Aisaia 8:4 - Nobonob Baibel

⁴ Aɗinu? Haen nid amu nug oɗe oppateb, ‘Mama, anai,’ ii aabob amu, Asiria dilag king, nuhikkud daup ele ag uɗin, aab okkai Damaskusnu keeke ena oh akkan aon, aab okkai Samarianu ele akkan aon gokkulag,” awa aum.

Aisaia 8:4 Referans Kwoze

Rom 9:11

amge Kayak Nug danab tituanadtte, Nug nug tituana nai qakkak amu danabnu uɗat dabmedatta ii hette, Nug nukka nuhig doyak dim lamitta hette ele amu, Nug amu miag atiak daakkunu, haen aa anilah nid aɗit amu ii menuatom amunu, aa kobol ena, kobol eheɗ laa ii hepiɗ ele,

Jona 4:11

Anam amge, da ele Niniwe dilagnu dabmein, ool dootte. Aab okkai amuppa nid naunau eheɗ laa ii heppig ele kuɗum daatteb; ahilag ebqak 120,000 eɗittak. Doɗ kuɗum ele daatteb,” awa aum.

2 King 17:3

Amu Asiria dilag king Salmaneser nug ban ha, Hosia eɗitta he, Hosia nug Salmaneser waappa dayaya, maɗ oh en takis bia mettom.

2 King 16:9

Aakku Asiria dilag king Tiklat Pileser nug King Ahas nai me ukkom amu doya, nug nuhikkud ban danab diie gona, Damaskus aab okkaippa ban hena, aab okkai amu aoppig. Tiklat Pileser nug King Resin qe mauhe, nug Damaskus danab ah amu diia ukka, Kir aab okkaippa daaglagnu maattom.

2 King 15:29

Haen Peka nug king dayeye, Tiklat Pileser, Asiria dilag king, nug banelag uɗia, Israel eɗatta, nug ahilag aab Iyon, Abel Betmaka, Janoa, Kedes, Hasor ele oh diia, nug Gileat wan, Galili wan, amu Naptali wan oh ele awa, nug danab ah aab, o wan amuppa daappig am diia, Asiria ukka he, ag aguppa daappig.

Duteronomi 1:39

Nug wan amuppa nokku, aria ag ahilkad nidnu, ‘Wan amuppan danab ag ihinkad nid, nid amu ag am danabnab, ahnab ele ii beppig, ag aɗi hak am ena, aɗi hak am nau, ag amu tutukku ii dootteb ele amu, ag ag aɗualadppeg, ag eppelagppa daaglag,’ appig amu, nid amu ag ele nokkulag. Da wan amu nid amu madakkul. Ag geha wan amu aona, amuppa daaglag.

Aisaia 17:3

Geha aab ɠagattag aɗ ele Israel wanppa appa iitta mekkulag; Aram huu ag baula wan ahilag ii gumamna. Amu Israel danab ah ag binalag iitta mekku, amubia Aram danab ah oɗo yaak daaglag, ag binalag iitta ele daaglag.” Yawe Nukka Ɠagattag Oh Ele, Nug anam atte.

Aisaia 8:5

Am Yawe Nug bau laa da amelppa inam aum.

Aisaia 17:1

Nai meunab ele Damaskus aab okkaippanu Yawe he, Aisaia doyom ele am iikku. “Antte! Kekeɗ ag geha aab okkai Damaskus heppeg nauheb, geha Damaskus am aab okkai ii daama. Iitta. Ag heppeg nauha, aab amuam geha kinipan ameg okkai hume tak daakku.

Amos 1:3

Yawe Nug inam atte. “Damaskus, ⌊Aram danab ippunigtte⌋ ag hipunin kuɗum heppig amunu, da ool nauhtte. Da ool nauhtte amunu, da bu madakkul. Da oppoɗi bak dahil amu heppi, iitta ii mema. Hipunin laa ag heppig am, ag Gileat danab ah eheɗ nau hadappig. Aram ag danab ee aeg mumuɗaknu keeke, aeg aenppa hak ele ee aeg mumuɗtte, Aram ag Gileat danab ah eheɗ anambia mumuɗadppig.

Aisaia 28:4

Am inam bekku. Aab Samaria am binag amahlak oppiaawak ele, aben wan ittag enanag qauko nakok eleppa daatte, amge aab amuam ad fig meu tatam oɗutte, danab antta, paha eppeg bahia awa latte, am amubia daatte. ⌊Anam amu, geha kekeɗ ag uɗin, heppeg nauhkku.⌋

Amos 1:5

Aram dilag aab okkai am Damaskus, amu da heppi, kekeɗ ag aab amunu aɗnu od loppaɗna, aab heppeg nauheb; da heppi, Aram dilag king laa, nug oolnu noak onig Awen, appanu amu, nug nauheb; da ele heppi, Aram dilag king laa Beteden, appanu amu, nug ele nauhkku. Da amu oh hewoya, da heppi, kekeɗ ag Aram danab ah diina, ag diia ukka laih me dayak danab ah daaglagnu gona, Kir maadppeg daaglag.” Yawe Nug anam awa atte.