Amos 9:14 - Nobonob Baibel

¹⁴ Da heppi, dahilad danab ah ag wan laalappa gona, diia ukka laih me dayak danab ah daaglag amu, ag eɗun, ahilag wanppa uɗin daaglag. Ag aab okkai kekeɗ loppaɗppeg nauhak daaglag bappaidna, aguppa daaglag. Ag grep dad eppan, ag wain aon lakkulag. Ag dad eppan, ee appanu aon lakkulag.

Amos 9:14 Referans Kwoze

Aisaia 61:4

Danab ah amu ag geha eɗun lag keeke anukka heeg nauhadppig buualadkkulag. Yo, ag geha eɗun, lag, amu keeke laa ele, laa ag anukkanab loppaɗatteg nauhppig ele amu, ag heppeg, ena daaglag. Ag geha eɗun, aab okkai anukka laa ag heeg nauhom amu heppeg, ena daaglag. Yo, ag geha eɗun, aab okkai anukka laa ag loppaɗatteg nauhadppig ele, ag amu heppeg, ena daaglag.

Jeremaia 30:3

Aɗinu? Haen laa dimppa da heppi, Israel danab ah, Juda danab ah ele ag wan laalappa gona, appa diia ukka laih me dayak danab ah daatteb, ⌊daaglag ele amu,⌋ ag appanu eɗun uɗin, wan imu, da ag mamelkad aɗi, ahilag daakkunu mattami amu, ag imuppa daaglag,” awa atte.

Jeremaia 30:18

Amu Yawe Nug inam atte. “Da Jakop buɗub, da ahilagnu ool doyeb, ool matten ehanadppi, ag eɗun, ag wanelagppa ag laulkad eɗun bappaladna daaglag. Aab okkai Jerusalem am nauhakib daakku, amge ag eɗun, nuhig kinipan ameg hume takppa, appa ag aab eɗun bappaidkkulag. Ag aab bappaidna, ag kingnu lag enanagnab nuhig abenppa eɗun bappaidppeg daakku.

Esekiel 28:26

Da amu heppi, Israel danab ah ahilag wanppa baɗak iittappa daaglag. Ag appa lag buun, grep dad ele eppaglag. Da danab ah ag Israel taliliadna daanna, Israel dilagnu ena iinab dootteb amu, da eheɗ hatten, bu matten malappi, dimppa Israel danab ah ag enaib daaglag. Da amu heppi amu, ag dooglag, da am Yawe, ahilag Kayak.” Yawe Nug anam atte.

Jeremaia 31:28

Tatam da hei, ag nauhppig, danab nug uud hiɗatte, o lag loppaɗtte, o laa kekeɗ eɗadtte, o keeke he nauhtte, da amubia dabmak elelenab awen hemi. Da tatam anam hemi, amge haen uɗitte, haen amuppa da amu hekkulnu elelenab dabmein hemi, amubia da elelenab dabmein, da heppi, ag ena daaglag; danab nug lag ha autanab aotte, o dad eppa autanab aotte, da amubia hekkul.” Yawe Nug anam aakku atte.

Aisaia 65:21

Dahilad danab ah ag laulkad buuadna, ag aguppa daaglag. Ge! Dahilad danab ah ag grep eppalattona, ag amunu meu lakkulag.

Sam 53:6

Da Kayak, Nug Sion Qaukoppa daatte amu, da Nug nuhikkud danab ah, Israel, Nug ag ehanatteb, ag padal ii memananu ool naɗi daatte! Ao, Kayak Nug nuhikkud danab ah, Jakop buɗuppud, Nug ag ehanatteb, ag eɗun ena daanna, ag gamag ahak doyeg! Ge, Israel danab ah ag gamag aheg!

Esekiel 39:25

Anam amunu, Naɗi Yawe Nug inam atte. “Da hei, Jakop buɗub ag gona, wan laalappa diia ukka laih me dayak danab ah daatteb amu, da heppi, ag eɗun, ahilag wanppa daaglag. Da ahilagnu oo bodoetta le mak dookkul. Laa ag da onil oppiaawaknu, ‘Keeke hamu bia,’ doomnanu, da yag-nab-bak doye hekkul.

