, ag ag ele aeg ona aeg do amelagppa appig. “Ag deɗ oh uɗat imu tippaltteb. Ag ah qab ahilkad, ag ee iitta ele, ag ee madatteb, amge ag ihinkad ah qab daatteb amu, ag ii ehanadtteb,” aon appig.

Aposel 9:19

Nug layattak awowa, dimppa nug ee laawo, beɗu ɠagattag qeum. Ɠagattag qe, Saul nug Damaskus appa deɗ laib laib danab Jesusnu oolagppa genab dooppig ele amu, nug ag ele oh daappig.

Aposel 9:38

Lida, Jopa ele ouqak daapiɗ amunu, danab Jesusnu oolagppa genab dooppig ele ag, “Pita Lida daatte,” amu dooppig amunu, ag danab aɗit, aa Pita amegppa, “Na paha ihinigppa uɗie! Na appa aib daame!” akkulahnu heeg gopiɗ.

Aposel 11:29

Amu be, Kristen ag nai laippu anana, ag men doɗo ag lailkad Juda ehanadkkulagnu meppeg gokkunu dabmeppig. Kristen oh ag beɗulagppa men doɗo gane daatte amu doona, ag laih uɗat amunu otippig.

Aposel 14:20

Ag anam heppig, amge laala Jesusnu oolagppa genab dooppig ele, ag uɗin, Pol niieye talilidna daaegeg, nug eɗua aha aab amuppa noum. Aria, wagɗe deɗ amuppa nug Barnabas ele aa Derbe gokkunu gopiɗ.

Aposel 14:22

Aa goyaya, aa Kristen ɠagattag aqai, ag ɠagattag daanna oiyegeg, ahilag ooppa genab doyak na qemanu ayaya, inam ele apiɗ. “Ig Kayaknu ɗo maɗoɗ ooppa nokkunignu, ig tatam uug kuɗum aot oignigoitte,” aoya apiɗ.

Aposel 14:28

Aa Kristen tamaniak amelagppa goya uɗat hepiɗ amunu awoya, aa haen elab ag ele appa daappig.

Aposel 18:27

Aa ippunitteh, amu dimppa Apolos nug prowins onig Akaia appa gokkunu he, Epesusnu Kristen oh ag nug nai doyom amu awa ukka tuɗidkkunu dabmak nuhig amu ɠagattag qedappig. Aria, Epesusnu Kristen ag danab Akaia appa Kristen meppig ele, ag amu dilag uɗug yaak laa yaan, ag Apolos ag ele laippu dayaknu oolagppa eleleib dooglagnu yaan, ⌊Apolos awa gokkunu medappig⌋. Metteg, Apolos ukka Akaia te amu, danab ah Kayaknu ehanittak okkai hamu megatte amu aona, ag oolagppa genab dooppig ele amu, Apolos nug ag ɠagattag aqom.

Aposel 19:9

Nug kalam ewam anam mehuqeqe, laala ag nai amu ii aɗaglagnu ɠagattag daanna, ag oolagppa genab ii dooppig. Ag danab ah kuɗum amelagppa Naɗinu ibnu nai nau madippig. Anam heppig amunu, Pol nug ag uuatta, Kristen diia ukka, deɗ oh Tiranusnu sul lag ooppa noa, nai mehuqttom.

Aposel 20:1

Oqottilag ahom amu iitta me, Pol nug Kristen onilagppa e gumidna uɗieg, nug nai laala ɠagattag aqakkunu amelagppa awowa, uuatta gokkunu dayaya, “Ena dayeg!” awowa, nug aha Makedonia ukkom.

Aposel 20:30

Am ag akka ahilkad danab laala ag ahan, ag doyak diig genabib baolinna, ag Kristen eeɗadppeg, ahan dim lamadkkulagnu hekkulag.

Aposel 21:4

Anam dayeye amu ig gota, Kristen danab anadta, appa ig deɗ eblaih aɗit ele daamut. Amu Kayak Ouɗi Nug Kristen amu dilag dabmak maɗette, ag Pol amegppa, nug Jerusalem ii gomanu appig.

Jems 2:7

Am Kayak Nug Kristus onig ag mattom amu, danab amu ag aakku onig amu dappidna maditteb.