Amos 7:16 - Nobonob Baibel

¹⁶ Yawe Nug da meiɗe uɗimi amunu, Amasaia, na Yawenu nai doye! Na dahilnu attem, ‘Na uug naunab Israel dilagppa beeb anidkkulagnu propet nai baula aib mattime! Ao, na baula Aisak buɗub dilagppa uug naunab aqakkunu, na nai amu baula aib mattime!’ aon attem.

Amos 7:16 Referans Kwoze

Esekiel 20:46

“Danab bekka, na aben yau uɗitteppanu neegna, atu ad kuɗum ele appa daatte amu, na ad amu danab ahtai daalob, na ad amu amelagppa uug naunab ahilagppa beeb anidkkulagnu propet nai a!

Maika 2:6

Laa da, Maika, ag dahilnu atteb. “Na propet nai aib mattime! Na dimppa aɗi bekkunu nai aib mattime! Uug amu bekku am, uɗa nak nau guittak ele megakku, amge uug amuam ii bema,” aon atteb.

Esekiel 21:2

“Danab bekka, na Jerusalem neekkidna, aben ag binag mak hetteb elenu nai uug ele mehuqnana, Israel danab ah dilagnu uug naunab beeb anidkkulagnu propet nai anana,

Amos 7:13

Baula na propet nai Betel ippa aib mattime! Aɗinu? Mettid lag imuppa amu king nug dup noa binag mak hette. Lag imuam Israel dilag mettid lag,” awa aum.

Duteronomi 32:2

Da aɗi madikkul ele imu am, gu nette, amubia dayaɗ! Yo, nai dahil, amuam baito nette bia dayaɗ! Genab, amuam, gu digittig na, gikkiɗah hittu aɗatte, amubia dayaɗ! Yo, guttid na, dattan hittu yuɗ aɗatte, amubia dayaɗ!

Aisaia 30:10

Ag Yawenu propet amelagppa, “Ag baula Yawenu nai tuleglegppa aib anidppig,” atteb. Ao, ag propet danab amelagppa, “Ag baula Yawenu nai genab tutukku ele tuleglegppa aib anidna, ig amenigppa madippig,” anam maditteb. Ag mattina, ag tuɗidna Yawenu propet amelagppa atteb “Ag Yawe oɗe aon, nuhig nai uug ele aib madippig. Ag keeke ena, keeke ig oonig hette ele, ag amu mattieg!

1 King 22:19

Ahap nug Jehosapat amegppa anam a amu, Mikaia nug nai amu tuɗitta, nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel hab aabppa daatteb oh ag Nug talilidna, naɗiap-ppa nanehppa ele hippaidna daaegeg anadmi.

1 Samuel 15:16

Saul a amu, Samuel nug aum. “Uuppe! Da Yawe Nug tuqan da amelppa aɗi aum amu, da nai amu appi dookkut,” awa aum. Nug anam a amu Saul nug aum. “Na appe doyei!” awa aum.

Esekiel 13:2

“Danab bekka, na propet hambuppuak Israel wanppa daan, propet nai hambuppuak maditteb amu, na uug naunab ahilagppa beeb anidkkulagnu propet nai appe doyeg! Ao, na danab amu, ag ahilag dabmakppanuib propet nai maditteb amu, na ag amelagppa, ‘Ag Yawenu nai doyeg!’ a!

Amos 2:12

Yawe Nug anam anan, Nug inam ele atte. “Anam amu, dahilad danab, Nasarait danab atteb, da ag wain lamananu ami. Da anam ami, amge ag Israel laa ag wagai men heeg, dahilad danab, Nasarait atteb, ag wain lappig. Yo, ag ele propet danab dahilad ag propet nai mattimnanu haknunab nai anan, ‘Aib!’ appig.

1 King 13:1

Aria, Jeroboam nug mana mettak hekkunu qaɗab Betel appa ha, aguppa mana mettak hekkunu ukka dayeye, Kayaknu propet danab laa Juda wanppanu aha ukke, Jeroboam nug qaɗab amu guguitta hibaitta dayeye, propet amu nug Jeroboam gumitta teum. Propet amuam Juda danab, Yawe Nug propet amu amegppa nug Judanu aha, nug Betel gokkunu a ukkom.

2 King 14:24

Nug kobol eheɗ Yawenu neekkakppa heum. Nug Nebat bekka Jeroboam hipunin hatta he, Israel danab ah ag hipunin amu ele hadappig amu, nug hipunin amu hekkunu ii uua, di-ii-mettom.

Esekiel 16:35

Anam amunu Jerusalem, na ib baag ah, na Yawenu nai doye!