Aisaia 7:1 - Nobonob Baibel

¹ Haen Jotam bekka Ahas, nug am Usia alag, nug Juda dilag king dayeye, Resin, Aram dilag king, amu Remalia bekka Peka, Israel dilag king ele, aa Jerusalem teya, ban hepiɗ. Aa ban hepiɗ, amge aa aab okkai amu eɗidya aoglahnu elele iitta.

Aisaia 7:1 Referans Kwoze

2 King 15:37

Haen Jotam nug king dayeye, Yawe Nug Aram dilag king Resin, am Remalia bekka Peka, Israel dilag king ele uuate, aa ahilti ban danab ele ag gona digmena, Juda ele ban heppig.

2 King 16:1

Remalia bekka Peka nug Israel dilag king dayaya, nuhig king dayaknu maɗ 17ppa Jotam bekka Ahas nug Juda dilag king ba dayom.

Aisaia 8:6

“Danab ah imu ag da geɗilna, ag King Resin, Israel dilag king, Remalia bekka Pekanu, ele baɗan, ⌊ag da ehanadkkulnu oɗ ii meɗan, ag Asiria dilag king ehanadkkunu oɗ medappig⌋

Aisaia 1:1

Juda dilag king Usia, Jotam, Ahas, Hesekaia ele ag haen anen anen king daaegeg, Yawe Nug Juda danab ah oh, laa Jerusalemnu, laa Juda wanppa laih laihnu amu, Nug amu dilagppa aɗi bekkunu Amos bekka Aisaia miagib ippunittom amu, amunu nai am iikku.

2 King 15:25

Amu Pekahianu ban daup ikki laa, Remalia bekka onig Peka, nug Pekahia qeeb mauhkkunu dabmak awa, nug Gileat danab 50 laa diia, nug ag ele gona, Samaria appa Pekahia nug kingnu lag enanagnabnu laih aɗ ɠagattagnab ele, nug amuppa noa dayeye, aben amuppa nona qeeg mauhe, ag Argob, am Arie ele oh aqatona, Peka nug Pekahia abenabppa king ba dayom.

2 King 15:27

Usia nug Juda dilag king dayaya, nuhig king dayaknu maɗ 52ppa am Remalia bekka Peka nug Israel dilag king ba dayom. Nug king ba, nug maɗ 20 Samaria appa king dayom.

2 King 16:5

Aria, Aram dilag king Resin, amu Remalia bekka Peka, Israel dilag king ele aa ahilti ban danab diieh gona, ag Jerusalem oo mattan aqaknu maadna daappig, amge ag Ahas, nuhikkud ban danab ele eɗadkkulagnu elele iitta.

Aisaia 9:11

Anam amunu, Yawe Nug ⌊Israel dilagnu oo nauheb⌋ heeb, kekeɗ ag Israel aqaglagnu uɗiglag. Nug heeb, ahilag kekeɗ ag ahan uɗiglag.

Esekiel 27:16

Aram danab ag nahip keeke digdig aoglagnu ag men tekois, lamen perpel, lamen kobol kobol koitak ele, linen hakkab, men maal enanag, amu men rubi ele aon, amuppa nahip keeke daden meppig.

Hosea 1:1

Yawe Nug Beri bekka Hosea amegppa nai imu, Usia, Jotam, Ahas, Hesekaia ele, ag Juda dilag king baadna daaeg ukkom, aria Jehoas bekka Jeroboam nug Israel dilag king ba dayeye, haen amuppa Hosea nug nai imu mattiom.

Maika 1:1

Juda wanppa, haen Jotam, Ahas, Hesekaia ele ag king daappig, haen ag king daappigppa Yawe Nug Maika, Moreset ted, Nug nug nai imu mettom. Maika nug Samaria, Jerusalem ele dilahnu tulegleg imu anttom.