Amos 3:15 - Nobonob Baibel

¹⁵ Amu da heppi, Israel ag laulkad oug haennu, gakkaɗak haennu ele, lag amu oh am nauhkkulag. Lag bala enanag, aivorippa hak amu, kekeɗ ag lag amu hadappeg nauhppeg; lag ena ena laa oh ele kekeɗ ag hadappeg nauhkkulag.” Yawe Nug anam awa atte.

Amos 3:15 Referans Kwoze

Jeremaia 36:22

Amuam kalam eblaih waɗele, oug haen amunu, oo king nug dayomppa, oo amuam oug haenppa dayaknu oo. Anam dayom amunu, oo amuppa ag aen tappiɗ nakokppa aab ilaeg ewewe, king nug aab uɗikka dayom.

1 King 22:39

Amu keeke kuɗum laa ele King Ahap heum amu, kaya amuam ag buk laappa, buk amu onig am, Israel Dilag Kingnu Kaya, ag buk amuppa yaappig daatte. Nug lag enanagnab buua, lag amuppa kobol kobol hoiyak dayomppa elepan aeg babaittak qataqa, aab okkai laalanu aɗ keeke, heum amu, keeke amu ohnu kaya amuppa daatte.

Ikki Danab 3:20

Eklon nug oo laa attan nakok oug ele, amuppa dayom. Dayeye amu, Ehud nug guguitta wana aum. “Da nai laa nahipnu Kayak toppan iikku awe uɗimi!” awa aum. Nug anam aawo, King Eklon nug sia king nuhigppanu hibaittette,

Amos 6:11

Amuam genab bekku. Aɗinu? Yawe Nug amu haknu ɗo meum, Nug ɗo meum amunu, kekeɗ ag lag okkai loppaɗadppeg, nauhna autna aon, maha naunauib daaglag. Ao, ag lag naunau ele heppeg, nauhna autna aon, huppu huppu naunaunabib daaglag.

Aisaia 5:9

Am Yawe Nukka Ɠagattag Oh Ele, Nug nuhig nai ɠagattag qetta, da amelppa inam aum. “Genabnab genab, gemu lag kuɗum daatteb, geha danab ag lag amuppa laa ii daamna; hele-ettak daaglag. Ao, gemu lag okkai okkai ena ena daatteb, amuppa danab ii daamna. Iitta!

Amos 3:11

Ag anam hetteb amunu, Naɗi Yawe Nug inam atte. “Kekeɗ ag uɗin, Israel wan imu oh ag tonaglag. Ag ban hena, ag Israel, ahilkad ban haknu aben ɠagattag loppaɗna, keeke ahilkad aab aɗ ɠagattagnab ele, keeke amuppa daatte, ag amu oh ele akkan gokkulag,” awa atte.

Sam 45:8

Keeke muttuɗig enanag, onig mir, alo, kasia ele, ag amu aon, lamen elab nahip laitteg, muttuɗig enanab otte. Na nahip launad enanagnab, appa amu, ag elepan aelkadppa keeke digdig hena, bala madappig. Na launad amuppa ahiettak danab ag ahi ettan autna aon heegeg, na doon, gaman ahatte.

Amos 2:5

Juda danab ag anam heppig amunu, da heppi, Juda wan eweb; Jerusalemnu aab aɗ ɠagattagnab, aab amu ele ewatteb, iitta mekkulag.” Yawe anam awa atte.

Amos 5:11

Ag daɗek danab keeke ebappig ele, ag attem attem ebappignu takis mekkulagnu heeg mattaeg; ag ee aeg awak dimppa ele takis amunu laa ele aotteb. Ag danab eheɗ amu hetteb ele, ag anam hetteb amunu, ag laulkad ena ena, men otaɗa babaittak eleppa hadappig amu, ag lag amuppa ii daamna. Ao, grep dad ag eppaladppig amu, ag amuppanu wain ii lamana.

Malakai 1:4

Esau buɗub, ag Edom wanppa daatteb, ag inam akkulagtai, “Kayak Nug ihinig wan he nauhom, amge ig nauhom am baula buugnig.” Ag anam akkulagtai, amge Yawe Nukka Ɠagattag Oh Ele Nug inam atte. “Ag ahilag wan heppeg ena daakkunu hekkulagtai, amge da eɗue loppaɗppi nekku! Da anam heppi, laa ag ahilag wan, ag amunu, nau hak danab ah dilag wan, anana, ag Esau buɗub dilagnu ele, danab ah Yawe Nug ahilagnu hanhan oppoɗi bak dootte, akkulag,” awa atte.