Aisaia 7:3 - Nobonob Baibel

³ Ag anam heegeg, Yawe Nug Aisaia amegppa inam aum. “Na bekkat Searjasup aoppe goya, aa King Ahas antteɗ! Anidkkulahnu amu aa goya, le laa onig ‘Le Gottu Attan,’ atteb, aa le aben amunu gappad naɗi batakppa, aben amuam ib okkai lamen hetteb guguittak, aa goya, aben amuppa teya, king anidkkulah.

Aisaia 7:3 Referans Kwoze

Aisaia 36:2

Asiria dilag king nug eɗatta haaha, Lakis appa ban haaha, nug he, nuhig ban daup ikki banppa o ban guguittakppa daatte, ban daup ameg naɗi ele ag Lakisnu ahan, King Hesekaia gumidna, Jerusalem goppig. Ag gona, Jerusalem gukkuidna tena daappig. Ag tena daappigppa am le ippu laa dayom. Le am le ameg nakok attannu le ippu amuppa noa, aab ooppa ukkom. Appa laa ag lamen hekkulagnu henana, lamen tatam ihona heppig amu, ag appa ihappig. Ban daup ikki, daup ele ag ib aben amuppa gotte ele, ag ib amuppa daappig.

2 King 18:17

Hesekaia anam heum, Asiria dilag king Senakerip nug silwa, gol ele amu awom, amge nug ⌊Juda uuatta ii ukka, nug⌋ he, nuhig ban daup ikki anuqaknab, nuhig ban daup ikki anuqak, nuhig ban daup ikki banppa o ban guguittakppa daatte, aria ban daup ameg naɗi ele ag Lakisnu ahan, King Hesekaia gumidna, Jerusalem goppig. Ag gona, Jerusalem gukkuidna tena daappig. Ag tena daappigppa am le ippu laa dayom. Le am, le ameg nakok attannu, le ippu amuppa noa, aab ooppa ukkom. Appa laa ag lamen hekkulagnu henana, lamen tatam ihona heppig amu, ag appa ihappig.

Rom 9:27

Aria, Aisaia nug Israel dilagnu Kayak naippa inam yom daatte. “Israel danab ag yu ihippa, abuɗ niitte bia, ebqak ahilag anam daaglagtai, amge Kayak Nug geha ebqak honapib, oɗo yaak daaglag, Nug agib eɗua diikku.

Aisaia 6:13

Am danab ah laib laib laa wan imuppa daaglag, amge da baula heppi, wan imu eɗua baula nauhaknab daakku. Amge amu dimugppa danab ah dahilad oppiaawak ele laippu laippunab, ag ad laa oeg qiiom, diig daatte, ag amubia daaglag. Ag ad terebint laa, o ad ok laa ele oeg, diig dayaya, ita bette amu, danab ah dahilad ag amubia hekkulag,” awa aum.

Jeremaia 22:1

Amu Yawe Nug da Jeremaia, Nug da amelppa inam aum. “Na ahan, Juda dilag kingnu lag enanagnab, na appa nona, nai imu appe doyeg!

Aisaia 55:7

Nau hak danab nug hak nau nuhig uuaɗ! Ao, eheɗ hak danab nug dabmak dubuttid ele nuhig uuaɗ! Nug eɗua, Kayak waappa daakkunu anam hekku amu, Yawe Nug nuhignu oo gai-iitta doya oo metta ehanidkku. Ao, danab anam hekku, ihinig Kayak Nug nuhig hipunin genab uhuqa medakku amunu, nau hak danab nug eɗua, Kayak waappa daakkunu anam haɗ!

Aisaia 10:21

Amu danab ah oɗo yaak daaglag amu, ag eɗun uɗiglag. Ao, Jakop buɗub oɗo yaak daaglag amu, ag geha ⌊oolag eɗueb daanna,⌋ ag eɗun, ahilag Kayak Ɠagattag Okkai Ele, ag Nug waappa daaglag.

2 King 20:20

Amu keeke kuɗum laa ele King Hesekaia heum, amuam uɗat ɠagattag oh Hesekaia heum, le ippu elab wan ooppa he uɗie, le Jerusalem uɗitte, aria laa am nug le moɗ le ukka amuppa noa daakkunu heum amu, kaya amuam ag buk laappa, buk amu onig am, Juda Dilag Kingnu Kaya, ag buk amuppa yaappig daatte.

Eksodas 7:15

Butti buttua geha Paro nug le Nil amuppa gokku amunu, na dudqak hokkat, mat eɗuom ele amu, na amu aon, Paro uɗa tekkutnu na gona, le daugppa nug ameg mekkut.

Nehemaia 3:16

Nug babaittom, amuppanu amu, Asbuk bekka Nehemaia, nug tuɗitta, aɗ laih amu eɗua babaittom. Nug babaitte ukke ukke, kingnu boumak abenppa wanak babaittom. Aben amuppa amu le gottu laa, danab eppelagppa buuppig ele daye, lag onig Danab Okkai Okkai Elenu Lag, lag amu aben amuppa ele dayom. Nehemaia nug aben aab Betsur daatte, nug amu dilag okkai.

2 King 16:1

Remalia bekka Peka nug Israel dilag king dayaya, nuhig king dayaknu maɗ 17ppa Jotam bekka Ahas nug Juda dilag king ba dayom.