Amos 5:15 - Nobonob Baibel

¹⁵ Ag kobol enanu amu, ag oo mauhak doon, ag kobol naunu, ag nau ninig ele doyeg! Ag hettoɗiakppa nai doya mala hettoɗia epeɗia elele mettak kobol ele dim lamitteg! Ag anam hebeppeg amu, Yawe Kayak Nukka Ɠagattag Oh Ele, Nug geha ag Israel danab ah, oɗo yaak daaglag, Nug ahilagnu oo gai-iitta doya oo matta ehanadkkutai.

Amos 5:15 Referans Kwoze

Rom 12:9

Ag lailkad dilag oo mauhak genabppa oolag mauhaɗ! Ag aib hambuppuak bia heppig. Ag kobol eheɗnu nau ninig ele doyeg! Ag kobol ena amuib aɗan autna aweg!

3 Jon 1:11

O lai gamal, kobol nau aib dim lamidme. Na kobol tutukku ena amu dim lamitte! Laa nug kobol ena hette, nug Kayak ele laippu daattep. Am laa nug kobol nauppa oitte amu, nug Kayak ele laippu iinab daattep.

Joel 2:14

Amu haen imuppa ele Nug eɗua, oo gai-iitta doya oo matta ehanadkkutai. Nug eɗua itittak ena matteb, wanppa keeke ena ba, meu ob, ag ee aegnu ofa, am wain gokkaɗaknu ofa ele Yawe, ahilag Kayak, ag Nug mettaglagnu elele daan mettaglag.

Sam 97:10

Ag laa ag Yawenu oolag mauhtte ele, ag kobol naunu, ag nau ninig ele doyeg! Aɗinu? Laa ag Yawenu oo metta ii uuak kobol dim lamidtteb ele, Yawe Nug ag dabmatta, atognoattette, ag bau daatteb. Ge, Nug ag nau hak danab eppelagppanu eɗua diitte.

Rom 8:7

Anam daattenu diig am, danab nug oo alagnu keekenu dabmak anuqak aotte ele, nug aakku Kayaknu kekeɗ daatte. Aɗinu? Nug Kayaknu ɗo waappa ii daatte, amu nug anam hekkunu ele, elele iitta

Maika 5:3

Laa amu, Nug dimppa dokku amunu, haen gamag imuppa Yawe Nug heeb, kekeɗ ag Israel eɗadppeg, Israel ag ag eppelagppa daappeppeg, laa nug nid amu menukkun daatte am menueb, Israel lailkad laa piɗe piɗe daatteb ele eɗun uɗin, lailkad ele oh laippu daaglag batakku.

Eksodas 32:30

Amu oh ba ukke, wagɗe deɗ amuppa Moses nug danab ah amelagppa aum. “Hipunin ag heppig am naunab, amge da geha qauko attan eɗue tein, da Yawe gumitte ukken, ag ahilag eheɗ haknu nob nau doɗ tiigppa iitta meeb elele medakkunu, da Nug oɗ medappi, Nug, ‘Yo,’ akkutai,” awa aum.

Jona 3:9

Ig anam hepput, Kayak anikka, ihinignu oo bodoetta le meeb, ihinignu oo nauhak huanak uukkutai. Ig iitai mauhmata,” awa aum.

Amos 5:24

Ag hambuppuak kobol amu oh uueg! Amge ag nai doya mala hettoɗia epeɗia elele mettak kobol lailkad dilagppa, le okkai ugakkaib gotte bia dim lamitteg! Ao, ag genab tutukku hak kobol, lenag laa hanhan ugakkaib daatte, iitta ii mette, ag amubia henanaib dayeg!

Sam 36:4

Tuqan niiak haenppa, ag kobol nau attemnab hekkulagnu dabmak aonna, niiak elele ii niitteb. Ag hak ena laa iinab hetteb. Ag kobol nau aakkuib hetteb.

1 King 20:31

Dayeye, nuhikkud ehanittak anuqak danab ag gona anidna, amegppa inam appig. “Ig nai inam laa deɗ laala doomut. ‘Israel dilag king amu, ag ahilag kobolppa, ag danab laa dilagnu oo mauhaknab doon ehanadtteb.’ Ag anam aeg doomut. Anam amunu, ig inam hetu! Ig lamen heɗiag ele ig imuanigppa takkat, muɗi taliliak ikkinigppa mewota, ig Israel dilag king gumidta gokkunig. Ig anam hekkunignu dayeb amu, nug geha nahipnu oo doyeb, na nitteb ii mauhmana anam oɗ medapput, nug na bau daakkutnu akkutai,” aon appig

