Aposel 10:25 - Nobonob Baibel

²⁵ Ag qagmen daaegeg, gona tena, Pita nug Kornilius laug ooppa no, Kornilius nug doa, Pita noobppa paha gateg qaun o, gomela, binag meum.

Aposel 10:25 Referans Kwoze

Revelesen 19:10

Anam a amu da nug noobppa dup noin binag mekkulnu nug baegppa laippun gatel qaun oin gomelen, iɗul wanppa memi, amge nug da amelppa aum. “Na anam ii hemana! Da na, amu na laipad ele, ag oh Jesusnu oolagppa genab doonna, nuhignu mehuqtteb ele, da na ag ele, ig oh am Kayaknu maɗi nid. Na Kayak noobppa dup nona binag me! Aɗinu? Propet ag Kayak Ouɗi ɠagattagppa Jesusnu mehuqak heppig, amubia Jesusnu mehuqak oh am Kayak Ouɗi ɠagattagppa bette,” awa aum.

Matyu 8:2

Dim lamittegeg, danab laa nug gaɗa oɗe nau ele, nug Jesus noobppa ukka, gateg qaun o, Jesus amegppa aum. “Naɗi, na oot heeb, na heppe, oɗe dahil iitta mekkunu amu, na elele daattem,” awa aum.

Daniel 2:46

Daniel nug tul niiak amunu Nebukatnesar amegppa a, Nebukatnesar nug Daniel binag okkai medakkunu nug noobppa gateg qaun o, gomela iɗu wanppa meum. Nug binag okkai Daniel metta, laa ag nug doɗ laa manan mettaknu, kalu danab ile muttuɗig enanag bette ele aon ilan, Daniel mettaglagnunab mattia aum.

Daniel 2:30

Dahilnu amu, Kayak Nug da doyak dabmak ena ele, laa oh eɗattak aniɗa, tul niiak nahip, meu nuhig ele ii ippuniɗom. Iitta. Dahil doyak dabmak ena ele laa oh ii eɗadtte. Amge, O king, Kayak Nug tul niiak amu meu dookkutnu, na dimppa aɗi bekkunu dabmeme ele amu, na amu ele dookkutnu, Kayak Nug tul niiak nahip, amunu meu ele da ippuniɗom.

Matyu 14:33

Ulah toette, uub attan daappig ele ag Jesus noobppa dup nona binag mena appig. “Genab na am Kayak Bekka,” aon appig.