Aposel 10:9 - Nobonob Baibel

⁹ Aria, danab ewam ag ukkaegeg ⌊uudo, ibppa niiona, ahan ukkaegeg,⌋ aam ameg tutukku aokkunu heehe Jopa guguittegeg, Pita nug lag koɗokko uɗem ukkakppa unuqidkkunu teum.

Aposel 10:9 Referans Kwoze

Sepanaia 1:5

Da heppi, laa ag laulkad koɗokko uɗem ukkakppa tena, appa ag aam, kalam, hoɗoppai ele dilagnu, ‘Umu ag am kayak laa,’ anana, ag amu noolagppa dup nona binalag metteb ele amu, ag oh nauhkkulag. Ao, da heppi, laa ag da, Yawe, ag da dim lamiɗtteb anan, ag da onilppa ele ahilag nai ɠagattag qettan atteb, amge ag kayak hambuppuak Molek onigppa ele ahilag nai ɠagattag qettan atteb amu, ag nauhkkulag.

Sam 55:17

Buttua, amun, tuqan ele da unuqittak baal okkaippa uug nau toniɗom imunu hebippi, Yawe Nug da baal dookku.

Aposel 6:4

Amge ig totol danab amu, ig hanhan unuqidtata, Kayak nai danab ah ippunadkkunig,” aon appig.

Mak 6:46

Nug anam a amu, ag ahan ukkaegeg, Jesus Nug danab ah amelagppa, “Enad ukkeg,” awowa, Nug unuqidkkunu qaukoppa nakok ta dayom.

Mak 1:35

Aria, wagɗe buttuanab Jesus Nug lakkanu aha, aab uua, aben danab haen oh ii daattebppa ukka, unuqittatta dayom.

Matyu 27:45

Aria, aam ameg 12ppa gatatu na, wan amu oh tone ukke, tueb aam ameg ewamppa batom.

Matyu 24:17

Danab nug nuhig lag koɗokko uɗem ukkakppa daatte, nug aguppa dayaya, nug oolkkunuib dabmaama, nug lag ooppa noa keeke aib awom. Iitta! Nug oola ukkaɗ!

Matyu 20:5

Nug anam a, ag goppig. Aria, aam ameg tutukkuppa, aam ameg ewamppa ele nug eɗua ukka, anamib heum.

Matyu 6:6

Amge haen na unuqidttem, na lag ooppa nona, od manona, na Mamen, Nug miag atiak ii daatte, na Nug unuqidppe, Nug keeke miag atiak iitta oh anidtte ele amu, Nug nob ena na medakku.

Daniel 6:10

Danab okkai amu ag anam heeg, king nug ɗo amu he ye, onig me, haen Daniel nug ɗo amunu doya amu, nug aha, lakka ukka, nug oo attan laa gililppa ulah ibuppa, danab nug appa dayaya, neekkeb laih Jerusalem daatteppa gokkunu elele, nug gililppa ulah ippu amuppa gateg qaun o, nug Kayak amegppa, “Ena hen mekkame,” anana, Kayak unuqittom. Nug deɗ ohppa haen ewam Kayak anam unuqittom. Nug kingnu ɗo nai amu ii babaittom haenppa heum bia tuɗitta heum.

Jeremaia 32:29

Babilon daup, ag gemu aab okkai imuppan danab ah aqaglagnu ban hetteb, ag aab okkai imu eɗidna, ooppa uɗin, maippeg eokku. Ewebeb, Jerusalem danab ah ag lag laala koɗokkoppa tena, appa ag kalu danab ile muttuɗig enanag bette ele main, kayak hambuppuak Bal mettona, ag wain gokkaɗaknu ofa kayak hambuppuak laala dilagnu ele heeg, da oppoɗil beum amu, Babilon dilag daup ag lag amu ele maippeg eokku.

1 Samuel 9:25

Aria, ag ee lawona, ag ahan, aabnu mettid lag nakok uun, aab ooppa nona, Samuel nug Saul ele aa lag attan, koɗokko uɗem ukkak aben, amuppa teya daayya, Samuel nug Saul ele nai madipiɗ.

1 Timoti 2:8

Amunu da danab oh ag unuqidkkulagnu amu ag oppiaawak daanna, ag oo nauhak, a ona a doak ele iitta daanna, unuqidkkulagnu ool daatte.

Epesus 6:18

Ag hanhan Kayak Ouɗippa Kayak Nug ag ehanadkkunu unuqittak digdigppa attem attem Nug ag ehanadkkunu unuqidkkulag. Ag keeke amu dabmenana ag aib bodoedappig. Amu ele ag Kayaknu danab ah oppiaawak ele laa oh dilagnu ele hanhan unuqidkkulag.

2 Samuel 11:2

Dayaya, tueb laappa Dawit nug niiak aben nuhigppanu aha, nug laug, koɗokko uɗem ukkak ele amuppa ta oiyom. Nug oiyaya, neekke ukke, nug ah laa le layeye anttom. Ah amu nug iɗu tuqaknab ele.

Aposel 10:3

Nug anam heehe amu deɗ laa tueb, aam ameg ewamppa nug tuleglegppa Kayaknu engel laa miag atiak nug gumitta uɗia anttom. Engel nug uɗia, onig diia, “Kornilius,” aum.