Rom 7:22

Aɗinu? Da dahil dabmak unuqagppa amu, da Kayaknu ɗonu enanagnab doottem,

Maika 2:12

Yawe Nug tuɗitta atte. “O Jakop buɗub, genab da ⌊ag bu madakkul, amge dimppa da⌋ ag oh qagmaadppi, ag eɗun daaglag. Ao, da genab heppi, Israel danab ah ag oɗo yaak daaglag amu, ag eɗun laippu daaglag. Da am sipsip gumak danab sipsip aɗ ooppa qagmaadtte bia, da Israel danab ah qagmaadkkul. Ao, sipsip gumak danab nug gikkiɗah dad okkai sipsip gikkiɗah lattebppa, nug appa qagmaadtte bia, da Israel danab ah qagmaadkkul. Da anam heppi, ⌊dahilad⌋ danab ah ag appatppeg, wan imu ambak daakku.

Amos 6:12

Hos ag qauko igippa menppa qaiettan ii oitteb. Ao, appa danab ag dad hekkulagnu makau okkai ebehi eleppa wan ii buutteb amunu, aɗinu ag Israel danab ⌊laa,⌋ nai doya mala hettoɗia epeɗia elele mettak kobol aon kabolin heeg, uud tiig mua nau ele bette. Ao, ag Israel danab ⌊laa⌋, aɗinu ag heeg, genab tutukku hak kobol am uud ad tiig mua ele, danab lawowa, ena iinab dootte, am amubia daatte?

Amos 5:10

Ag Israel danab ag epeɗittak danab kobol tutukku hettebnu nau ninig ele dootteb. Ao, ag danab ag ⌊hettoɗiakppa⌋ nai genabib maditteb, ag ahilagnu ena iinab dootteb.

Amos 5:6

Ag Israel danab ah, ag eɗun, Yawe mattina, dim lamidkkulagnu mattieg! Iitta amu, aab aɗu paha keeke ewe iitta mette, amubia Yawe Nug paha bu matteb, ag padal mekkulag. Nug anam hekku dayeb amu, kayak hambuppuak ahilkad Betel appa ag padal mak amu, aab aɗu huana diditte bia amu, kayak hambuppuak amu ag ehanadkkulagnu elele iitta.

Jeremaia 31:7

Yawe Nug ⌊ag Israel ehanatteb, ena daaglag amunu,⌋ Nug inam atte. “Ag Israel, ag oo gamag ahak doon ahi etteg! Ao, ag wanppan wan oh oolagppan wan laa anuqak daatte, ag ⌊Yawe ag ehanattomnu gamag ahak doon,⌋ huana eig! Ge, ag Yawe binag humappeg, laa ag, ag doyatteg! Ag ‘O Yawe, na nahipad danab ah, ag oɗo yaak daatteb amu, na ag padal memananu ehanadkkutnu oɗ medattem,’ aon aig!

Sam 119:104

Nahip oo yaak nai ɗo bia, nai amu diignu doyak tutukku da meɗatte, diig amunu da ib eheɗ ohnu, am nau ninig ele doottem.

Sam 37:27

Ag nau hak dimettan, ena heig! Ag anam hekkulag dayeb amu, ag hanhan ɠagattag, ena daaglag.

Sam 34:14

Na eheɗ hak dimettan, kobol enaib he! Ao, na laa ele maɗoɗ ele daaglagnu wagai me!

2 King 19:4

Asiria dilag king nug he, nuhig ban daup ikki banppa o ban guguittakppa daatte, nug Kayak hanhan bau daatte awa awa qedakkunu uɗia, ⌊anam heum⌋ amunu, Yawe, nahip Kayak, Nug awa awa qettak nai amu Nug doyom ele, Nug nai amu dabmedakkutai. Nug dabmedatta, Nug Asiria dilag king bu medakkutai. Anam amunu, na ig Juda oɗo yaak daattem ele, na Yawe Nug ehanigkkunu unuqidkkutnu oɗ medattem,’ awa atte,” aon appig.

2 King 15:29

Haen Peka nug king dayeye, Tiklat Pileser, Asiria dilag king, nug banelag uɗia, Israel eɗatta, nug ahilag aab Iyon, Abel Betmaka, Janoa, Kedes, Hasor ele oh diia, nug Gileat wan, Galili wan, amu Naptali wan oh ele awa, nug danab ah aab, o wan amuppa daappig am diia, Asiria ukka he, ag aguppa daappig.

