Amos 6:13 - Nobonob Baibel

¹³ Ag amu hetteb ele amu, ag aab Lo Deba eɗidna aoppignu gamalag ahatte. Ao, ag dada hena, ag aab Kamaim eɗidna aoppignu, ag, “Ig ikka, ihinig ɠagattagppa eɗadta aomut,” aon atteb.

Amos 6:13 Referans Kwoze

Jems 4:16

Amge, gemu ag hetteb amu, ag akka akka beɗulag humatteb. Beɗu humak kobol amubia oh am kobol eheɗ.

2 King 14:25

Amu Jeroboam nug king ii beum haenppa, haen amuppa kekeɗ ag Israel dilag wan laala aoppig. Amge Jeroboam nug gemu ban haaha, wan amu oh eɗua awom; amuam laih yawalti uɗitteppanu Lebo Hamatnu digma ukka, laih yau uɗitteppanu Mauhaknu Le, amuppa batak. Jeroboam nug anam haaha, nug Yawe, Israel dilag Kayak, Nug nuhig maɗi nid Amitai bekka, propet Jona oɗeppa nai aum amu, nug elele mettom. Jona nug am Gatheper aabppan danab laa.

Revelesen 11:10

Danab wanppa daatteb ele amu, ag aa mauhpiɗnu, “Ena,” ana, ag oolag gamag ahebeb, ɗo hamu nug mettaglag. Aɗinu? Propet aɗit aa danab ah wanppa daatteb ele ⌊ag oolag eɗukkunu ahilah naippa, ahilah hakppa ele⌋ guittak okkai madapiɗ.

Jon 16:20

Da genabnab genab ag amelagppa attem. Wanppan danab ah wannu kobol dim lamadtteb ele ag oolag gamag ahakku, amge geha ag dahilad daatteb amu, ag naɗi gaaglag; ag oo doyak ele gaaglag. Ag geha oolagppa oo doyak okkai aon daaglag, amge ahilag oo doyak am eɗueb, ag maɗoɗppan gamag ahak dooglag.

Sepanaia 3:11

Ag Jerusalem danab ah ag dahilnu eheɗ heppig, amge haen amuppa ag tuɗidna, uɗa nak akka ahilagnu ii doomna. Amu bekkunu diig amu, da heppi, laa ag dada kobol hena, ag amunu gamag ahak dootteb ele, ag baula aab imuppa ii daamna. Laa ag dada ha laa eɗittaknu dabmak awak kobol dim lamidtteb amu, ag ippa ii oimna.

Jona 4:6

Aria, Jona nug anam dayeye, Yawe Kayak Nug he, aam Jona qemanu, Jona ena daakkunu, atuppan muɗi laa beum. Be amu, Jona nug muɗi amunu gamagnab ahom.

Daniel 4:30

nug aum. “Da ɠagattag okkainab ele. Da ɠagattag amuppa hei, ag aab naɗi imu, Babilon, da iguppa daakkulnu iite buuppig. Danab ah ag da king, da dagom onil ɠagattag ele aniɗkkulagnu amu, da dahil ɠagattag naɗinab amuppa hei, ag aab imu iite heppig?” awa aum.

Jeremaia 50:11

Amu Yawe Nug atte, “Ag kekeɗ ag dahiladnab danab ah eheɗ hattana, ahilag keeke aon gotteb ele, ag amunu oolag gamag ahatte. Makau balat, mameg qakkaknu muɗi uhuqe, enanag dootte bia, ag dahilad danab ah dilagppa eheɗ heppignu enanag dootteb. Ag hos dawai enanag doyaya, huana gaatte bia, ag gamag ahak doon etteb.

Jeremaia 9:23

Amu Yawe Nug atte. “Danab nug doyak dabmak ena ele, nug doyak dabmak ena ele amunu dabmaama, nug nukka nug onig aib humom. Danab nug beɗuppa ɠagattag ele, nug ɠagattag amunu dabmaama, nug nukka nug onig aib humom. Danab nug enub okkai ele, nug en amunu dabmaama, nug nukka nug onig aib humom.

Aisaia 8:6

“Danab ah imu ag da geɗilna, ag King Resin, Israel dilag king, Remalia bekka Pekanu, ele baɗan, ⌊ag da ehanadkkulnu oɗ ii meɗan, ag Asiria dilag king ehanadkkunu oɗ medappig⌋

Aisaia 7:4

Aria aa goya teya, na King Ahas amegppa inam appe doyaɗ! ‘Aram dilag king Resen, amu Israel dilag king Peka ele aa am aab ewa ukka, qauhkkunu ha, kahugib ahatte, aa amubia daattep amunu, na doye! Na ahilahnu aib ottaime! Ahilahnu aib baɗame! Ahilahnu na ebehin aib bodoettom! Laa amu, Aram danab, ahilag King Resin, amu Remalia bekka Peka ele, ag Juda, ahilagnu oo nauhak huanaknab doon oitteb, amge na doye! Na oo nauhak huanaknab ahilagnu aib ottaime! Oo nauhak huanaknab ahilagnu na aib baɗame! Oo nauhak huanaknab ahilagnu na ebehin aib bodoettom!

Aisaia 7:1

Haen Jotam bekka Ahas, nug am Usia alag, nug Juda dilag king dayeye, Resin, Aram dilag king, amu Remalia bekka Peka, Israel dilag king ele, aa Jerusalem teya, ban hepiɗ. Aa ban hepiɗ, amge aa aab okkai amu eɗidya aoglahnu elele iitta.

