Aisaia 9:14 - Nobonob Baibel

¹⁴ Ag anam hekkulag amunu, Yawe Nug Israel wan amu heeb, nauha auta aokku. Nug deɗ laippuppa Israel ikki, boob ele oh otaɗkku.

Aisaia 9:14 Referans Kwoze

Revelesen 18:8

Nug anam atte amunu, keeke nau imu oh deɗ laippuppa nuhigppa bekku; mauhak, qanak, amu enug haen ele. Aab okkai Babilonnu amu, aab eweb iitta mekku. Aɗinu? Naɗi Kayak, Nug ɠagattag okkai ele amu, Nug epeɗidtte.

Aisaia 19:15

Isip ag laippu laa nug Isip ehanadkkunu laa iitta. Danab nug danab okkaitai, o danab okkai iittatai, danab nug keeke kuɗum eletai, o daɗek danabtai, ag oh am melemel laippu. Laippu laa nug Isip danab ah ag ehanadkkunu laa iitta.

Revelesen 18:17

Amge aua laippuppa nuhig enub amu oh iitta meum,’ aon akkulag. Uub gumak danab okkai, danab uub daden mena, uubppa tena, yu qaɗeppa aab laappa gotteb ele, uub gumak danab okkainu uɗat nid, amu keeke laihnu awa dadennu mak danab ele, ag oh aab okkai amu anidna, piɗenab hippaidna daaglag.

Revelesen 18:10

Ag piɗe daanna, nuhig guittak amunu baɗana akkulag. ‘O gadonnab gadon; gadonnab gadon Babilon! Na aab okkai, na ɠagattag okkai ele, amge aua laippuppaib nahip hipuninnu nob nau aakku neum,’ aon akkulag.

Amos 7:17

Na da baula amunu ii madipanu attem amunu, Yawe Nug inam atte. ‘Uug naunab nahip-ppa bekku. Beeb, ah nahip nug aab okkai imuppa ib baag ah daakku. Nid danab nahipad, nid ahin nahipad ele amu, kekeɗ ag qep elabppa aqappeg mauhkkulag. Wan nahip amu, laa ag oppatppeg neeb, panin aoglag. Na amu, na wan laappa, wan imuppa iitta, laappa mauhkkut. Wan amuppa ag Kayak ii dimlamidtteb; ag kayak laa dim lamidtteb. Nahip-ppa anam beeb amu, kekeɗ ag heppeg, Israel ag genabnab genab ahilag wan imuppanu ahan gona, diia ukka laih me dayak danab ah wan laappa daaglag.’ Yawe Nug anam awa atte,” awa aum.

Amos 6:11

Amuam genab bekku. Aɗinu? Yawe Nug amu haknu ɗo meum, Nug ɗo meum amunu, kekeɗ ag lag okkai loppaɗadppeg, nauhna autna aon, maha naunauib daaglag. Ao, ag lag naunau ele heppeg, nauhna autna aon, huppu huppu naunaunabib daaglag.

Amos 3:12

Am Yawe Nug inam ele atte. “Sipsip gumak danab nug laion uɗia, sipsip laa aɗa, beɗu he nauhe antta, nug aha, wagai ma, sipsip baeg ebehi aɗit, o daug laihib laion oɗeppanu eɗua aotte, amubia Israel danab Samaria daatteb laippu laippuib ehanittak aon daaglag. Gemu amu, Israel danab amu ag ahilkad betppa, o ahilkad sia enappa heɗep nen daatteb, ⌊amge ahilagppa uug nau anam bekku⌋,” awa atte.

Hosea 13:3

Israel danab ah ag anam hetteb amunu, ⌊ag bu aoglag.⌋ Ag buttuanu bud paha qaɗaiedatte bia iitta mekkulag. Ao, ag geha buttua baito paha qaɗaiedatte bia qettoɗkkulag. Ag geha ulah iwale, ee aeg dappunkkeg ee aeg mumuɗaknu abenppanu laih gotte, amubia ag iitta mekkulag. Ao, ag geha aab laa kahug qatia taata ukka, iitta mette bia hekkulag.

