Amos 2:12 - Nobonob Baibel

¹² Yawe Nug anam anan, Nug inam ele atte. “Anam amu, dahilad danab, Nasarait danab atteb, da ag wain lamananu ami. Da anam ami, amge ag Israel laa ag wagai men heeg, dahilad danab, Nasarait atteb, ag wain lappig. Yo, ag ele propet danab dahilad ag propet nai mattimnanu haknunab nai anan, ‘Aib!’ appig.

Amos 2:12 Referans Kwoze

Amos 7:13

Baula na propet nai Betel ippa aib mattime! Aɗinu? Mettid lag imuppa amu king nug dup noa binag mak hette. Lag imuam Israel dilag mettid lag,” awa aum.

Aisaia 30:10

Ag Yawenu propet amelagppa, “Ag baula Yawenu nai tuleglegppa aib anidppig,” atteb. Ao, ag propet danab amelagppa, “Ag baula Yawenu nai genab tutukku ele tuleglegppa aib anidna, ig amenigppa madippig,” anam maditteb. Ag mattina, ag tuɗidna Yawenu propet amelagppa atteb “Ag Yawe oɗe aon, nuhig nai uug ele aib madippig. Ag keeke ena, keeke ig oonig hette ele, ag amu mattieg!

Maika 2:6

Laa da, Maika, ag dahilnu atteb. “Na propet nai aib mattime! Na dimppa aɗi bekkunu nai aib mattime! Uug amu bekku am, uɗa nak nau guittak ele megakku, amge uug amuam ii bema,” aon atteb.

Jeremaia 11:21

Da Yawe amegppa anam unuqitti, ⌊Nug da amelppa aum⌋. “Anatot danab ag nidappeg mauhkkutnu hetteb, ag na amenppa, ‘Na Yawe onig diin, propet nai baula aib mattime. Na anam hekkut dayeb amu, ig nidapput mauhkkut,’ aon atteb amu,

Amos 7:16

Yawe Nug da meiɗe uɗimi amunu, Amasaia, na Yawenu nai doye! Na dahilnu attem, ‘Na uug naunab Israel dilagppa beeb anidkkulagnu propet nai baula aib mattime! Ao, na baula Aisak buɗub dilagppa uug naunab aqakkunu, na nai amu baula aib mattime!’ aon attem.

Namba 6:2

“Na Israel danab ah inam appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Danabte o iitta ahte laa nug haen gane epeɗia, haen amuppa nug Yawenu anuqak dabmaama oikkunu genabnab hekkunu nai ana qagatte, nug aakku Nasarait daakku.

Jeremaia 35:5

Da omalatti, ag uɗin daaegeg, da tappiɗ laala wain ele, kap ele awen, Rekap buɗub amu noolagppa mein, da ag amelagppa ami. “Ag wain aon laig!” awe ami.

Namba 6:3

Danab nug anam ha amu, nug aib wain lanana, le ɠagattag laa ele aib laum. Nug le laala wainppa hak, o iitta le laala le ɠagattag laalappa hak ele aib laum. Danab o ah amu nug grep leppu, o iitta grep meu, o iitta grep meu qaɗaiettak, nug amu oh ele aib laum.