Eklisiastis 11:9

O nid bau, na nid bau daattem, haen imuppa na oot gamag ahaɗ! Ao, na ootppa aɗi aɗi hena, gamag ahak dookkutnu anidttem ele amu, na amu hekkut. Na ootppa attem attem hekkutnu doottem, na amenppa attem attem hekkutnu anidttem amu, na amu dim lamidkkut; amge dabme! Kayak Nug na aɗi aɗi hekkut amu, Nug na amunu epeɗidkku.

Job 31:29

Da kekeɗ dabmein, nug eheɗ laa awaknu anak waappa daakkunu ii ainne, hipunin amu laa ii hemi. Anam amge, da kekeɗ dahil nug na qe antten, da gamag ahak doolomlob, o iitta, da kekeɗ dahil uug nau qeum antten, diig amunu da gamal eheɗnab ahalolob amu, ⌊da Kayak eppegppa eheɗ aolom am elele, am tutukku⌋.

Job 31:25

o iitta, da en okkai ele amunu, gamag ahak eheɗ doolomlob, o iitta, da uɗat huana hein, en okkai aomi amunu, gamag ahak eheɗ aolomlob,

Job 8:15

Danab Kayaknu, nuhig haknu ele uuak kobol dim lamidtteb amu, ag laa nug hibaitta dayaya, na qemanu goɗimnu amapip ehanidkkunu eppegppa aɗatte, amge pakkue, na qette, ag amubia hetteb. Ge ag laa nug goɗimnu amapip ehanidkkunu eppegppa ɠagattag aɗa daatte, amge goɗimnu amapip ɠagattag ii daya pagutte, ag amubia hetteb.

2 King 13:25

Amu Israel dilag king Jehoas nug nuhikkud ban danab ele ag ukkaeg, Hasael bekka Benhadat, Aram dilag king, ag nug ele ban hena, Jehoas nug nuhikkud ban danab ele ag ahan, Benhadat nuhikkud ban danab ele eɗadna, Jehoas mameg Jehoahas nug Israel dilag king dayom haenppa, Aram ag Israel dilag aab aoppig amu, ag eɗun aoppig. Jehoas nug Benhadat haen ewam banppa eɗittom.

1 Samuel 4:5

Ag gona, Yawenu Tituanak Nainu Kunup kontrak inak ele amu aon uɗiegeg, haen Israel danab ag Yawenu Tituanak Nainu Kunup kontrak inak ele haen tutu dayaknu aab kalak ahilagppa uɗiom anidna amu, ag huanaknab eppig amunu, wan aakku uɗalom.

Ikki Danab 9:27

Amu Sekem appa ag maɗ maɗppa ee meu awaknu hobul hedappig, amu gemu haen imuppa, danab ah ag oh grep meu dattanu aon, wain hena, ag kayak appanu laugppa qagmak gamag ahak ele hena, ag ee, le ele lanan daanna, ag digmena, Abimelek nug eheɗ laa awaknu anak waappa daakkunu appig.

Job 8:14

Danab amu ag keeke gai-iittanu oolagppa genab dootteb. Ge, ag danab nug goɗimnu amapip nug ehanidkkunu dabmette, ag amubia hetteb.

Sam 2:2

Wanppan king, amu wanppan okkai ele ag qagmena, maittak nau aon, ban hekkulagnu bappaidtteb. Ao, ag oh ag Yawe, amu laa Yawe king daakkunu goɗen gokkaɗakppa tituanom ele ban hekkulagnu dabmetteb.

Sam 75:4

Da beɗuppa tak danab amelagppa, ‘Ag anen anen akka akka ag ahilagnu binalag mak kobol uueg!’ awe attem. Ao, da nau hak danab dilag amu, da, ‘Ag ahilkad bannu keekeppa ban aib heppig!’ awe attem.

Sam 75:5

Ge, ag laa hab attan daatteb ele, ag ag ele aib ban heppig. Ao, ag beɗuppa tak kobol, nai tappe nak kobol ele dim lamidnana, nai mattiak aib heppig.” Kayak Nug anam atte.

Sekaraia 1:19

Da amu antten, da engel da ele nai mattimuɗ oɗ mettami. “Amu aɗi?” awe oɗ mettami. Da oɗ mettai, nug da amelppa aum. “Qeqeɗi amuam wan laala ɠagattag ele ag heeg, Juda danab ah, Israel danab ah, Jerusalem danab ah ele ag matatun gona, wan atu laih laih daappig ippunigtte,” awa aum.

Esekiel 29:3

na nug amegppa, ‘Naɗi Yawe, Nug inam atte,’ awona, na nai imu ele appe doyaɗ! ‘Paro, Isip dilag king, da nahip hak amunu eheɗ doyeye ool ii medattem. Na wagai naɗi Nil lenu lenagppa daatte bia daattem. Na, “Nil Le am dahil, da le dahil daakkunu bappaidmi,” aon attem.

Esekiel 29:9

Isip wan am hele-ettak, wan meu waknu nakokib elele daakku. Da anam heppi, ⌊Isip danab ii mauhppig ele⌋ ag dooglag, da am Yawe. Paro na, ‘Le Nil am dahil. Da hemi,’ ame amunu,

Daniel 4:27

Anam aakku amunu, O king, da ulum nai laa medappi, na nai amu aon dim lamidkkutnu oɗ medattem. Na hipunin baula aib heme, amu na aɗi hettem amu, na hanhan kobol genab tutukkuib he! Ao, na eheɗ laa aib heme, amu na danab ah, ag laa eppelagppa daaeg, eheɗ hadatteb ele, na amu dilagnu oo gai-iitta doya, oo metta, ehanattak kobol he! Na amu hekkut dayeb amu, Kayak Nug ehanitteb, na tuɗidna, maɗoɗ ele daakkuttai.” Daniel nug King Nebukatnesar amegppa anam aum.