Esekiel 16:53

Anam, amge haen laa dimppa da heppi, Sodom, nug aɗekkud ele, Samaria, nug aɗekkud ele, ag eɗun, ena daaglag. Da anam hein, da nahipnu ele heppi, na eɗun ena daakkut.

Jeremaia 31:23

Yawe Nukka Ɠagattag Oh Ele, Israel dilag Kayak, Nug inam atte. “Da heppi, Juda danab ah ag eɗun, ahilag wanppa uɗiona, ag Juda wanppa, aab laala eleppa daanna, ag Yawenu mettid lag Jerusalem ooppa qaukoppa daattenu amu, ag inam akkulag. ‘Yawe Nug qauko nuhignu tituanak daatte, Nug laug genab tutukku hak kobol inak ele qauko amuppa daatte, Nug qauko, lag amu ele itatteb, anam dayeɗ!’ aon akkulag.

Sepanaia 1:13

Da heppi, kekeɗ ag uɗin, ban hena, danab ah amu dilag en aon gokkulag. Ao, kekeɗ ag uɗin, anam henana, ag danab ah amu laulkad loppaɗppeg nauhkkulag. Danab ah eheɗ anam hetteb amu, ag laulkad heppig, amge ag appa ii daamna. Ge, ag grep dad ebappig, amge ag grep dad amuppanu meu laa aon, wain laa hena, nakok laa ii lamana.” Yawe anam awa atte.

Amos 5:11

Ag daɗek danab keeke ebappig ele, ag attem attem ebappignu takis mekkulagnu heeg mattaeg; ag ee aeg awak dimppa ele takis amunu laa ele aotteb. Ag danab eheɗ amu hetteb ele, ag anam hetteb amunu, ag laulkad ena ena, men otaɗa babaittak eleppa hadappig amu, ag lag amuppa ii daamna. Ao, grep dad ag eppaladppig amu, ag amuppanu wain ii lamana.

Sam 107:37

Ge, ag dad ahilkad hattana, ag muɗi grep eppaladna, ag meulkad tuqappig.

Aisaia 60:4

Juda danab ah, ag amelag human, laih laih neekkeg! Ahilkad laa ag qagmena, ag gukkuadna uɗiglag. Ag bekkalkad umanabnu uɗiglag. Laa ag aɗelkad eppelagppa mawadna uɗiglag.

Jeremaia 12:15

Da laa kekeɗ meɗappig dilagppa anam hekkul, amge da ag anam ahilag wanppanu hiɗadppi goppeg, dimppa da ahilagnu oo gai-iitta doye ool matten ehanadppi, ag anen anen eɗun, ahilag wanppa, ag ahilkad aug wanppa daaglag.

Jeremaia 23:8

Iitta. Ag ahilag nai ɠagattag qa anaknu, ag, ‘Yawe Nug genab Israel buɗub ag wan yawalti uɗitteppanu, amu wan laala, Nug he, ag appa gona, diia ukka laih me dayak danab ah daappig amu, Nug appanu ele omalatte uɗippig, genab amubia nai da akkulnu hettem am genab,’ akkulag. Amu haen amuppa da heppi, ag eɗun, ahilag wanppanab aakku daaglag.” Yawe Nug anam awa atte.

Jeremaia 24:6

Da ag atognoatten ehanadppi, ag wan imuppa eɗun uɗiglag. Da ag atognoadppi, elele daaglag. Da eheɗ hadappi ii nauhmana. Da danab keeke eppe, ena bette, da amubia ahilagppa hekkul. Danab nug keeke hiɗe nauhtte, da amubia ahilagnu ii hepa.

Jeremaia 31:5

Ag Israel baula qauko nakok Samaria guguittak daatteb heqoppa muɗi grep eppaglag. Ge, dad gumak danab ag amu ebappeg, muɗi meu ob, ag meu amu aon lanana, ag oolag gamag ahakku.

