Yawe Nug inam atte. “Juda danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag da, Yawe, ag dahil ɗo dimedappig. Ao, ag dahil ɗo dim ii lamidppig. Ag amu henana, ag kayak hambuppuak dim lamadkkulagnu eeɗak doon, dim lamadppig; kayak hambuppuak amuam ag mamelkad aɗi kayak hambuppuak dim lamadppig, am kayak amuib.
Amos 2:1 - Nobonob Baibel1 Yawe Nug inam atte. “Moap danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag ⌊oo doyak ii doon, ag naunab hena, ag⌋ Edom dilag king ebehiud aon, manaeg ewa, kalu ka bia dayom. Gade chapit la |
Amos 2:1
22 Referans Kwoze
Yawe Nug inam atte. “Damaskus, ⌊Aram danab ippunigtte⌋ ag hipunin kuɗum heppig amunu, da ool nauhtte. Da ool nauhtte amunu, da bu madakkul. Da oppoɗi bak dahil amu heppi, iitta ii mema. Hipunin laa ag heppig am, ag Gileat danab ah eheɗ nau hadappig. Aram ag danab ee aeg mumuɗaknu keeke, aeg aenppa hak ele ee aeg mumuɗtte, Aram ag Gileat danab ah eheɗ anambia mumuɗadppig.
Yawe Nug inam atte. “Israel danab ag hipunin kuɗum heppig amunu, da ool nauhtte. Da ool nauhtte amunu, da bu madakkul. Da oppoɗi bak dahil heppi, iitta ii mema. Hipunin laa ag hetteb am, ag genab tutukku hak danab aɗualadna, genab tutukku hak danab ag laa dilag maɗi nid daaglagnu maatteg, laa ag silwa men doɗoppa daden metteb. Ao, Israel ag daɗek danab aɗualadna, daɗek danab ag laa dilag maɗi nid daaglagnu maatteg, laa ag baeg gaɗappa, men doɗo iittappa, baeg gaɗappaib daden metteb.
Yawe Nug inam atte. “Edom danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag lailkadnab, am Israel danab ah amu, ag ag aqaglagnu qep elab aɗan, lamadna, ag oo bodoetta le mak nakok laa dooglagnu ii doonna uuppig. Ag uueg, ahilag oo nauhak am aab ewawaib daatte bia dayeye; ag lailkadnab dilagnu oppoɗilag be amelag kokoɗ eppa dayom.
Yawe Nug inam atte. “Tair danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil amu heppi, iitta ii mema. Hipunin laa ag heppig am, ag dahilad danab ah ele layam batan, nug tituanna nai qagappig, amge ag nai amu lopaɗna, ag dahilad danab ah dilag aab kuɗum eɗadna, aab amunu danab, ah, nid ele oh aɗualadna, diin gona, Edom danab ah dilag maɗi nid daaglagnu maatteg, Edom danab ag daden maadppig.
O danab ah dahilad, ag da, da Yawe, ag da kobol genab tutukku ele hanhan hettem dooglagnu, ag Moap dilag king Balak, nug ag Israel eheɗ hadakkunu dabmeum ele amu, ag nuhig nai nau amu dabmenana, ag Beor bekka Balam nug aɗi nai eɗua, Balak amegppa aum amu, ag amu oh dabmenan dayeg! Laa amu, ag Israel, ag Sitim daanna, ag ahan, Jodan le mataɗna, Gilgal goppig amu, ag amu ele dabmenan dayeg!” Yawe Nug anam awa atte.
Amu Yawe Nug inam atte. “Pilistia danab Gasa daatteb ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil amu heppi, iitta ii mema. Hipunin laa ag heppig am, ag dahilad danab ah dilag aab kuɗum eɗadna, appan danab, ah, nid ele aɗualadna, diin gona, Edom danab dilag maɗi nid daaglagnu maatteg, Edom danab ag daden maadppig.
Israel huu, amu Juda huu ele ag geha buɗub laa aam nodeppa daatteb, ag am Pilistia danab, ag ag eɗadkkulag. Amu ag buɗub laa aam bedeppa daatteb, ag ag ele eɗadna, ahilkad keeke aoglag. Israel huu, Juda huu ele, ag Edom huu, Moap huu ele eɗadna, ag Amon ele eɗadkkulag. Eɗadppeg amu, Amon ag Israel huu, Juda huu ele waalagppa daaglag.
Piblisite