Amos 5:27 - Nobonob Baibel

²⁷ amunu, da heppi, kekeɗ ag uɗin, ag eɗadna diiadppeg, ag Damaskus eɗitta wanak, appa diia ukka laih me dayak danab ah daaglagnu gokkulag.” Yawe, Nug onig laa am Kayak Nukka Ɠagattag Oh Ele, Nug anam awa atte.

Amos 5:27 Referans Kwoze

Aposel 7:43

Ag kayak hambuppuak Molek, nuhig sel lag, am kayak hambuppuak Repannu hoɗoppai ele aon oippig. Ag keeke amu dottolah hena, aa nooltippa dup nona binalah meppig. Ag anam heppig amunu, geha da ag diien maadppi gona, laih Babilon eɗittak uppa diia ukka laih me dayak danab daaglag,’ awa aum.

2 King 17:6

Hosia nug Israel dilag king dayaya, nuhig king dayaknu maɗ eblaih waɗeleppa amu, Asiria dilag king nug Samaria eɗatta, aab okkai amu awom. Awa, nug Israel danab ah diia, Asiria ukka, nug Israel laala aab Hala maattowa, laala amu diia, aab Gosan, nuhig wan ele, appa le Habor guguittak ele maattowa, Midia wanppan aab laalappa ele maattom.

Amos 4:13

Yawe Nug anam attenu diig am, Nugib am laa qauko heum, Nugib am laa Nug he, ulah iwala oitte, Nugib am laa Nug dabmak nuhig danab ah ippunadtte, Nugib am laa Nug he, aam bette haenppa gatatu nette, Nugib am laa Nug qauko attan igippa ele oitte; Nugib am laa Nug keeke amu oh hette. Nug am Yawe Kayak Nukka Ɠagattag Oh Ele. Nug onig am aakku.

2 King 15:29

Haen Peka nug king dayeye, Tiklat Pileser, Asiria dilag king, nug banelag uɗia, Israel eɗatta, nug ahilag aab Iyon, Abel Betmaka, Janoa, Kedes, Hasor ele oh diia, nug Gileat wan, Galili wan, amu Naptali wan oh ele awa, nug danab ah aab, o wan amuppa daappig am diia, Asiria ukka he, ag aguppa daappig.

Jeremaia 38:17

Sedekaia nug anam a, Jeremaia nug eɗua, amegppa aum. Yawe, Kayak Nukka Ɠagattag Oh Ele, Israel dilag Kayak, Nug inam atte. “Na gona, na nakka beɗun Babilon dilag kingnu daup ikki eppelagppa mekkut amu, ag nidappeg ii mauhmana. Ag aab okkai imu ele manappeg ii eoma. Na, amu na baenadppa ele ag bau daaglag

Amos 5:26

Ag ahilag kayak hambuppuak Sakut, ag nuhignu, ‘Ihinig king,’ dootteb ele amu, ag nug dottog maon oinna, ag kayak hambuppuak laa onig Kaiwan, nug dottog am hoɗopai dottog bia hoippig ele amu, ag amu ele maon oin, aa nooltippa dup nona binalah meppig

Amos 6:1

Ag ikki danab aab okkai Sion appa daan, “Ig enaib daat oignig,” doon oiyegeg, amu ag ikki danab Samaria appa daanna, “Ihinigppa uug laa ii bema,” dabmenan oitteb; ag am huu laa Yawe tituanatte, ag Israel danab ah oh dilag danab okkai daaeg, Israel danab ah ag ahilagppa ehanittak aoglagnu uɗitteb ele amu, ag oh, ahilagnu am gadonnab gadon.

1 King 14:15

Israel ag kayak hambuppuak Aserah dabmekkulagnu biidod hadappig. Ag kobol amu heppig, amuppa ag heeg, Yawe Nug ahilagnu oppoɗi beum daatte amunu, Yawe Nug geha ag eheɗ nau matta heeb, ag geha eheɗ ottaina, baɗan, hahaɗkkulag; le ui ugakka he, qao le daugppanu hahaɗtteb, ag amubia hekkulag. Yawe Nug ag Israel, ag mamelkad aɗi wan ena imu anukka ag mattom, amge Nug wan amuppanu geha akka heeb, ag le Yupretis heqo laih, appa tamtam gokkulag.

2 King 17:23

Ag anam heegeg ukke ukke, Yawe Nug nuhikkud maɗi nid, propet, Nug ag oɗelagppa nau aomnanu nai ag amelagppa mattiom, amge ag nai amu uueg, amu Nug nai amu ippuanattom bia, Nug he, ag Nug noobppa ii daappig. Asiria ag banelag uɗin, Israel eɗadna, appalag diigppanu diin, Asiria wanppa ukkaeg, ag wan amuppa diia ukka laih me dayak danab ah appa daappig. Gemu ele ⌊nai imu yaak haenppa,⌋ ag appa ana daatteb.

Amos 6:7

Anam amunu, kekeɗ ag ag tatam diin, aab laappa, appa ag diia ukka laih me dayak danab ah daaglagnu gona maadkkulag. Ag anam heppeg, ag baula hamu dayak, ee hobul okkai ele ii hemana.