Biblia Todo Logo
Bib sou entènèt

- Piblisite -




Amos 4:13 - Nobonob Baibel

13 Yawe Nug anam attenu diig am, Nugib am laa qauko heum, Nugib am laa Nug he, ulah iwala oitte, Nugib am laa Nug dabmak nuhig danab ah ippunadtte, Nugib am laa Nug he, aam bette haenppa gatatu nette, Nugib am laa Nug qauko attan igippa ele oitte; Nugib am laa Nug keeke amu oh hette. Nug am Yawe Kayak Nukka Ɠagattag Oh Ele. Nug onig am aakku.

Gade chapit la Kopi




Amos 4:13
38 Referans Kwoze  

⌊Ag laa ag anam hetteb amu, ag⌋ Laa Nug hoɗoppai huu mak laa onig Pledes, laa onig Orion ele, Nug ag hatta, abenalkadppa mattom daatteb, ag Laa Nug he, tuqannu gatatu am eɗua, wagkkaɗakppa amahlak daatte, ag Laa Nug he, amunnu amahlak am eɗua, tuqannu gatatu daatte, ag Laa Nug he, yuppan le am wan tonadtte, Nug onig am Yawe, ⌊ag Nug mattina, dim lamidkkulagnu mattieg⌋!


Aɗinu? Antteg! Yawe Nug nuhig dayak abenppanu uɗitte. Ao, Nug nuhig aben uua, wanppa na, qauko igippa tappa oitte.


Naɗi, Nug Yawe Nukka Ɠagattag Oh Ele, Nug lag enanagnab, attan tak nuhig hab attan appa batak babaittom; lag amunu men ukku wanppa daatte. Nug yuppan le ita, wanppa gokkaɗe, le amu wan tonatte. Nug onig am Yawe.


Laa Nug ig Israel, ihinig qagaiettakppanu eɗua uhuqaknu ehanittak daatte, Nug onig am Yawe Nukka Ɠagattag Oh Ele. Nug am ig Israel, ihinig Kayak Oppiaawak Ele.


amge Kayak, hab attan daatte, Nug keeke uug ele he, miag atitte. Nug anam hette amunu, Nug na, King Nebukatnesar, Nug na dimppa aɗi bekku aakku ippunittom. Na niiak abenppa tul niinna, tuleglegppa keeke digdig anidme am iikku.


Ag Yawe, ahilag Kayak, danab ah oh ag Nug binag amahlak oppiaawak ele mekkulagnu daatteb amu, ag Nug binag amu meig! Nug heeb, uug naunab bekkun daatte, amu haen imuppa, haen gamag imu, uug amu ii beum, haen imuppa ag anam heig! Ao, ag danab qaukoppa oiyaya, aam aam eeɗe, gatatu neene, na qette, ag amubia nena qemananu, ag uug amu ii beum haen gamag imuppa ag Kayak binag anam meig! Ag haen ena, amahlak bia, ag amu anidkkulagnu dabmetteb, amge Yawe Nug heeb, haen amu eɗua, haen nau, gatatu bia daamanu, ag uug amu ii beum haen gamag imuppa ag Nug binag meig!


Nahip ɠagattagppa, na qauko hatte bena, ag abenlagppa daatteb. Nahip ɠagattag am okkainab.


O, Israel, ag itittak ena aon malappig! Auntai laa ag bia laa iitta. Yawe Nug nukka ag padal memananu ehanattom. Nug am ahilag guppiɗ, ahilag ehanittak, ahilag qep elab enanag ele. Ahilkad kekeɗ ag ag noolagppa ag beɗulkad aɗappeg neeb, ag Israel ag ahan, tappaladppeg nokkulag,” awa aum.


Nai imuam Yawe, Nug Israel dilagppanu aum. Yawe, Nug hab abenppa ma, wannu ukku, wan ele ha, Nug danab ah ele bau madatte amu, Nug atte.


Amu Naɗi Yawe Nug inam atte. “Haen amuppa da heppi, aam anig amu, aam nokku; aam anig gatatu na, wan tonakku.


Amge laa, Jakop buɗub dilag Kayak daatte, Nug amubia iitta. Iitta! Aɗinu? Nug keeke oh heum. Ge, Nug keeke oh, Jakop buɗub ele hattom. Jakop buɗub ag am nuhikkudnab danab ah. Nug onig am Yawe Nukka Ɠagattag Oh Ele.


