Aisaia 7:6 - Nobonob Baibel

⁶ “Ig gota, Juda wanppa teta, ban hepput, Juda ag nena qeppeg, ig wan amu ihinig daakkunu aotu! Ig amu hewota, ig hepput, Tabel bekka nug wan amu dilag king daakku.” Ag anam appig.

Aisaia 7:6 Referans Kwoze

Aisaia 7:1

Haen Jotam bekka Ahas, nug am Usia alag, nug Juda dilag king dayeye, Resin, Aram dilag king, amu Remalia bekka Peka, Israel dilag king ele, aa Jerusalem teya, ban hepiɗ. Aa ban hepiɗ, amge aa aab okkai amu eɗidya aoglahnu elele iitta.

Aisaia 7:5

Aram danab, Israel danab, amu Remalia bekka Peka ele ag nau heppeg, ag Juda ag nauhkkulagnu nai qakkan inam appig.

Aisaia 7:7

⌊Aram danab, Israel ele ag nau anam hekkulagnu dabmenan appig⌋ amunu, Naɗi Yawe Nug inam awa atte. “Aram, Israel ele ag keeke hekkulagnu dabmenan appig amu, keeke amu ii bema. Ag anam ii hemana.

1 King 12:16

Aria, Rehoboam nug anam a, Israel danab ah oh, ⌊amuam Israel dilag huu okkai laa oh, Juda, Benyamin aakkuib iitta⌋, ag aakku dooppig, king bau amu nug nai ahilag dookkunu uuom. Ag anam dooppig amunu, ag king amegppa inam appig. “Ig Israel laa oh, ig Dawit ele laippu iitta. Ao, ig Jesi bekka Dawit, ig nug buɗub iitta. Anam amunu, ig Israel danab, ig oh eɗut, aabppa gotu. Ao, Dawit bekkod ag akka nug gumanna dayeg!” Israel ag anam anana, ag oh qatin, appalagppa ukkadppig.

2 King 11:2

Amge ag laippu ii qeppig. Atalia nug he, laa ag oh Juda dilag king ele tiig laippu aqappeg mauhkkulagnu heegeg, King Jehoram aɗeg laa Jehoseba, nug Ahasia ele aa am eappinag, nug Ahasia bekka Joas lokkuma awa, nug ah Joas gumom ele, Atalia nid amu qeeb mauhmanu, nug niiaknu oo laappa lokkumate, ag nug qeeg ii mauhom.

2 Stori 13:8

Anam amu, gemu ag Yawenu wan, Dawit buɗub gumatte ele, ag wan amu ele ban hekkulagnu dabmetteb. Am genab, ag daup huanak daatteb, amu ag makau gaiɗ dottolah golppa hak, Jeroboam ahilag kayak daaglahnu heum ele amu, ag amu ele.

2 Stori 21:7

Jehoram nug anam heum, amge Yawe Nug Dawit ele nug tituanya, nai qagapiɗ amu, Yawe Nug nai amu dabmaama, nug Dawit buɗub heeb iitta mekkulagnu, Nug amu hekkunu uuom. Nug haen oh Dawit buɗubppan danab laa king daakkunu nai ana qakkom amunu, Nug anam heum.

2 Stori 28:5

Nug eheɗ anam heum amunu, Yawe, nuhig Kayak, Nug he, Aram dilag king uɗia, nug eɗittom. Aram dilag daup ag Juda eɗadna, ag danab ah kuɗum aɗualatteg daaeg, ag diin Damaskus goppig. Amu laa, Yawe Nug he, Israel dilag king nug nuhikkud daup ele ag uɗieg, Juda ele ban hena, ag Juda eɗadna, daup kuɗum aqaeg mauhppig.

Sam 21:11

Amu nahipad kekeɗ ag ib digdigppa eheɗ nau heidkkulagnu maidkkulag. Ao, ag anam maidkkulag, amge dabmak nau ahilag amu meu ii oma.

Sam 83:3

Ag nahipad danab ah guittak mattaglagnu lokkumakppa kobol nau haknu maittak aotteb. Ag danab laa nug doɗ aokkunu atognoa auta awa, pelem mette bia hetteb. Ao, ag danab ah nahipad, na danab ah amu dilagnu oot mauhtte ele amu, ag amu dilagnu eheɗ hattaglagnu maittak aon dabmetteb.

Prowerb 19:21

Danab ag keeke laala haknu maittak digdig kuɗum aotteb; amge Yawe Nug aɗi bekkunu oo daatte ele amu, gog takppa amuib aakku bette.

Aisaia 8:6

“Danab ah imu ag da geɗilna, ag King Resin, Israel dilag king, Remalia bekka Pekanu, ele baɗan, ⌊ag da ehanadkkulnu oɗ ii meɗan, ag Asiria dilag king ehanadkkunu oɗ medappig⌋