Aisaia 8:21 - Nobonob Baibel

²¹ ⌊Am genab, danab ah ag ib hambuppuakppa doyak aoglagnu hetteb ele amu,⌋ ag am geha haen nau aoglag. Ag geha oolagppa uug nau doonna, enug aqebeb, wanppa talilin oiglag. Ag anam oinna, ag enug aqakku. Enug amunu ag oppoɗilag beeb, amelag kokoɗ eppeb, ahilag king, amu ahilkad kayak ele ag eheɗ laa awaknu anak waappa daaglagnu nai akkulag. Ag neegppeg habppa teebeb,

Aisaia 8:21 Referans Kwoze

Aisaia 9:20

Danab ah oh anen anen ag henana, mudippan lailkad heqo laih daatteb amu, ag amu dilag keeke aɗualadkkulag, amge ag enug qak doon oiglag. Ag mudippan lailkad laih laa daatteb amu, ag amu dilag keeke aɗadna lakkulag, amge ag oolag iinab aɗama. Ag anam henana, ag anen anen oh ag bekkalkad aɗelkad aɗi aakku lattaglag.

Prowerb 19:3

Danab nug Kayak dab-ii-maama hak kobol dim lamidtte, amuppa nug he, nuhig bau dayak nauhtte; amge nug, “Yawe Nug eheɗ he, da dahil dayak nau iguppa daattem,” awa atte.

Jeremaia 52:6

Babilon ag aab amu talilidna daappig amunu, aab okkai ooppa daappig ag dimittim gona ee aoglagnu elele iitta. Ag anam daaeg ukke, Sedekaianu king dayaknu maɗ 11ppa, kalam ebqak waɗele, kalam amunu deɗ eblaih waɗeleppa ee iittanab meum. Danab ah ag ee laa aon lakkulagnu am iittanab iitta.

Jeremaia 14:18

Da aab okkai uuen, aab dimittim oiyeye amu, da laa ag qep elabppa mauhppig anadttem. Da aab okkai ooppa oiyeye amu, laa enugppa mauhppig, mauhkkulagnu oitteb ele anadttem. Aɗinu? Propet danab, mana mettak danab ele ag daanna, maɗi ahilag hetteb, amge ag diig doon ii hetteb. Iitta. Ag hamu hetteb,’ ” ⌊awe akkul.⌋

Job 2:9

Job anam heehe, nug wau uɗia, amegppa aum. “Na gemu ele danab nug dabmak oiyak nuhig ele am tutukkuib daakkutnu dabmenana hettemte? Uuppe! Na Kayak eheɗ laa awaknu anak waappa daakkunu awona, na mauhe!” awa aum.

Job 2:5

Amge na Job ii ehanidna heppe, nug beɗu nauhebeb, mauhkkunu haaha, nug na noomppanab dayaya, na eheɗ laa awaknu anak waappa daakkutnu nai akku,” awa aum.

Job 1:11

Gemu na anam hee, nug nahipnu ena dootte, amge na eppen bahin heppe, nuhig keeke oh nauhakib daakku dayeb amu, nug na noomppanab dayaya, na eheɗ laa awaknu anak waappa daakkutnu nai akku,” awa aum.

2 King 25:3

⌊Babilon ag aab okkai talilidna daappig amunu, aab ooppa daappig ag dimittim gona, ee aoglagnu elele iitta.⌋ Ag anam daaeg ukke, Sedekaianu king dayaknu maɗ 11 ooppa, kalam ebqak waɗele, kalam amunu deɗ eblaih waɗeleppa ee iittanab meum. Danab ah ag ee laa aon lakkulagnu am iittanab iitta.

Eksodas 22:28

Da am Kayak, ag dahilnu dabittak nai aib appig. Amu ag ahilag huuppan ikki danabnu, nug eheɗ laa awaknu anak waappa daakkunu aib appig.