Amge laa, Jakop buɗub dilag Kayak daatte, Nug amubia iitta. Iitta! Aɗinu? Nug keeke oh heum. Ge, Nug keeke oh, Israel ele hattom. Israel ag am nuhikkudnab danab ah. Nug onig am Yawe Nukka Ɠagattag Oh Ele.


Aun yu, le oh ele eppegppa gokkaɗe ukke, gane daatte doyom? Aun nug habnu elab dookkunu nug eppeg melemel daakkunu ha ma ukke, habnu okkai aakku doyom? Aun wan ohnu gappud awa, kalegppa ina aɗom? Aun nug qauko oh dilag uug dookkunu, qauko amu oh skelppa maattom? Aun nug qauko nakok oh dilag uug dookkunu qauko nakok amu oh skelppa maattom?


Yawe he, ag qauko attan, wan oh ele aoppig. Ao, Yawe he, ag dattan keeke aon lappig. Nug he, ag uppuh leppu aben men eleppan aon lappig. Yo, Nug he, ag olip goɗen, ad wan men eleppa beppig amu, amuppanu aon lappig.


Amu lombig amu tuqan amuppa Isip, Israel ele gamalahppa dayom. Lombig anam dayaya he, laih Isip daappigppa gatatu dayom, amge laih Israel daappigppa, lombig he, ag amahlakppa daappig. Anam aakku dayom amunu, tuqan amuppa Isip, Israel ele ag nug gumidna wakkulagnu elele iitta.


Yawe Nug anam a, Moses nug eppeg hume, attan te, gatatu teppu naunab ele na, laih Isip dilagppa deɗ ewam oh tonattom.


Ulah nug adekkuppanu uɗia, atten gotte amu, na ii doottem, nug ukkak nuhigib dim lamidtte. Na nuhig oqotti aakkuib doottem. Amubia danab ah Kayak Ouɗippa bau menuak aotteb ele amu, danab ag amunu diig oh anidna, oolag maidkkunu elele iitta,” awa aum.


Naɗi Yawe Nug da ɠagattag meɗatte. Ao, Nug ehaniɗe, da dia qaietta gotte bia oittem. Nug he, da qaukoppa elele oikkulnu elele daattem. Unuqittak imuam danab nug danab ah noolagppa daya, ahi edatte ehanidkkunu. Laa ag musik haknu keeke muɗi ele qeegeg, danab ah ag ahi ettaglagnu daatte.


Naɗi Yawe Nug nukka Nug onig awa, nuhig nai ɠagattag qetta, Nug, Nug Yawe Kayak Nukka Ɠagattag Oh Ele, Nug inam atte. “Jakop buɗub, ag dada danab dilag kobol dim lamidtteb amu, da amunu oolppa uuaknab doottem. Ao, ag aab aɗ ɠagattagnab ele bappaladppig amu, da keeke amunu ele oolppa uuaknab doottem. Da anam doottem amunu, da kekeɗ paɗadppi, ag aab okkai ahilag imu eɗidppeg, aab amu, danab ah, keeke oh aab amuppa daatte ele am kekeɗ eppelagppa daaglag,” awa atte.


amunu, da heppi, kekeɗ ag uɗin, ag eɗadna diiadppeg, ag Damaskus eɗitta wanak, appa diia ukka laih me dayak danab ah daaglagnu gokkulag.” Yawe, Nug onig laa am Kayak Nukka Ɠagattag Oh Ele, Nug anam awa atte.


Naɗi, Nug Yawe Kayak Nukka Ɠagattag Oh Ele, Nug inam atte. “⌊Amos,⌋ na imu doon, Jakop buɗub, ag am Israel danab, na ag amelagppa ag nau aomnanu dabmettak nai imu appe doyeg!


Nug a, lombig hinqaknab ahaeg, hakkaɗ qette. Nug he, lombig amu wan atu ohppa ahatteb. Nug he, amemɗi awewe, gu ele ne, ulah ele Kayak meumppanu uɗitte.