Hosea 10:15

O Betel danab ah, ag nau hak ahilag am okkainab amunu, kobol amubia ahilagppa bekku. Deɗ amuppa Kayak Nug Israel bu mattebeb, Israel dilag king am nauha autanab awa, iitta mekku.

Hosea 8:8

Israel danab ah ag geha wanppan wan laala oolagppa ukkan daaglag. Ag waa ena iitta, laa amunu ena ii dootte, ag amubia daaglag.

Hosea 4:5

Ag amunppa, tuqanppa ele taataɗ qedatteb, amu propet ag ele anamib hetteb amunu, da geha ag Israel, da ahilag wan heppi nauhkku.

Hosea 1:9

Menue, Yawe Nug Hosea amegppa aum. “Na nug onig ‘Lo Ami’ ataɗe! Aɗinu? Gemu Israel danab ah ag dahil danab ah iitta, da am ahilag Kayak iitta.

Hosea 1:6

Amu Gomer nug baula oo ele daya, nid ah laa menuom. Menue amu, Yawe Nug Hosea amegppa aum. “Na nug onig Lo Ruhamah ataɗe! Aɗinu? Da geha Israel danab ah dilagnu oo bodoetta le mak kobol ii dim lamidpa; da genab heppi, ag bu naunab aoglag.

Hosea 1:4

Aakku Yawe aum. “Nid onig Jesril ataɗe! Amunu diig am, da King Jehu, amu nug buɗuppud ele ag bu madakkulnu hettem. Aɗinu? Jehu nug danab ah kuɗum Jesril appa aqe mauhppig. Da ele geha heppi, laa ag Israel tabappeg nob, Israel am baula wanppan wan laa ii daama.

Aisaia 30:13

ahilag hipunin amu heeb, ag nauhkkulag. Men gilil attannab nug gai-iitta, aoɗak ele dayaya, laippun na qette, amubia ag nena qekkulag.

Aisaia 10:17

Yawe, Israel dilag amahlak, Nug aab ewak bia daakku. Ao, Israel dilag Kayak Oppiaawak Ele, Nug aab aɗu bia daakku. Nug anam dayaya, aab uud keeke qaun ele qaɗaiettaknab oh ewe iitta mette, amubia deɗ laippuppa Nug heeb, Asiria dilag daup ag padal mekkulag.

Jeremaia 6:21

Anam amunu Yawe Nug atte. “Da heppi, Juda danab ah ag gai-iitta daappeg, kekeɗ ag eɗadkkulag. Mamelkad, bekkalkad ele ag danab nug menppa baeg ya, na qette bia nena qekkulag. Ao, ahilkad mudippan laippu, amu ag lailkad ele, ag ele danab nug menppa baeg ya, na qette bia nena qekkulag. Ag oh mauhkkulag,” awa atte.

Jeremaia 8:12

Ag naunab nau hetteb amunu, ag uɗalag nettete? Iitta! Ag uɗa nak nakoknab laa ii dootteb. Ag uɗa nak kobol hetteb, amge ag amelag kokoɗ iinab ebatte. Ag anam hetteb amunu, ib laa ii daatte. Ag laa qep elabppa mauhtteb bia, ag ele mauhkkulag. Ahilag bu awak haenppa, ag nena qekkulag.’ ” Yawe Nug anam awa atte.

Gayak Nai 4:16

Ahilagnu anam daatte. Aɗinu? Yawe Nug nukka he, ag matatun gona, tamtam oitteb. Nug ag ii atognoadtte. Nug he, mana mettak danab, danab okkai ele adeppa adeppa daatteb amu, appanu danab ah ag mana mettak danab binag nakok laa ii mattan; Ao, ag Juda dilag ikki danab ehanittak nakok laa ii madatteb.