2 King 6:33

Elisa nug ikki danab amu amelagppa nai amu mattiaya, ii gog teum, haen amuppa danab king me uɗiom aakku be, king ele nug uɗia ba, nug Elisa amegppa inam aum. “Yawe Nug ihinigppa uug naunab imu he beum. Aɗinu da Nug ameg baula mekkul?” awa aum.

Lewitikas 24:11

Nug qak ooppa, Israel ah, gamu Isip ted, nug bekka, nug Israel ted baeg qa, nug Yawe eheɗ laa awaknu anak waappa daakkunu aum. Yawenu nai aum, amuppa nug Yawenu dabittak nai mattiom. Nug anam heum amunu, ag danab amu Moses toppa ⌊hettoɗiak hekkunu⌋ aon goppig. Nug anig am onig Selomit. Nug am Dibri aɗeg, Israel dilag huu okkai laa Dan, amuppanu.

1 Samuel 8:18

King nug anam hekku amunu, haen amu uɗieb, ag king, nug ag gumadkkunu appig ele amu, ag nuhig hak amunu uug doon, ag nug waappa daamnanu Yawe unuqidkkulag, amge Yawe nug ahilag nai ii dooma,” awa aum.

Job 18:12

Uug naunab nau nuhigppa bekkunu miagnab daatte. Ao, nug na qekkunu heehe, nauhak pahanab nuhigppa bette.

Aisaia 9:21

Manase buɗub ag ahan, Epraim buɗub tappadppeg nokkulagnu hebeppeg, Epraim buɗub ag ahan Manase buɗub tappadppeg nokkulagnu hekkulag. Amu aa oh anam heyaya, aa oh ahai, Juda tabapeɗ nokkunu hekkulah. Anam, amge amuppa Yawe Nug nuhig oo nauhak amu iinab bodoettama. Iitta. Nug ⌊bu tuɗitta madakkunu⌋ eppeg huma daakku.

Aisaia 14:30

Geha da danab ah dahilad gamagppa heppi, laala ag danab daɗek naunab daatteb amu, ag am geha sipsip ag aben gikkiɗah enappa daatteb bia elele daaglag. Ao, ameg laa ag keekenu tutu daatteb, da geha heppi, baɗak iittappa daaglag, sipsip ag ii baɗana niitteb, amubia. Amge ag Pilistia, da geha heppi, enug haen naunab beeb, ad diɗi nauhe, ad bunaɗtte bia, ag iitta mekkulag. Ao, ag Pilistia, ag qagaiettak haen dimppa laippu laippu haen amuppa daaglag amu, da enugppa heppi, ag oolagppan laippu laa bau ii daama. Iitta!

Aisaia 51:19

Uug naunab laippuib ahilagppa ii beum. Iitta! Aɗit bepiɗ amunu, aun nug oo mak madakkunu elele? Uug naunab aɗit ahilagppa bepiɗ laa am, kekeɗ ag uɗin, hatteg nauhppig. Laa am, enug haen nau na he, ag nauhppig amunu, aun nug ehanatteb, ag oolag mekkunu laa iitta.

Aisaia 59:9

Ig Juda ig hipunin anam hemut amunu, ig nai doya mala hettoɗia epeɗia elele mettak kobol ii anidttem. Ao, genab tutukku hak kobol ihinigppa ii daatte. Ig amahlak anidkkunignu neegttem, amge ig gatatu aakkuib anidttem. Ao, ig amahlak okkai anidkkunignu neegttem, amge ig lokko gatatu ele ooppa oittem.

Aisaia 65:13

Ag nau amu hetteb amunu, Naɗi Yawe Nug inam atte. “Dahilad danab ah, ag am dahilad maɗi nid maɗi ah ele amu, ag ee lakkulag, amge ag nau hetteb ele, ag enug aqakku. Dahilad danab ah ag le oug lakkulag, amge ag nau hetteb ele, ag le baalag diikku. Dahilad danab ah ag oolag gamag ahakku, amge ag nau hetteb ele, ag uɗalag nekku.