Biblia Todo Logo
Bib sou entènèt

- Piblisite -




Amos 5:8 - Nobonob Baibel

8 ⌊Ag laa ag anam hetteb amu, ag⌋ Laa Nug hoɗoppai huu mak laa onig Pledes, laa onig Orion ele, Nug ag hatta, abenalkadppa mattom daatteb, ag Laa Nug he, tuqannu gatatu am eɗua, wagkkaɗakppa amahlak daatte, ag Laa Nug he, amunnu amahlak am eɗua, tuqannu gatatu daatte, ag Laa Nug he, yuppan le am wan tonadtte, Nug onig am Yawe, ⌊ag Nug mattina, dim lamidkkulagnu mattieg⌋!

Gade chapit la Kopi




Amos 5:8
23 Referans Kwoze  

Yawe Nug anam attenu diig am, Nugib am laa qauko heum, Nugib am laa Nug he, ulah iwala oitte, Nugib am laa Nug dabmak nuhig danab ah ippunadtte, Nugib am laa Nug he, aam bette haenppa gatatu nette, Nugib am laa Nug qauko attan igippa ele oitte; Nugib am laa Nug keeke amu oh hette. Nug am Yawe Kayak Nukka Ɠagattag Oh Ele. Nug onig am aakku.


Nug hoɗoppai oh hattowa, hoɗoppai huu mak anen anenppa meum. Hoɗoppai huu mak laa am ag Bea atteb, laanu ag Orion atteb. Ao, huu mak laa ag Pledes atteb, am Nug hoɗoppai huu mak laala ele hatta, habppa, yau uɗitteppanu, appa meum daatteb.


Naɗi, Nug Yawe Nukka Ɠagattag Oh Ele, Nug lag enanagnab, attan tak nuhig hab attan appa batak babaittom; lag amunu men ukku wanppa daatte. Nug yuppan le ita, wanppa gokkaɗe, le amu wan tonatte. Nug onig am Yawe.


Amu Naɗi Yawe Nug inam atte. “Haen amuppa da heppi, aam anig amu, aam nokku; aam anig gatatu na, wan tonakku.


Na he, gatatu ne, tuqan aakku daatte. Tuqanppa dubuppan doɗ oh ag oitteb.


Moses, Aron ele aa Yawe oɗe ii tappaeh ne, Nug he, Isip appa gatatu naɗi neum.


Kayak Nug keeke gatatunab ooppa daatte am he, miag atitte. Ge, nug keeke lokkumakppanab daatte am he, miag atitte.


Danab ag gatatuppa mauhkkulagnu miag daatteb amu, amahlak madakku. Nug ig ib maɗoɗ ele amu tappat gokkunignu ulum daakku,” awa aum.


Danab ah ag gatatu naɗi ooppa daan oippig amu ag amahlak okkai anidppig! Ao, danab ah ag gatatu abenppa daan oippig amu, amahlak ahilagppa amahalom!”


Ig danab ameg gaɗuak ele, nug gilil eppegppa aɗaɗa gotte, ig amubia hettem. Ao, ig danab ameg nauhom ele, nug eppegppa keeke aɗaɗa gotte, ig amubia hettem. Ig danab ameg ena iitta tuebnab keeke ii andatta, tappa taataɗ qette amu, ig amubia aam anigppa hettem. Danab ɠagattag oolagppa amu, ig danab mauhom bia daattem.


Da geha dahilad danab ah, ag amelag gaɗuak bia daatteb amu, da ag omaladppi, ib ag anukka ii dooppig ele amuppa gokkunig. Yo, da ag omaladppi, ib ag anukka ii anidppig ele, ig amuppa gokkunig. Da heppi, gatatu ag tonattom daatte amu, gatatu amu oppiak ele dayeb, ag amahlak aoglag. Da heppi, aben qe ta qe nak ele, am uɗem tutukku daakku. Genab, da anam aakku ehanadkkulnu hekkul; da ag iinab uuadpa.


Na baat okkaippa appe, lombig ag dooppeg, gu okkai nahip-ppa nekkute?


Ge, Nug lombig anam anam hekkulagnu haknunab attenu diig laa am, Nug danab ah eheɗ heppignu bu madakkunu hette. Aria, diig laa am, Nug wan leppu medakkunu, Nug oo mauhaknab kobol nuhig miag daakkunu hette.


Amu Yawe Nug atte. “Danab ag kayak amu hetteb amunu, da ag ippunittak madakkul. Gemu da dahil ɠagattag, da ebehil ele ippunadkkul. Da anam ippunadppi, ag daib am Yawe, ag amu dooglag,” awa atte.


“Da Yawe, da wan hein, da nuhig abenppa daakkunu memi. Da onil am Yawe, amu da nai imu na, Jeremaia, da na amenppa attem.


Swiv nou:

Piblisite


Piblisite