2 King 13:7

Haen amuppa Jehoahas nug ban danab nuhig amu kuɗum iitta. Aɗinu? Aram ag Israel ban danab kuɗum huanak aqaeg mauhppig. Aram ag Israel eheɗnab hadappig amunu, gemu Israel dilag daup ag hos attan daan, ban heppig am 50ib daappig; bannu karis am 10ib daappig. Amu Israel dilag ban danab laa ag baelagppa oinna, ban heppig ele amu, ahilag ebqak am 10,000 aakkuib.

2 Samuel 16:12

Nug anam heebeb, Yawe Nug uug nau dahilppa gemu beum antta, Nug nai nau danab imu dahilnu maditte ele dabmaama, eɗua ehaniɗa heeb, da ena daakkultai,” awa aum.

Sam 80:1

O na ig Israel, na ihinig gumitta danab, na sipsip gumitta danab nug sipsip ameg laa diia, laih gotteb bia na ig Israel anuqna gonana omaigttem amu, na ihinig unuqittak imu dookkutnu oɗ medattem. Na sia king nahip-ppa engel okkai-kerubim aɗit dottolah gamalahppa daattem amu, na heppe,

Daniel 2:49

King anam he, Daniel nug danab okkai daya, nug king oɗ mette, king he, Satrak, Mesak, Abetnego ag ele Babilon prowinsnu danab okkai daappig, amge Daniel nug king uɗat hettom abenppa dayaya, uɗat hettom.

Amos 7:3

Da anam awe ei, Yawe Nug oo bodoetta le me, “Amuam ii bema,” awa aum.

Jona 1:6

Nug anam niieye, uubnu danab okkai nug noa, Jona amegppa aum. “Aɗinu na niittem? Ig mauhmatanu, na nahip Kayak onigppa eppe, Nug ihinignu oo doyeb ehanigkkutai,” awa aum.

Sepanaia 2:3

Ag Juda danab ah laa ag akka ag onilag qeeg ne, ag Yawenu haknunab anak dim lamidtteb ele amu, ag Yawe ehanadkkunu ii daye daye Nug oɗ metteg! Ag genab tutukku hak kobolnu ippu, laa nukka onig qeeb nak kobolnu ippu ele anidkkulagnu mattieg! Ag amu hekkulag dayeb amu, deɗ Yawe Nug danab ah bu madakku, deɗ amuppa Nug ag guppiɗ qalakppa maatteb, ena daaglagtai.

Malakai 3:18

Anam aakku beeb, ag baula aɗi keeke laa genab tutukku hak danab dilagppa bette, amu aɗi keeke, nau hak danab ele dilagppa bette, keeke amuam piɗe piɗe, ag amu anidkkulag. Ao, ag baula aɗi keeke laa danab ag Kayak waappa daan, Nug oɗe dim lamidtteb dilagppa bette, amu aɗi keeke danab ag Kayak waappa ii daan, Nug oɗe dim ii lamidtteb dilagppa bette, keeke amuam piɗe piɗe, ag amu anidkkulag,” awa atte.

Jeremaia 18:8

amu wan amuppan danab ah, da ag amelagppa ag nau aomnanu dabmettak nai mattimi amu, danab ah amu ag oolag eɗueb, eheɗ tuɗidna hemananu dabmekkulag dayeb amu, da uug naunab madakkulnu dabmemi amu, da uuen, ii hepa.

Jeremaia 22:3

Yawe Nug inam atte. Ag nai doya mala hettoɗia epeɗia elele mettak kobol, kobol genab tutukku ele dim lamitteg! Ag nai doya mala hettoɗia epeɗia elele mettak kobol henana, aun aɗi ag gai-iitta daan, danab ɠagattag eppelagppa daaeg, eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag wan laihnu danab ah, nid ag mamelkad mauhppig ele, ah qab ele dilagppa kobol eheɗ aib heppig; guittak ele aib madappig. Laa eheɗ laa ii heppig ele ippa aib aqappeg mauhppig.

Esekiel 45:9

Amu Naɗi Yawe Nug inam atte. “Ag Israel dilag okkai, ag ahilag hak eheɗ am malak. Ag laa guittak nau mauhnoak mettak kobol, danab eheɗ hattak kobol ele uuna, ag nai doya mala hettoɗia epeɗia elele mettak kobol, genab tutukku hak kobol ele heig! Ag hambuppuak kobolppa dahilad danab ah dilag wan baula aib aoppig.” Naɗi Yawe Nug anam aakku atte.

Maika 3:2

Amge ag, ag keeke enanu nau ninig ele doon, keeke naunu amu, ag oolag mauhtte. Ag am danab nug doɗ gaɗa doɗ beɗuppan aagtte, amubia ag dahilad danab ah eheɗ nau madatteb. Ao, ag danab nug teppu ebehippanu hihia aotte, ag amubia dahilad danab ah eheɗ nau madatteb.