Aposel 1:9 - Nobonob Baibel

⁹ Am Nug nai amu amelagppa ana male, ag neegna daaegeg, Kayak he, Nug attan teum. Teete, lombig laa haute, ag baula Nug ii anidppig.

Aposel 1:9 Referans Kwoze

Daniel 7:13

Da tuqan tulegleg anidmi, amuppa da neekki ukke, da noolppa laa nug danab bekka bia, nug lombig hab waappa daatteb, nug amuppa dayaya uɗieye anidmi. Nug ukka, Kayak Hanhan Daatte guguitta ukke, laa ag omaleg, Nug gumittanab ukkom.

Mak 16:19

Naɗi Jesus Nug anam a amu Kayak Nug he, Jesus Nug hab aabppa ta, Kayak eppeg naɗiap-ppa heɗep na dayom.

Eksodas 19:9

⌊Nug ta, ahilag nai amu ii mattie,⌋ amu Yawe Nug Moses amegppa inam aum. “Danab ah ag nai da na amenppa attem dooglagnu, ag hanhan na nai akkut amu, ag oolagppa genab dooglagnu, da geha lombig teppu okkai eleppa nein dayeye, na gumitte neppi, da na ele nai mattignih,” awa aum. ⌊Amu haen⌋ Yawe Nug anam a, Moses nug danab ah nai appig amu, nug nai amu Yawe amegppa mattiom.

Revelesen 11:12

Baɗaeg amu, laa aɗi heehe anttomnu mattiak danab aɗit amu aa hab aabnu baag laa nug baag okkaippa inam ewa a doopiɗ. “Aa attan ippa beiɗ!” Ana male amu aa lombigppa hab aabppa tepiɗ. Teeheh, ahilag kekeɗ amu ag aa teeheh anatppig.

Jon 6:62

Anam dayeb amu Danab Bekkalag da, da anukka daadmi, aben amuppa eɗuen tebippi aniɗna amu, ag attem dooglag?

Luk 21:27

Ag anam hebeppeg, Danab Bekkalag da, da lombig laa ooppa ɠagattag, binag amahlak oppiaawak okkai ele uɗippippi aniɗkkulag.

Aisaia 19:1

Nai meunab ele Isip wanppanu Yawe he, Aisaia doyom ele am iikku. Antteg! Yawe Nug lombigppa dayebeb, lombig nug pahanab Isip wanppa uɗikku. Yawe Nug uɗiebeb, Isip dilag kayak hambuppuak dottolkad ag baɗan hahaɗkkulag. Ao, Isip danab ah ele ag huan ottaina, baɗan, oolagppa gai-iitta dooglag.

Sam 68:18

O Yawe Kayak na appa daakkutnu, na Sion qaukoppa teme. Na tenana, na ban danab eɗadna, aɗualadna diin gome ele amu, na ag noolag aon teme. Ao, na te, danab ah ag na keeke kuɗumnab nahip daakkunu hamu mettaeg, na aome, amge agib iitta. Laa ag nahip nai tappe nak heppig, ag ele keeke anam mettaeg, na aome.

Revelesen 14:4

Danab amu ag ah ele gappai kobolppa ag akka ag dubuttid ii medappig; ag oppiak daatteb. Ag Sipsip Nag aben ohppa gotte amu, ag Nug dim lamidtteb. Amu Kayak Nug danab amu wanppanu danab ah oh oolagppanu hipuninnu qagaiettakppanu eɗua uhuqe, ag ee meu tatam eɗua, ofa Kayak medakkunu daatte, ag amubia ofa Kayak, Sipsip nag ele mataknu daatteb.

Revelesen 1:7

Antteg! Nug eɗua lombigppa nekku. Danab oh ag Nug anidkkulag. Yo, danab ag Nug qetti banppa atulppig ele, ag ele Nug anidkkulag. Amu wan ohppan danab ag Nug anidna, ag nuhignu mahiak okkai hekkulag. Ao, keeke amu anam bekku. Genab.

Eksodas 34:5

Moses nug te, Yawe Nug bud ooppa qaukoppa ne, Moses ele daayya, Nug onig, Yawe, Nug onig amu Moses amegppa aum.

Aposel 1:11

aa apiɗ. “Galili danab, aɗinu ag hippaidna daanna, habppa neegna daatteb? Amu gemu Kayak Nug Jesus ahilagppanu awe, hab aabppa ukkom. Aria, geha Nug hab aabppa ugekke anidppig bia eɗua uɗikku,” aoya apiɗ.

1 Tesalonaika 4:17

Kayak Nug heeb, ag eɗun hippaidppeg, ig laa oh bau daagnig amu, ig ag ele oh lombigppa teta, appa Naɗi Jesus ele nug uɗa teta tamanit, Nug ele hanhan daagnig.

1 Timoti 3:16

Genab, ig Kristen tamaniakppa daattem, ig doyak laa aɗattem, amu doyak amuam lokkumak dayeye, gehaib miag atiom. Doyak amuam unuqagnab ele daatte. Doyak amuam inam. Jesus Nug danab beɗu awa, miag atia beum. Kayak Ouɗi Nug ig Nug tutukkunab ippunikke, engel ag Nug ele anidppig. Nuhig nainu mehuqak am wanppan ɗo maɗoɗppa ukke, wanppanu danab ah ag oolagppa genab dooppig. Kayak he, Nug hab aabppa teum.