Aisaia 66:1 - Nobonob Baibel

¹ Yawe Nug atte. “Hab aab am sia king dahil, wan am da bael maknu balal nakok daatte. Anam daatte amunu, ag lag laa, da aguppa daakkulnu hekkulagnu elelete? Ag aben laa da aguppa hik awe daakkulnu hekkulagnu elelete? Iitta.

Aisaia 66:1 Referans Kwoze

Aposel 17:24

Pol nug anam ana, nug tuɗitta aum. “Amu Kayak Nug wan imu ha, keeke oh wanppa daatteb, laa ig anadttem, laa ig ii anadttem ele amu, Nug heum. Kayak amu Nug habnu, wannu ele Naɗi daatte amunu, Nug mettid lag, danab eppelagppa hetteb, amu ooppa, Nug ii daatte.

1 King 8:27

Solomon nug anam unuqitta mala, nug tuɗitta inam ele unuqittom. “Amge, O Kayak, na am genab nena, wan imuppa daakkut-te? Hab, hab waappa, hab attan ukke ukke, adekku batatte, aben amu ohppa aben laa, na amuppaib daakkutnu elele laa iinab daatte amunu, nahip mettid lag da hemi imu am, nahipnu elelete? Am iittanab iitta.

Sam 132:7

Anidta ig ikka ikka nug amegppa amut. “Ahappeg, ig Yawe daatte, ig aben amuppa gota daatu! Ao, ig Nug noobppa dup nota binag metata daatu!” aot amut.

Sam 11:4

Yawe Nug nuhig mettid lag nuhignu tituanak daatte, Nug amuppa daatte. Ao, Yawe Nug hab attan sia king nuhigppa gumak haaha daatte. Nug keeke oh dabmetta autanab aotte. Nug wanppan danab ah ohnab epeɗiadtte.

2 Stori 6:18

Solomon nug anam unuqitta mala, nug tuɗitta inam ele unuqittom. “Amge O Kayak, na am genab nena, wan imuppa danab ele daakkut-te? Hab, hab waappa, hab attan ukke ukke, adekku batatte, aben amu ohppa aben laa, na amuppaib daakkutnu elele laa iinab daatte amunu, nahip mettid lag da hemi imuam nahipnu elelete? Am iittanab iitta.

1 Stori 28:2

Nug ag onilagppa e uɗin, qagmen daaegeg, King Dawit nug hibaitta dayaya, nug ag amelagppa aum. “O lailad, dahilad danab, ag dahil nai doyeg! Da oolppa lag laa, Yawenu Tituanak Nainu Kunup kontrak inak ele aguppa daakkunu, Yawe, ihinig Kayak, Nug ele aguppa daakkunu buukkulnu ool okkainab dayom. Da lag amu hekkulnu dottog hein, keeke ele qagmemi.

Sam 99:9

Ag Yawe, ihinig Kayak, ag Nug humidna, nuhig qauko, qauko amuam nuhignu tituanak daatte amu, ag amuppa Nug noobppa dup nona binag meig! Aɗinu? Yawe, ihinig Kayak, Nug am oppiaawak!

Matyu 24:2

Anam aeg amu Jesus Nug oɗelagppa awa aum. “Ag keeke amu oh anidtteb, amge da genab ag amelagppa attem, men imu laa ag loppaɗppeg, nena qena, laa nug laa qaɗeppa iinab daama. Ohnab loppaɗppeg, honap nena qekkulag,” awa aum.

Malakai 1:11

Aɗinu? ⌊Da ahilag mana mettak ii aopanu uug laa ii doottem.⌋ Aam bedeppan ukka aam nodeppa da onil am binag ele daakku. Da onil am binag ele daakku amunu, danab ah ag kalu danab ile muttuɗig enanag bette, amu doɗ tutukku ele manan, da meɗaglag,” Yawe Nukka Ɠagattag Oh Ele Nug anam atte.

Matyu 12:6

Amu da ag amelagppa attem. Da Kayaknu mettid lag eɗittak daattem.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Jeremaia 23:24

Da aben ohppa daattem amunu, danab laa da nug anidpanu aben lokkumakppa nug nugakka appa lokkumidkkunu elele iitta. Da hab attan, wanppa ele, da appa ana aben ohppa daattem.

2 Stori 2:5

Nuhig mettid lag, da hekkul amu, amuam lag okkai, naɗinab daakku. Aɗinu? Ihinig Kayak Nug kayak laa oh eɗattak daatte.

Aisaia 60:13

Danab ag Lebanon binag aon uɗin, ag mattaglag. Amuam ad pain, ad fir, ad saiprus ele. Ag ad amu dahil lag neekkak enanag daakkunu aon uɗiglag. Ag aon uɗin, dahil lag, da aguppa daattem ele amu, da heppi, laa ag ad amuppa heppeg, dahil mettid lag am neekkaknu enanag daakku.