Aisaia 8:15 - Nobonob Baibel

¹⁵ Ao, Nug anam bia dayebeb, ⌊Juda danab ah kuɗum, Jerusalemnu kuɗum ele⌋ ag baelag qena, taataɗ qekkulag. Kuɗum ag nena qena, nauhkkulag. Kuɗum ag pelem amuppa nona nauhkkulag.

Aisaia 8:15 Referans Kwoze

Matyu 21:44

((Am laa nug men amu attan na qekku amu, nug nakok nauhkku, amge men amu nug laa qaɗeppa na qekku amu, nug nauha auta aokku,” awa aum.))

Aisaia 28:13

Ag uuppig amunu, Yawe Nug nukka geha ag sul madakku. Nug danab nid naunau doyak aoglagnu keeke digdignu awa uɗia, sul madatte, Nug amubia haaha, “Ippa ɗo daatte, appa ɗo daatte. Ippa na oiyak nahip gume! Appa na oiyak nahip gume! Ippunittak iguppa aweg! Ippunittak aguppa aweg!” awa akku. ⌊Nug sul baubau anam maatta hekku, amge doyak awaknu ib uug iitta amuppa ele ag uun heppeg, kaaka aqeb, ii dim lamidkkulag⌋ amunu, Yawe Nug heeb ag eheɗ nau aoppeppeg, ahilkad kekeɗ ag eɗadna, wan laappa diia ukka laih me dayak danab ah daaglagnu diin gokkulag.

1 Korint 1:23

amge ig ib aɗit amuppa ii gottem. Iitta! Ig Kristus ad emaitakppa atulitteg mauhom, ig amunu nai mehuqttem. Ig anam mehuqutut, Juda danab ag nai amunu ag eheɗ doon, ag kekeɗ mettaegeg, Grik danab ag nai amunu, “Dabmak tutukku iitta,” aon anana, ii aotteb.

Rom 9:32

Aɗinu ag ii aoppig? Ag oolagppa genab doyak uuppig amunu ag ii aoppig. Ag am uɗatib henana aoglagnu dabmeppig. Amu men baelag yaaladtte ele amu, men amu ag baelag yaalatte, ag nena qeppig.

Jon 6:66

Jesus Nug nai amu mattiom, haen amuppa amu nuhikkud ippunittak awak danab kuɗum ag Nug dimedappig, tuɗidna Nug dim ii lamidppig.

Matyu 15:14

Amubia amu ɗo gumak danab-Parasia, ahilag ippunittak am iitta mekku amunu, ag ahilagnu aib uug aqom. Ɗo gumak danab-Parasia ag danab ah omaladtteb, amge ag amelag gaɗuom. Am ameg gaɗuak laa, nug laa, nug ele ameg gaɗuak ele, nug ib ippunitteb amu, aa oh moɗppa neya qekkulah,” awa aum.

Matyu 11:6

Amu danab aun nug nuhig ooppa genab doyak dahilnu ii paɗe nette amu, nug itittak ena awom daatte,” awa aum.

Aisaia 59:10

Ig danab ameg gaɗuak ele, nug gilil eppegppa aɗaɗa gotte, ig amubia hettem. Ao, ig danab ameg nauhom ele, nug eppegppa keeke aɗaɗa gotte, ig amubia hettem. Ig danab ameg ena iitta tuebnab keeke ii andatta, tappa taataɗ qette amu, ig amubia aam anigppa hettem. Danab ɠagattag oolagppa amu, ig danab mauhom bia daattem.

Aisaia 7:22

Am inam ele daakku. Doɗ amu ag mamelag huh huanak mettaglag amunu, danab amu nug huh amu awa, sis ha, sis lakku. Ge, anam daakku amunu, danab laippu laippu oh haen amuppa Juda wanppa daaglag amu, ag sis, uppuh leppu ele lakkulag.

Aisaia 28:16

Ag anam atteb amunu, Naɗi Yawe Nug inam atte. “Antteg! Da geha Sion appa men ɠagattag, men enanag laa, ukku ɠagattag daakkunu ebappi dayebeb, ag amu qaɗeppa keeke oh heppeg tekku. Amu aun laa nug nuhignu ooppa genab dookku amu, nug ɠagattag, ena daakku.

Jeremaia 6:21

Anam amunu Yawe Nug atte. “Da heppi, Juda danab ah ag gai-iitta daappeg, kekeɗ ag eɗadkkulag. Mamelkad, bekkalkad ele ag danab nug menppa baeg ya, na qette bia nena qekkulag. Ao, ahilkad mudippan laippu, amu ag lailkad ele, ag ele danab nug menppa baeg ya, na qette bia nena qekkulag. Ag oh mauhkkulag,” awa atte.