Amos 7:3 - Nobonob Baibel

³ Da anam awe ei, Yawe Nug oo bodoetta le me, “Amuam ii bema,” awa aum.

Amos 7:3 Referans Kwoze

Duteronomi 32:36

Aɗinu ⌊Israel dilag kekeɗ ag anam aoglag⌋? Yawe Nug nuhikkud danab ah gumadkku. Ao, Nug ahilagnu oo gai-iitta doya oo matta ehanadkku. Nug amu hekkunu diig am, Nug ɠagattag ahilag iitta meeb, anidkku. Ao, Nug laippu laa, nug begbeg maɗi nidte, o begbeg maɗi nid iittatai, nug ena iinab dayebeb anidkku.

Jona 3:10

King nug anam a, danab ah ag anam heeg, Kayak Nug amu antta, Nug ag ahilag eheɗ hak uuppig ele anatta, Nug ahilagnu oo bodoetta, le me, Nug he, ag padal ii meppig.

Hosea 11:8

O gadon, ag Israel ag am dahilad; da attem hein uuadppi, ag laa eppegppa daaglag? Ao, ag Israel, ag dahilad; da attem hein uuadppi, laa nug ahilagnu, ‘Dahilad,’ dookku? Da attem hein uuadppi, ag Atma danab iitta meppig bia iitta mekkulag? Ao, da attem hein uuadppi, ag Seboim danab ah padal meppig bia padal mekkulag? Da oolppa kobol laa hekkulnu doottem. Ao, ahilagnu amu, da ool bodoetta le mette.

Amos 7:6

Da anam awe ei, Naɗi Yawe Nug oo bodoetta le me, “Amu ele ii bema,” awa aum.

Joel 2:14

Amu haen imuppa ele Nug eɗua, oo gai-iitta doya oo matta ehanadkkutai. Nug eɗua itittak ena matteb, wanppa keeke ena ba, meu ob, ag ee aegnu ofa, am wain gokkaɗaknu ofa ele Yawe, ahilag Kayak, ag Nug mettaglagnu elele daan mettaglag.

Sam 106:45

Nug ahilagnu dabmak anuqak doyaya, Nug he, ag Nug ele nug tituana nai qakkak heppig, Nug amu dabmetta ehanattom. Nug ag dabmadatta, Nug nuhig oo mauhaknab kobol dim lamittatta, ag tuɗid, uugppa daamnanu uua ehanattom.

Jems 5:16

Amunu ag oɗe aon, eɗun ena daaglagnu amu, aun laa nug layagppa hipunin heum ele, nug layag amu amegppa nug hipunin heum miag atiak ab, ag oh anen anen ag lailkad dilagnu Kayak unuqitteg! Amu genab tutukku hak danab, nuhig unuqittak am ebehi ele amunu, danab ehanitteb ena daakkunu elele.

Jeremaia 26:19

Maika nug anam aɗi dimppa bekkunu nai amu mattie, Juda dilag king Hesekaia nug nug qe mauhomte? Juda oolagppa laa nug nug qe mauhomte? Iitta! Hesekaia nug baɗe, Yawe oo gai-iitta doya oo metta ehanadkkunu unuqittom. Nug anam he, Yawe Nug uug naunab madakkunu uuom amunu, uug naunab ahilagppa bekkunu aum amu, ahilagppa ii beum. ⌊Dabmeig!⌋ Ig hepput, uug naunab ihinigppa bekkunu hetata oittemde!” aon appig.

1 Stori 21:15

Anam he ukke, Kayak Nug engel danab aqom ele nug Jerusalem heeb nauhkkunu me ukke, nug ukka, Jerusalem danab aqakkunu dayom, amge nug anam hekkunu he, Yawe antta, Nug uug naunab nau Israel dilagppa beum antta, ooppa guittak naɗi doya, Nug engel danab aqom ele amegppa aum. “Aakku elele. Baula aib heme,” awa aum. Yawenu engel nug Jebus buɗubppan danab Araunanu ee aeg mumuɗaknu abenppa dayeye, Yawe Nug engel amegppa amu aum.

Genesis 6:7

Yawe Nug anam antta doya amu, Nug aum. “Da danab hemi amu, ag, aria doɗ, doɗ laa ag oolag wan qeeqe oitteb, amu ai hab waappa hagagaɗna oitteb ele amu, da heppi, ag oh iitta mekkulag. Aɗinu? Da ag hattaminu kahipal aoɗom bia doottem,” awa aum.

Sam 90:13

O Yawe, na ihinignu oot nauhe hee, ig uugppa daattem, amu na heppe, nahip oo nauhak iitta mekkunu unuqidttem. Na oot nauhom daatte; haen gane laa ele ukkeb, oppoɗi bak nahip am bodoedakku? Amu, na ig nahipad maɗi nid, na ihinignu oot gai-iitta doon oot mekkan ehanigkkutnu oɗ medattem.

Jeremaia 42:10

‘Ag Juda, ag hipunin heegeg, da bu madakkulnunab dayom, amge da gemu ag daattebnu oolppa guittak doottem amunu, gemu amu, ag wan imuppa daappeg, da danab lag he, ena daatte, amubia da ehanadppi, ag ena bena daan oiglag. Da danab lag loppaɗe nauhtte, da ahilagppa amubia ii hepa. Ge, ag wan imuppa daan oiglag amu, da danab nug ee eppe, ena ba, meu otte, amubia da ehanadppi, ag ena daan oiglag. Da danab ee hiɗe bunaɗtte, da amubia ahilagppa ii hepa. Iitta.

Joel 2:13

Amu ag lamen dimittimnu pattiɗna meɗaglagnu aib heppig. Iitta. Ag oolag unuqagppa, ‘Ig eheɗ nau hemut,’ doon, diig amunu ag oolag unuqag guittak doyeg!” Yawe Nug anam atte. Yawe Nug anam atte amunu, ag Yawe, ahilag Kayak, ag eɗun, Nug waappa daaglagnu waig! Aɗinu ag anam hekkulag? Yawe Nug oo bodoette enanag maɗoɗ ele hak kobol, Nug oo bodoetta le mak kobol ele dim lamidtte. Nug oo paha ii nauhtte, nuhig oo mauhaknab kobol am amba, leta nette. Amu ⌊danab ah ag oolag genab eɗutteb dayeb,⌋ deɗ kuɗum ag hipunin heppignu Nug uug naunab madakkunu daatte amu, Nug ii madatte; iitta.

Amos 5:15

Ag kobol enanu amu, ag oo mauhak doon, ag kobol naunu, ag nau ninig ele doyeg! Ag hettoɗiakppa nai doya mala hettoɗia epeɗia elele mettak kobol ele dim lamitteg! Ag anam hebeppeg amu, Yawe Kayak Nukka Ɠagattag Oh Ele, Nug geha ag Israel danab ah, oɗo yaak daaglag, Nug ahilagnu oo gai-iitta doya oo matta ehanadkkutai.

Eksodas 32:14

Moses nug anam unuqitte, Yawe Nug nuhig dabmak eɗue, Nug he, nuhikkud danab ah dilagppa eheɗ nau bekkunu aum amu, am ii beum.

Sam 78:38

Ag amu heppig, amge Kayak Nug ahilagnu oo gai-iitta doya oo matta ehanatta, Nug ahilag hipunin uhuqa mattom. Nug ag oh ii hatte nauhppig. Haen kuɗum Nug oo nauhak nuhig aɗom. Ao, haen kuɗum Nug ahilagnu oppoɗi bak doyom, amge Nug aɗaɗa, ag bu madakkunu dayom bia ii bu mattom.