Aisaia 64:9 - Nobonob Baibel

⁹ O Yawe na oo nauhak okkainab, melemel elele iittappa doomnanu, na hanhan hipunin ihinig dabmenan oimnanu oɗ medattem. O Yawe, ig am nahipad danab ah daattem amunu, na dabmegakkutnu unuqidttem.

Aisaia 64:9 Referans Kwoze

Sam 79:13

Ig nahipad danab ah ig am sipsip nahip dadppa gikkiɗah latteb bia daattem amu, na anam heppe, ig na amenppa, “Ena hen mekkame,” hanhan akkunig. Ao, menuattak huu laippu bia anen anen ag na aɗi heme doona, ag na binan mekkulag.

Revelesen 20:10

Amu ouɗi nau danab amu buppualattom ele, amuam Satan, ag nug aab ameg kalu laa huana eotte onig salpa eotteppa buɗieg, propet hambuppuak, doɗ dakkuɗ ele daattep-ppa noum. Ag hanhannab tuqan amun ele guittak nau doonna daaglag.

2 Pita 2:17

Aria, hambuppuak ippunittak danab amu ag am lenag qaɗaiedappig bia; ag am bud ulah iwalatte gotteb bia ele amunu Kayak Nug aben gatatu teppu naunab ele ahilagnu babaittom daatte.

Malakai 1:4

Esau buɗub, ag Edom wanppa daatteb, ag inam akkulagtai, “Kayak Nug ihinig wan he nauhom, amge ig nauhom am baula buugnig.” Ag anam akkulagtai, amge Yawe Nukka Ɠagattag Oh Ele Nug inam atte. “Ag ahilag wan heppeg ena daakkunu hekkulagtai, amge da eɗue loppaɗppi nekku! Da anam heppi, laa ag ahilag wan, ag amunu, nau hak danab ah dilag wan, anana, ag Esau buɗub dilagnu ele, danab ah Yawe Nug ahilagnu hanhan oppoɗi bak dootte, akkulag,” awa atte.

Habakuk 3:2

O Yawe, da na onin, binan okkai elenu nai doomi. Ao, O Yawe, nahip haknu amu, da dabmein, da ebehil oh bodoetta le mette. Da na nahip hak okkai baula gemu hekkutnu oɗ medattem. Ao, na ihinig haenppa nahip ɠagattag hak baula ippunigkkutnu oɗ medattem. O Yawe, na ihinignu oppoɗin beum daatte, amge na oppoɗin anam dayeye, na oo gai-iitta doya oo metta ehanittak kobol ele dabmekkutnu oɗ medattem.

Gayak Nai 5:20

O Yawe, na ihinignu daut atie uɗie, gemu ele anamib amunu, na haen elab anam ihinignu daun atiom daattemnu diig appe dookkulnu ool daatte. Ge, na uuigna piɗe oiyeye uɗie, gemu ele anamib amunu, na haen elab uuigna oittemnu diig appe dookkulnu ool daatte.

Jeremaia 10:24

O Yawe, na dahil eheɗ hak anidna, da padal mepanu na nai doya mala hettoɗia epeɗia elele mettak kobol aakkuib dim lamidna, bu meɗakkutnu oɗ medattem. Na oot nauheb, bu meɗamnanu unuqidttem.

Jeremaia 3:12

Amunu, Jeremaia, na yawalti uɗitteppanu neegna, dahil nai imu Israel dilagppa appe doyeg! Yawe Nug inam atte. ‘Israel, ag da dimeɗona kayak hambuppuak laala dim lamattegeg uɗie, gemu ele hetteb amu, ag eɗun, da Yawe, ag dahilppa uɗieg! Aɗinu? Da laa dilagnu oo gai-iitta doya, oo metta ehanattaknu diig daattem amunu, da tuɗitten, ahilagnu oo nauhak ii doopa. Da hanhan ahilagnu oo nauhak ii doopa.’ Da Yawe, da anam aakku attem.

Aisaia 63:19

Ig danab ah na deɗ laa ig ii gumigme bia bemut daattem. Ao, ig danab ah ag na onin waappa deɗ laa ii daappig, ig amubia daattem.

Aisaia 60:10

Amu Yawe Nug atte. “⌊Haen amuppa⌋ wan laihnu danab ag Jerusalemnu aɗ eɗun bappaidkkulag. Amu wan laappan danab dilag king ag, ag Juda danab ah dilag maɗi nid bia daaglag. ⌊Keeke aɗit amu bekkulah,⌋ amunu diig am, ag Juda danab ah ag hipunin heeg, da ool nauhom amunu, da ag bu madakkul, amge da ag ool matte, da ii helom bia me, da ag ehanadkkul.

