Amos 5:19 - Nobonob Baibel

¹⁹ Deɗ amu geha danab laa nug doɗ laion laa baɗitta, oola ukka, doɗ bea laa noobppa watte bia daakku. O iitta, danab laa nug ⌊aɗi keeke baɗitta oola,⌋ laug ooppa noa, nug eppeg bahia, lagnu gilil aɗa hik aokkunu heehe, mat nau laa eppeg emaltte bia daakku.

Amos 5:19 Referans Kwoze

Aposel 28:4

Mat Pol eppegppa anam ha dayeye, nud amuppanu danab ah ag mat amu Pol eppeg emala, ilul ewa daye anidna, ag akka akka ahilag dabmakppanu madippig. “Danab umu nug amu danab laa qe mauhom bia doottem. Amuppa nug nob awa mauhkkunu dayom, amge nug yuppa ii mauhom. Yuppa ii mauhom, amge geha nug Kayaknu nob mettak qe-eɗidkkunu elele iitta,” aon appig.

Duteronomi 32:24

Da heppi, eenu tutunab meeb, enug haen okkai dayeb, ag ebehilkad tekku. Da heppi, beɗu gakkaɗak nau oɗe dayebeb, oɗe nau danab kuɗum aqe mauhtteb ele bekku. Da heppi, doɗ dakkuɗ ag aqaglag. Da heppi, mat nau wan gappudppa oitteb ele emaladkkulag.

Eklisiastis 10:8

Danab laa nug moɗ buutte amu, nug amuppa na qekkutai; laa nug men aɗ loppaɗtte amu, mat nug emalkkutai.

Josua 10:18

nug nuhikkud danab amu amelagppa haknunab inam aum. “Ag wan oɗe amu men okkai okkaippa oɗe keldowona, danab laala maadppeg, oɗe amu gumeg!

Aisaia 10:2

Ag eheɗ henana, ɗo eheɗ amu qabattebnu diig am, ag daɗek danab dilagnu nai doya mala hettoɗia epeɗia elele mettak kobol dim lamidmananu ɗo nau qabatteb. Ao, ag dahilad danab ah keekenu tutu mak, nau daatteb ele, laa ag eppelagppanu keeke laa yab awom, ag hettoɗiakppa keeke amu eɗun aolob, o ag hettoɗiakppa kobol laala amubianu ehanittak laa aolob, amge ag amu dilag anam ehanadmananu, ag ɗo nau anam qabatteb. Ag ah qab, ag ahilag keeke yab aoglagnu anam hetteb. Ao, nid ag mamelkad mauhak ele, ag amu dilag keeke yab aoglagnu ag anam hetteb.

Aisaia 10:3

Ag anam hetteb amunu, Yawe Nug geha ahilag hak nau amu nob mekkunu haen tituanom, amuppa Nug ag uug naunab madakkunu dabmette amu, ag amu eɗidkkulagnu elelete? Iitta! Haen amuppa Nug danab wan laa umanu diieb, ag ulah ɠagattag uɗitte, amubia ag uɗin, ag ag eheɗ madappeg, ag geha attem hekkulag? Ag geha oolna, aun toppa ehanadkkunu gokkulag? Keeke kuɗum ag aoppig, geha ag keeke amu aben adekkuppa mekkulag?