Amos 1:10 - Nobonob Baibel

¹⁰ Tair danab ag amu heppig amunu, da heppi, ahilag aab Tair am aab eweb; Tairnu aab aɗ ɠagattagnab ele, aab amu ele ewatteb, iitta mekkulag.” Yawe anam awa atte.

Amos 1:10 Referans Kwoze

Sekaraia 9:4

Amge Naɗi Nug Tairnu keeke aɗitta aokku. Nug heeb, uub okkai, Tair dilag, ag yu ooppa nona nauhkkulag. Kekeɗ ag uɗin, Tair aab manadppeg ewa, iitta mekku.

Amos 1:7

Pilistia danab ag amu heppig amunu, da heppi, ahilag aab Gasa am aab eweb; Gasanu aab aɗ ɠagattagnab ele, aab am ele ewatteb, iitta mekkulag.

Amos 1:4

Aram danab ag amu heppig amunu, da heppi, ahilag King Hasael laug aab eweb; aab aɗ ɠagattagnab ele, ahilag king laa Benhadatnu amu, aab amu ele ewatteb, iitta mekkulag.

Esekiel 26:12

Anam amu, daup amu ag Tair danab ah, ag ahilag en, ahilag keeke ele aonna, laulag ena ena amu loppaɗadna heppeg, nauhna autna aoppeg, daup ag aabnu men aɗ heppeg, kinipan neeb, akkan agappeg yuppa nokku.

Jeremaia 47:4

Aɗinu uug amu bekku? Pilistia danab ah oh iitta mekkulagnu haen aakku uɗiom. Ao, laa ag Tair danab ah, Saidon danab ah ele ehanadkkulagnu daatteb, ag oh iitta mekkulagnu haen aakku beum daatte,’ ” awa atte. Yawe Nug heeb, Pilistia danab ah ag nauhkkulag. Ao, Nug heeb, Pilistia danab, ag Kritnu uɗin daan, gemu ag oɗo yaak daatteb amu, ag nauhkkulag.

Esekiel 26:4

Kekeɗ ag uɗin, Tair aabnu aɗ loppaɗppeg, wanppa nena qeppeg, lag attan ta ukkak menppa hak daatteb ele loppaɗadppeg nekkulag. Ag anam heppeg, dimppa da Yawe, da heppi, Tairnu kinipan oh dayomppa ii dayebeb, Tair dayomppa hamu menib daakku.

Esekiel 28:18

Na keeke mee, danab laa uɗin daden metteb kobol nahip amu, amuppa na hipunin huanaknab, kobol genab iitta ele hewona, nahip kayak hambuppuak laulagppa dubuttid teum daatteb amunu, da hei, na nena qena padal meme, aab aɗu ad ooppa digma ewawa he, ad iitta mette amubia. Da hei, danab ah oh dilag neekkakppa na aab uhuɗ wanppa hamu daatte bia daattem.

Joel 3:4

Ag Tair, Saidon amu Pilistia danab ah ele, ag dahilnu aɗi nai laal elete? Ag da keeke laanu nob nau meɗaglagnu hettebte? Ag anam hekkulagnu hetteb dayeb amu, ag dabmeig! Da pahanab ahilag hak nau dahilppa heppig amu, da amunu nob nau ag madakkul.