Aisaia 57:17

Da dahilad danab ag baubau awaknu hik aqeeqe eheɗ heppig amunu, da oppoɗil eheɗ beum. Da amu antten, da oo nauhak doyeye, da bu matten, dimattami. Da amu hemi, amge ag doonna, tuɗidna eheɗ heppig.

Aisaia 43:25

⌊Ag hipunin henana, padal mekkulagnu elele,⌋ amge da, da Yawe, da diilnu dabmak anuqak awewe, da ahilag hipunin uhuqen madattem. Da ahilag hipunin uhuqen matten, da daul atie, baula dab-ii-mettem.

Sam 119:94

Da am nahip. Na da ehaniɗppe ii padal mepanu oɗ medattem! Aɗinu? Da nahip oo yaak nai ɗo bia, da nai amu atognoin dim lamidmi.

Sam 38:1

O Yawe, na oot nauhebeb, daul ii batamnanu unuqidttem. Ao, na oppoɗin beeb, na toliɗna, bu ii meɗamnanu oɗ medattem.

Sam 6:1

O Yawe, na oot nauhebeb, daul ii batamnanu unuqidttem. Ao, na oppoɗin beeb, na toliɗna, bu ii meɗamnanu oɗ medattem.

Aisaia 63:8

Yawe Nug nuhikkud danab ah dilagnu, Nug aum. “Genab, danab ah imuam dahilad. Ag am da bekkalad, ag da ii buppuiɗmana,” awa aum. Nug anam aum amunu, Nug ahilag Padal ii maknu ehanittak beum.

Jeremaia 44:21

“Anukka ag mamelkad aɗi, ahilkad king, ahilkad ehanittak anuqak danab laa, ag gemu ippa Isip daatteb, amu Juda danab ah laa oh ele ag anukka Juda wanppa daanna, ag Judanu aabppa, Jerusalem aabppa ele ag kalu danab ile muttuɗig enanag bette ele aon manan, kayak hambuppuak madappig amu, Yawe Nug amu anttom ag iite dootteb? Nug amu antta amunu, dabmaama, dabmakppa iite meum.

Gayak Nai 5:22

Aɗinu? Antte! Na ig uuigna aut autnanab aome. Ge, na oo nauhak huanaknab ihinignu doome.

Esekiel 29:16

Da amu heppi, Israel ag baula Isip ag ehanadkkulagnu ii dabmemana. Ag Isip appanu ehanittak aoglagnu ii dabmekkulag, amge ag Isip ɠagattag iitta anidnana, ag anukka hipunin hena, da uuiɗna, Isip appa ehanittak aoglagnu dabmeppig amu, ag amu dabmenana, ag, ‘Ig kobol amuppa hipunin hemut,’ doon oiglag. Keeke amu oh anam beeb amu, ag dooglag, da am Naɗi Yawe.” Yawe Nug anam atte.

Lewitikas 26:31

Da heppi, ahilag aab okkai am nauhak daappeg, dup noa binag mak aben oh loppaɗppi neeb, ahilag mana mettaknu amu, da ool iinab hema. Mana mettak amunu muttuɗignu amu, da ool enanagnab doolo, amge da anam ii doopa.

2 King 25:9

Nug ba he, Babilon dilag daup ag Yawenu mettid lag, kingnu lag enanagnab, amu danab ah onilag ele, nug ag laulkad oh ele Jerusalem appa manatteg eoppig.

Aisaia 63:18

Haen tutuib ig nahip aben nahipnu tituanak daatte gumamut Ao, ig gumamut, amge gemu amu, kekeɗ ihinig ag nahip mettid lag heeg nauhom.

Gayak Nai 2:7

Naɗi Nug qaɗab, Juda danab ah appa doɗ main, Nug medappig ele, Nug qaɗab amu geɗittom; Nug nuhig mettid lag uua, Nug appa ii daatte. Nug he, king laulkad enanagnab ag kekeɗ eppelagppa daatteb. Kekeɗ ag Yawe laugppa tena, muttub qeeg, oqotti oum; oqotti amuam hobul dayaknu haen epeɗiak, Yawe Nug Israel amuppa daaglagnu aum, hobul amuppa danab ah ag huan etteb ele amu, oqotti amuam amubia dayom.