Kayak Nug a, lombig hinqaknab ahaeg, hakkaɗ qette. Nug he, lombig amu wan atu ohppa ahatteb. Nug he, amemɗi awewe, gu ele ne, ulah ele Kayak meumppanu uɗitte.


Amu haen amuppa kekeɗ ag uɗin, geha Juda wan heppeg nauhebeb, ag enan, muttub qekkulag. Amu oqottilag amuam yu duban qaaqa, koɗkoɗ qa uɗia, yu ihippa aoɗaɗa, oqotti otte amubia daakku. Amu danab nug neekkeb, Juda wanppa uɗieb amu, nug gatatu manak, atu nauhak ele anidkku. Ao, nug bud hinqak tona, aamnu amahlak qehakka dayebeb anidkku.


Nug nai a, ais doɗo eɗua le mette. Yo, Nug he, ulah uɗie, ais le ma gotte.


Da daattem, o hibaitte daattem, haen amuppa na doottem. Na da keeke laanu dab-ii-memi, butti haen adekku dabmekkul amu, na gemu dabmak dahil amu aakku doon malame.


Nug he, lombig wan tona daatte. Nug gu, amemɗi ele maate uɗittep. Nug he, ulah uɗitte.


Nug danab dilag dabmak, diilag ele oh doyatta malom amunu, Nug danab laippu laa nug danab dilag dabmaknu, diilagnu ele Nug amegppa akkunu duttunak laa ii doyom. Iitta!


Ag dabmak amu aoegeg, Jesus Nug nuhig dabmakppa amu doya, Nug ag amelagppa aum. “Ag aɗinu dabmak nau anam aotteb?


Dahilnu amu, Kayak Nug da doyak dabmak ena ele, laa oh eɗattak aniɗa, tul niiak nahip, meu nuhig ele ii ippuniɗom. Iitta. Dahil doyak dabmak ena ele laa oh ii eɗadtte. Amge, O king, Kayak Nug tul niiak amu meu dookkutnu, na dimppa aɗi bekkunu dabmeme ele amu, na amu ele dookkutnu, Kayak Nug tul niiak nahip, amunu meu ele da ippuniɗom.


Deɗ amuam deɗ amahlak ele iitta; nug gatatuib daakku. Ao, deɗ amuam deɗ lombig hinqaknab atu oh tona daye, amahlak iitta daatte bia daakku. Deɗ amuppa tap-lokus uɗiglag. Ag ban danab huu okkai naɗi bia uɗin, wan tonatteb, o aamnu amahlak buttuanab ba he, qauko oh amahaltteb, tap-lokus ag amubia hetteb. Anukka keeke amubia laa ii beum, butti aɗi ele baula anambia laa ii bema.


Kayak Nug aamnu a, ii amahaltte; Nug he, hoɗoppai ag wan amahlak nakok laa ii medatteb.


Da hei, amahlak amahaltte; da hei, gatatu daatte. Da hei, danab ag maɗoɗ aon daatteb, amu da hei, danab ag uug naunab waappa daan oitteb. Da Yawe, da keeke imu oh hettem.


Yawe Nug Jeremaia amegppa anam ana, nug imu ele Jeremaia amegppa a, nug Isip dooglagnu aum. “Yawe Nukka Ɠagattag Oh Ele, Nug King, Nug inam atte. ‘Da genab bau daattem, genab amubia laa nug ɠagattag okkainab uɗieb, Isip ele ban hekkulag. Laa uɗikku amu, nug laa eɗattak daatte. Aɗinu? Nug qauko onig Tabor, qauko laala ooppa daatte, amge danab nug neekka antta, qauko laa ii dabmette, amubia nug laa eɗattak daatte. Ao, nug qauko onig Karmel, yu guguittak daatte, danab nug neekka antta, keeke laa ii dabmette, amubia nug laa eɗattak daatte.


Anam amunu, gemu amu, ag Israel danab ah ag ahilag Kayak toppa eɗun gokkulagoitte! Ag haen ohppa oo mauhaknab kobol, nai doya mala hettoɗia epeɗia elele mettak kobol ele dim lamidkkulagoitte. Laa amu, ag haen oh, Kayak, Nugib am ahilag Kayak, ag Nug doon, nuhignuib oolagppa genab dooglagoitte.


Swiv nou:

Piblisite


Piblisite