Jeremaia 32:15

Aɗinu na anam hekkut? Yawe Nukka Ɠagattag Oh Ele, Israel dilag Kayak, Nug amunu inam atte. ‘Butti aɗi, Israel danab ag wan imuppa daan, lag, wan, grep dad ele meppeg, laa ag daden mekkulag,’ awa atte.” Da Baruk amegppa anam ami.

Jeremaia 32:37

Qinob da wan oh, da dahilad danab ah ag ahilag eheɗ hak amunu ool huanak nauhe, oppoɗi bak okkainab ele doyen heppi, kekeɗ ag eɗadna diin, wan atu laalappa goppeg, matatun daaglag ele amu, da wan amu ohppanu qagmaatten omaladppi, ag eɗun uɗin, wan imuppa daaglag. Da ag ehanadppi, ag baɗak iittappa daaglag.

Jeremaia 33:7

Da Juda danab ah, Israel danab ah ele ag wan laalappa diia ukka laih me dayak danab ah gona daatteb, ⌊daaglag ele amu,⌋ da omaladppi, ag eɗun uɗin daappeg, da heppi, ag anukka ɠagattag daappig bia, ag haen amuppa eɗun, anam daaglag.

Esekiel 37:21

ag amelagppa dahil nai inam appe doyeg! ‘Naɗi Yawe Nug inam atte. Da Israel danab ah ag wanppan wan laalappa gona, ag appa daatteb amu, da ag qagmaatte, wan amu ohppanu omalatte, ahilag wanppanab uɗippi, ahilag wanppa eɗun daaglag.

Jeremaia 16:15

Iitta. Ag, ‘Yawe Nug Israel danab ah wan yawalti uɗitteppanu, amu wan laala, Nug he, ag appa gona, diia ukka laih me dayak danab ah daappig, Nug appanu ele omalatte uɗippig amu, Nug genab bau daatte, genab amubia nai imu da madittem am genab,’ akkulag. Aɗinu ag anam akkulag? Da heppi, ag eɗun, ahilag wan, da wan amu ag mamelkad aɗi mattami amu, ag amuppa daaglag.” Yawe Nug anam awa atte.

Jeremaia 29:14

Ge, ag da anam mattiɗnana, ag da aniɗkkulag. Ag da anam aniɗppeg, da omaladppi, ag wan laa, appan danab ag aɗualatteg, ag ag eppelagppa daatteb amu, da appanu omaladppi, ag eɗun uɗin, wan imuppa daaglag. Da ag wanppan wan oh, da hei, ag gona appa daatteb, da appanu qagmaatten omaladppi, ag wan atu oh, da hei, ag gona diia ukka laih me dayak danab ah daatteb amu, ag appanu eɗun uɗin, iguppa daaglag,” awa atte.

Jeremaia 33:11

ag gamag ahak okkai doon oiglag. Danab ah ele ag ewau matulak aonna, ag gamag ahak doon oiglag. Danab ag Yawe laugppa daan, ena heme anaknu ofa hekkulag. Ag doɗ amu main, Yawe mettanna, ag inam akkulag. ‘Yawe Nug am enaib. Ao, nuhig oo mauhaknab kobol ii iitta mette. Anam amunu, ig Yawe Nukka Ɠagattag Oh Ele, ig Nug amegppa “Ena hen mekkame,” aot atu!’ Ag anam akkulag. Ag anam akkulagnu diig am, da heppi, ag ahilag wanppa enaib daaglag.” Yawe Nug anam awa atte.

Sepanaia 2:7

Israel dilag huu okkai Juda oolagppanu oɗo yaak danab ah daaglag amu, ag wan amu ahilag daakkunu aoglag. Ao, ag sipsip ahilkad diiadna, Pilistia wanppa goppeg, sipsip ahilkad appa gikkiɗah lanan daaglag. Pilistia iitta meppeg, laa appa nug laugppa ii daama, ag laulkad amu oh hamu daaglag amunu, tueb meeb amu, sipsip gumak danab ag Pilistia dilag aab okkai laa Askelon, appan danab laulkadppa niiglag. Aɗinu sipsip gumak danab ag anam hekkulag? Yawe, ahilag Kayak, Nug ag atognoatta, aɗi keeke bau daaglagnu daatte amu, Nug ag madakku.