Amos 1:11 - Nobonob Baibel

¹¹ Yawe Nug inam atte. “Edom danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag lailkadnab, am Israel danab ah amu, ag ag aqaglagnu qep elab aɗan, lamadna, ag oo bodoetta le mak nakok laa dooglagnu ii doonna uuppig. Ag uueg, ahilag oo nauhak am aab ewawaib daatte bia dayeye; ag lailkadnab dilagnu oppoɗilag be amelag kokoɗ eppa dayom.

Amos 1:11 Referans Kwoze

Malakai 1:4

Esau buɗub, ag Edom wanppa daatteb, ag inam akkulagtai, “Kayak Nug ihinig wan he nauhom, amge ig nauhom am baula buugnig.” Ag anam akkulagtai, amge Yawe Nukka Ɠagattag Oh Ele Nug inam atte. “Ag ahilag wan heppeg ena daakkunu hekkulagtai, amge da eɗue loppaɗppi nekku! Da anam heppi, laa ag ahilag wan, ag amunu, nau hak danab ah dilag wan, anana, ag Esau buɗub dilagnu ele, danab ah Yawe Nug ahilagnu hanhan oppoɗi bak dootte, akkulag,” awa atte.

Joel 3:19

Ag Israel, ahilagppa amu ena anam daakku, amge Isip wan am hele-ettak daakku. Edom wan ele atu taɗaknab daakku. Aɗinu aa anam daaglah? Ag Juda wanppan danab ah guittak nau mauhnoak mattanna, appa ag danab ah eheɗ laa ii heppig ele aqaeg mauhppig.

Sam 137:7

O Yawe, Edom ag deɗ Babilon dilag ban danab ag Jerusalem eɗittegeg, ag aɗi henan daappig na dautppa dob, ⌊bu madakkutnu⌋ oɗ medattem. Deɗ amuppa amu, Edom danab ah ag, “Loppaɗppeg naɗ! Loppaɗna autnanab aoppeg naɗ!” eppig.

Maika 7:18

O Yawe, aun am Kayak na bia laa daatte? Kayak aun laa nug nuhikkudnab oɗo yaak danab ah dilag hipunin uhuqa madatte; eheɗ hak ahilkad ele uhuqa madatte? Na haen oh oo nauhak nahip ii aɗattem. Iitta. Na oot gai-iitta doon oot mattan ehanadkkutnu enanagnab doottem.

Eklisiastis 7:9

Danab ag Kayak dab-ii-menan ii dim lamidtteb ele, ag ahilag kobol am ag paha paha oolag nauhtte; amunu na amubia aib heme! Na paha paha oot nauhmanu dabme!

Duteronomi 23:7

Ag Edom dilagnu, Isip dilagnu ele oolagppa uuaknab aib dooppig. Aɗinu? Edom ag ele amu, ag am eamag bia. Aria, Isipnu amu, ag appa wan laihnu danab ah ag oolagppa daappig.

Epesus 5:1

Ag Kayak bekkod daatteb, ahilagnu Nug oo mauhtte amunu, Nug ippu hena dayeg!

Malakai 1:2

Yawe Nug Israel amelagppa atte. “Da ahilagnu oo mauhak doye, gemu ele doottem,” awa atte. Yawe Nug anam aakku atte, amge ag, Israel danab ah, ag Nug amegppa atteb. “Na ib adekkuppa genab ihinignu oot mauhom, gemu ele oot mauhtte ippunigkkutnu od medattem?” aon atteb. Ag anam atteb amu, Yawe Nug inam iikku amelagppa atte. “Esau am Jakop awag, me da ag alalag Jakopnu ool mauhom.

Aisaia 57:16

Amu da hanhan dahilad danab dilagnu nai ii hepa. Da ahilagnu hanhan oo nauhak ii doopa. Aɗinu? Da hanhan nai helom, da hanhan oo nauhak doolom amu, danab ah dahilad ag gai-iitta daalob. Ao, da hanhan nai helom, da hanhan oppoɗi bak doolom amu, danab ah dahilad ag mauhlob.

Sam 85:5

Na ihinignu hanhan oot nauhkkute? Na heppe, nahip oo nauhak am hanhan bodo-ii-ettamate?

Sekaraia 1:15

amge da wanppan wan laala danab ah dilagnu, ag ahilag dabmakppa ag ɠagattag daatteb, ag uug laa ii anidmananu dabmetteb amu, da amu dilagnu ool nauhtte. Da dahilad danab ah dilagnu ool nakokib nauhom, amge da ag amunu bu madakkulnu dabmein, bu qak amu wanppan wan laala eppelagppa memi. Da anam memi amge, wanppan wan laalappan danab ag bu da dabmemi, ag amu eɗittak, bu eheɗ nau ele Israel madappig,” awa atte.

2 Stori 20:10

Ag anam appig amu, gemu Amon, Moap, Edom danab ele ag banenig uɗin, iqaglagnu daatteb. Anukka ig memetankad anukkanu ag Isipnu uɗiegeg, na ag danab amu ele ban hekkulagnu aib ame amunu, ig memetankad ag ag ele ban ii heppig. Ag ag aqaeg ii iitta meppig. Danab amunab, ag buɗulkad gemu banenig uɗin, iqaglagnu daatteb.

2 Stori 20:11

Ig ahilagnu ena hemut, amge ag uɗin, eheɗ heigna, lamigna eɗigppeg oolta, laih wan laappa daagnignu hetteb amu, na amu neegna anidkkutnu oɗ medattem. Na wan imu, am ig aunig daakkunu na ig mekkame.

Hosea 8:3

Anam amge, Israel danab ah ag kobol ena haknu uuppig; aakku gemu amu, ahilkad kekeɗ geha ag lamadkkulag.