Amos 5:10 - Nobonob Baibel

¹⁰ Ag Israel danab ag epeɗittak danab kobol tutukku hettebnu nau ninig ele dootteb. Ao, ag danab ag ⌊hettoɗiakppa⌋ nai genabib maditteb, ag ahilagnu ena iinab dootteb.

Amos 5:10 Referans Kwoze

Aisaia 29:21

Danab nau amu, ag am laa ag hettoɗiakppa danab eheɗ laa ii he, nug eheɗ heum atteb. Ao, ag am laa ag hettoɗiakppa danab eheɗ ii heum laikkud, ag nug ehanittegeg, laa amu ag amu dilagnu pelem meeg, ag eheɗ aotteb. Ge, ag am laa ag hettoɗiakppa danab eheɗ ii he, ag hambuppun, “Nug eheɗ amu heum,” ag nai amu ag nug hamu yaatteb amunu, danab nug eheɗ ii heum, nug hamu guittak aotte.

1 King 22:8

Jehosapat nug Ahap anam oɗ mette, Israel dilag king Ahap nug aum. “Laippu laa ig hepput, nug Yawe oɗ metteb, aɗi ab doya, nug ab doognignu elele. Nug am Imla bekka Mikaia, amge da danab amunu nau ninig ele doottem. Aɗinu? Haen oh nug dimppa aɗi bekkunu nai dahilnu da amelppa maditte amu, keeke ena laa bekkunu ii maditte. Iitta. Nug nauib bekkunu atte,” awa aum. Ahap nug anam a, Jehosapat nug aum. “O king, na anam madikkutnu am ena iitta,” awa aum.

Revelesen 11:10

Danab wanppa daatteb ele amu, ag aa mauhpiɗnu, “Ena,” ana, ag oolag gamag ahebeb, ɗo hamu nug mettaglag. Aɗinu? Propet aɗit aa danab ah wanppa daatteb ele ⌊ag oolag eɗukkunu ahilah naippa, ahilah hakppa ele⌋ guittak okkai madapiɗ.

Jon 15:19

Ag wan imuppan danab ah wannu kobol dim lamadtteb ele laippu daalob, wan imuppanu danab ah amu ag ahilagnu ag lailkad bia doon, ahilagnu oolag mauhlob, amge ag wan imuppan danab ah amu ele laippu iitta. Da ag danab amu oolagppanu tituanatten, wan imuppanu kobol uuglagnu ag maadmi amunu, diig amuppa ag ahilagnu kekeɗ daatteb.

Jon 7:7

Wanppan danab ah wannu kobol dim lamadtteb amu, ag oolagppa ahilagnu nau ninig ele dooglagnu elele iitta, amge dahilnu ag anam dootteb. Aɗinu? Da haen oh kobol eheɗ ag hetteb ele, da amunu madittem.

Jon 3:20

Anam amu, danab oh ag hak nauppa daatteb amu, ag amahlaknu nau ninig ele dootteb. Ahilag hak nau miag atimanu amu, ag amahlakppa daaglagnu oolag ii daatte.

2 Stori 36:16

Anam maatte goppig, amge Juda danab ag Kayaknu nai awa ukkak danab nai aon goppig ele, ag nai amunu ena iinab doon, ag Yawenu danab amu aon aon aqanna, ag Yawenu propet ele aon aon aqaegeg, Yawe Nug amunu oppoɗi bak doya, bu madakkunu dabmak awe, laa heeb bu ii aomnanu ib laa ii dayom.

2 Stori 25:16

Propet nug anam mattieye, nai nuhignu mattiom am gog ii teum, amge King Amasaia nug aha, nuhignu nai am okkula, nug amegppa aum. “Da am king, amu ig na da ulum meɗak danab daakkutnu tituanidmutte? Uue! Na ii uukkut dayeb amu, da appi, na mauhkkut,” awa aum. Amasaia nug anam a, propet nug mattiak uuom, amge nug tatam nai tutu laa mattia, inam aum. “Na tatam eheɗ heme, gemu na dahil ulum mettak nai dookkutnu uume amunu, da doottem, Kayak Nug nuhig dabmak na nitteb mauhkkutnu ɠagattag eppom daatte,” awa aum.

1 King 21:20

Elaiya nug Yawe nai aum amu awa, nug Ahap gumitta ukkom. Ukka te amu, haen Ahap nug Elaiya antta, nug inam amegppa aum. “Kekeɗ dahil na, na eɗun dahilppa bemete?” awa aum. Awa a amu, Elaiya nug aum. “Ao, da na maditte uɗimi. Aɗinu? Na kobol eheɗib nahip ɠagattag ohppa hekkutnu dabmenan oittem. Yawe Nug nuhig neekkakppa kobol amunu am nauib dootte.

1 King 18:17

Haen Ahap nug ukka, Elaiya antta amu, nug aum. “Am genab na, na Israel uug madattem danab, am nate aakku?” awa oɗ mettom.

Galesia 4:16

Gemu da nai doyak diig genabibppanu ag amelagppa attem amunu, diig amunu ag dahilnu, “Nug ihinig kekeɗ beum daatte,” attebte?

Prowerb 15:12

Awa awa qettak danab nug tolitta mettak uutte; nug danab doyak dabmak ena ele nug ulum mettaglagnu gumatta iinab goma.

Aisaia 59:15

Doyak diig genabib anttaknu am, laa anam hekkunu elele iitta. Amu auntai nug nau hekkunu uutte amu, laa ag doɗ qeppeg mauhkkunu hetteb bia danab amu qekkulagnu hetteb. Anam daatte amu, Yawe Nug neekka, danab ah oh ag nai doya mala hettoɗia epeɗia elele mettak kobol iinab dim lamidtteb anttom amunu, Nug ena ii doyom.

Jeremaia 38:7

Ag amu heeg, Jeremaia anam dayom, amge Ebetmelek, nug Kus danab, nug Juda dilag kingnu lag enanagnabppa king ehanitta, uɗat heum amu, nug ag Jeremaia le moɗppa meppig doya, king nug aabnu aɗ od onig Benyaminnu Od, nug amuppa heɗep na dayeye,

Hosea 4:4

Amge laa nug layagnu, ‘Uug beumnu aab am, nug beɗuppa daatte,’ aib aum! Ge, laa nug laa dilagnu, ‘Ag beɗulagppa aab daatte anidttem,’ aib aum. Ag mana mettak danab, da ag naippa yaaladttem.

Amos 5:15

Ag kobol enanu amu, ag oo mauhak doon, ag kobol naunu, ag nau ninig ele doyeg! Ag hettoɗiakppa nai doya mala hettoɗia epeɗia elele mettak kobol ele dim lamitteg! Ag anam hebeppeg amu, Yawe Kayak Nukka Ɠagattag Oh Ele, Nug geha ag Israel danab ah, oɗo yaak daaglag, Nug ahilagnu oo gai-iitta doya oo matta ehanadkkutai.

Lewitikas 13:10

Amu mana mettak danab nug danab amu beɗuppa titiɗak laa dayeb, amuppa teppu miag atiak, gaɗappa tonak iitta ele, gaɗa uɗikkudppa appa hakkab eppak ele anidkku amu,