Aposel 10:33 - Nobonob Baibel

³³ Nug anam a amu da paha hei, danab laala na omaidkkulagnu ukkaeg, am na ena hena uɗime. Aria, ig oh Kayak noobppa inam daatta amu, Naɗi nuhig nai oh Nug na appe doognignu a doome ele amu, na appe doognignu daattem.” Kornilius nug Pita amegppa anam aum.

Aposel 10:33 Referans Kwoze

Jems 1:19

O lailadnab, ag oh kobol imu doon autna aweg! Ag nai paha dooglagnu daulag human dayeg! Ag anam hekkulag, amge ag nai paha aib madippig, oppoɗilag ele paha aib beum.

Galesia 4:14

Genab, oɗe dahilnu amu ag amunu uug maoppig, amge ag da ii guhuɗilppig. Iitta. Ag da ag ele laippu dayaknu oolagppa eleleib doon, ag Kayaknu engel laa aolob, amubia da awiɗppig. Ag Jesus Kristus Nugnab aolob, anam bia ag da awiɗppig.

Jems 1:21

Amunu kobol nau oh, kobol dubuttid oh ele, wan ohppa daatteb amu, ag amu oh maoppeg ukkeb, ag akka ag onilag qeppeg neeb, ag nai Kayak Nug ag oolagppa eppom daatte amu aweg! Nai amu nug ag eɗua diikkunu elele.

1 Korint 3:18

Amge laa nug nugakka buppuidmanu dabmaɗ! Ag oolagppanu danab laa nug wannu haen imuppanu doyak dabmak ena okkai awom amunu nug, “Da am doyak dabmak ena ele danab,” dabmette dayeb, nug genab doyak dabmak ena ele danab ba daakkunu, nug wannu haen imuppan doyak dabmak ena ele oh qeeb naɗ!

Aposel 28:28

Amunu ag doyeg! Kayak Nug ig eɗua awigkkunu uɗat ena imu ihinignu heum amu, Kayak Nug he, iitta aɗi danab dilagppa ukkom, amu iitta aɗi amu, ag am dooglag,” awa aum.

Mak 10:15

Da genab ag amelagppa attem. Danab nug Kayaknu ɗo maɗoɗ nid nakok aotte amubia ii aokku amu, nug Kayaknu ɗo maɗoɗ iinab noma,” awa aum.

Matyu 18:4

Amunu laa nug onig qe ne oitte, nid nakok imubia amu, nug Kayaknu ɗo maɗoɗ ooppa, laa oh eɗattak daatte.

Prowerb 25:12

Danab laa nug doyak dabmak ena ele, nug danab laa, nug dookkunu oo hette ele, nug nug daug batakku dayeb; amuam enanag, daulag bid golppa hak, o bala laa gol enanagppa hak bia.

Prowerb 1:5

danab nug oiyak ehanittaknu nai tutu, aria keeke danab ag dootteb ii dootteb ele ouaqata ippuanattak nai ele dookkunu, diig amu ohnu amu, oiyak ehanittaknu nai tutu imu am amunu daatte. Aria, danab nug doyak dabmak ena ele, nug daug huma doya, nug nuhig doyak dabmak ena ele nai imuppanu tuɗitta awaɗ! Ge, danab nug oo maittak awaknu ehah ele amu, nug ele nai imuppa ulum awaɗ!

2 Stori 30:12

King, nuhikkud ehanittak anuqak danab ele ag Yawe Nug ag Pasowanu aɗi hekkulagnu ippuanattom hekkulagnu haknunab appig amu, Juda appa Kayak Nug he, Juda danab ah ag nai amu dim lamidkkulagnu dabmak amu aon dayeg, dabmak amu ɠagattag dayom.

1 Tesalonaika 2:13

Ig ag amelagppa nai mehuqmut amu, ag wanppanu danab dilag nai bia ii aoppig. Iitta. Ag nai amunu, am Kayak nai, tutukku doonna aoppig amunu amu, ig haen oh Kayak amegppa keeke amunu ele, “Ena heme,” aot attem. Nai amunu amu ag oolagppa genab dootteb ele amu, nug ag oolagppa uɗat ɠagattag heehe, meu aakku bette.

Matyu 19:30

Amge danab kuɗum anuqak daatteb amu, ag dim daaglag. Am kuɗum laa ag dim daatteb amu, ag anuqkkulag,” awa aum.

Prowerb 18:15

Danab nug oo maittak awaknu ehah awom daatte, nug doyak ena aotte. Ge, danab ag doyak dabmak ena ele, ag doyak ena aoglagnu neegtteb.

Aposel 10:32

Amunu na heppe, danab laala Jopa gona, danab Saimon, nug onig laa Pita, appeg uɗiaɗ! Danab amu nug Saimon, doɗ gaɗa beɗamanu babaittak danab, nug laug amu yu ihippa daatte ele amu, nug danab amu ele daattep,’ awa aum.

Aposel 10:34

Kornilius nug nai mattia male amu, Pita nug inam awa aum. “Amu genabnab, gemu da doottem, Kayak Nug danab mamekkud aɗi am aun dabmaama, diig amunu Nug danab laa awa, laa geɗitta ii hette.

Duteronomi 30:13

O ɗo nai imu wan laa yu daug laihppa uppa dayebte, laa nug inam akku. “Aun laa nug wan yu daug laihppa ukka, ɗo nai ig dim lamidkkunignu awa uɗia mehuqkku?” awa akku.