Aisaia 64:6 - Nobonob Baibel

⁶ Ig oh am oonigppa dubuttid ele na noomppa bemut daattem Keeke oh ig hetata, ihinig dabmakppa, ig kobol amunu am genab tutukku hak kobol doottem ele, keeke amu oh am lamen qatti dubuttid naunab ele bia na amenppa anidttem. Ig am ad uɗug mauɗna qaɗaiedatteb bia hettem. Ao, ulah ad uɗug bunaɗak iwale gotte, amubia hipunin ihinig he, ig iitta mettem.

Aisaia 64:6 Referans Kwoze

Rom 7:18

Amu da doottem, da oolppa am keeke ena laa iinab daatte. Amuam da ool alagnu attem. Amu genab, da kobol ena hekkulnu ool hette, amge da hekkulnu elele iitta.

Rom 7:24

Gadonnab! Da qagaiettaknab daattem! Da dakka dabmak dahilppa Kayaknu ɗo waappa daattem, amge ool alagppa amu, da hipuninnu ɗo waappa daattem. Aun nug da ehaniɗeb, da baula hipuninnu ɗo, nug he da mauhttem ele amu, da nug waappa ii daapa? Amu da Kayak amegppa, “Ena heme,” awe attem. Aɗinu? Jesus Kristus, ihinig Naɗi, nuhigppa da uhuqak ena aomi daattem.

Sekaraia 3:3

Amu Josua, nug engel noobppa, nuhig lamen am dubuttid nau ele dayom,

Aisaia 53:6

Ig danab ah oh ig sipsip matatun gona, padal metteb, ig amubia ib apiɗidta, matatut gomut. Ao, ig anen anen oh ig ihinig dabmak dim lamidkkunignu hemut. Ge, ig anam hemut, amu Yawe Nug ig danab ah oh, ihinig hipunin amu, Nug nuhig maɗi nid, nug amu maokkunu nuhigppa meum.

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.

Job 25:4

Kayak Nug okkainab anam daatte amunu, ig danab ah oh, ig oonigppanu laa nug Kayaknu neekkakppa, nug genab tutukku hak danab daakkunu elelete? Ge, laa ah ooppanu doum ele, nug Kayaknu neekkakppa ooppa oppiak ele daakkunu elelete?

Job 14:4

Danab laa nug heeb, keeke dubuttid ele eɗua, oppiak ele daakkun elelete? Iitta!

Aisaia 46:12

Da anam hettem amunu, ag danab ah ahilag dabmak ɠagattag eppom, ag genab tutukku hak kobol ii dim lamidtteb ele amu, ag dahil nai doyeg!

Sam 51:5

Antte! Anai menuiɗom, haen amuppa da hipunin danab daami. Ge, anai ooppa nid bekkulnu meul oum, haen amuppa da hipunin danab daami.

Revelesen 7:13

Aon aeg amu ikki danab laa oɗ meɗom. “Lamen elab hakkab meppig imu amu, ag am aun aɗi? Ag adeppanu uɗippig?” awa oɗ meɗom.

Aisaia 6:5

Amu oh be, da inam emi. “Dahilnu am gadonnab gadon! Da aakku nauhmi daattem! Aɗinu? Da am danab oppiak ele iitta, amu danab ah da ag oolagppa daattem ele, ag am danab ah oppiak ele iitta, amge da king, Nug Yawe Nukka Ɠagattag Oh Ele, da Nug anidmi,” awe emi.

Hosea 4:19

Am ag anam hetteb amunu, ag geha kilibob ɠagattag keeke diia, laih gotte, amubia ag nauhkkulag. Ao, ag kayak hambuppuak dottolkad dilagnu mana mettak hetteb amunu, ag uɗa nak aoglag.” Yawe Nug anam atte.

Aisaia 48:1

Ag Juda, ag ahilag nai ɠagattag qettaglagnu henana, ag Yawe onigppa ɠagattag qedatteb. Ao, ag ahilag nai ɠagattag qettaglagnu henana, ag Israel dilag Kayak onigppa hetteb. Ag amu hetteb, amge ag doyak diig genabib, ag amuppa ii hetteb. Ge! Ag kobol genab tutukkuppa ii hetteb. Amu ag Jerusalem, aab amuam Yawenu tituanak daatte amu, ag aab amunu, “Am ihinig aab okkai,” atteb. Ag anam anana, ag Yawe Nukka Ɠagattag Oh Ele, ag nuhig ehanittakppa ena oittebnu ele atteb. Ag amu hetteb, amge O Jakop buɗub, laa ahilagnu Israel atteb amu, ag doyeg! Ao, ag Jakop buɗub, ag alalag Juda amu, ag doyeg!

Sam 1:4

Amge nau hak danab amu, ag anam iitta. Ag am ee aeg dappunkkeg ulah iwalatta diia, umanab gotte bia daatteb.

Job 40:4

“Da keeke hamu. Da nob na medakkulnu elele iitta. Da oɗel qamut-ttem.

Aisaia 1:30

Ag ad ok uɗug bunaɗna netteb, ag amubia iitta mekkulag. Ag danab ee eppaeg, aam haenppa bunaɗtte, amubia ag anam qettoɗkkulag.

Aisaia 50:1

Yawe Nug atte. “Danab laa nug wau nuhigppa eheɗ heum doya he, aha gotte amu, da amubia hemi amunu, ag gona, wan laappa maɗi nid daattebte? Iitta! O iitta, danab laa nug laa eppegppanu lon awa, eɗua medakkunu elele iitta amunu, lon mameg nug danab lon awom wau, bekkod ele laanu maɗi nid daaglagnu me, daden mette ele amu, da anam bia hemi amunu, laa ag Juda, ag ag diiadna goppigte? Iitta! Amu ohnu am iittanab iitta! Ag hipunin heppig amunu, ag laa eppegppa daatteb. Ag hipunin heppig amunu, ag gona, diia ukka laih me dayak danab ah wan laappa daatteb.

Lewitikas 13:12

Amu mana mettak danab nug laa pehetta itala, beɗu oh nug anidtte ele, igippan bata noa, baegppa noak gaɗappa oɗe beɗu oh tonatte anidkku dayeb,

2 Samuel 22:46

Wan laappan danab amu ag ɠagattag ii doon hetteb. Ao ag hahaɗnana, ban hekkulagnu aben ɠagattagppanu dimittim uɗitteb.

Sam 14:4

Amu Yawe Nug oɗ mette. “Danab ag kobol nau hetteb, danab ag laa bret latte, amubia ag danab dahilad hattaeg nauhtteb, danab ah ag da Yawe ii unuqiɗtteb ele amu, danab amu ag da ag bu madakkulnu iite dabmetteb?” awa oɗ mette.

Aisaia 1:28

Amge hipunin danab, danab ah ag Yawe waappa dayaknu uun, nuhig nai tappaeg nette ele amu, Yawe Nug hatteb, padal mekkulag. Yo, aun aɗi ag Yawe uun dimedatteb, geha ag mauhkkulag.

Aisaia 8:17

Yawe, Nug gemu Jakop buɗub dimattowa, ii ehanadtte ele amu, da Nug ameg mebippi, ⌊Nug keeke oh hekkunu aum amu hekku⌋. Da Yawe, nuhignu oolppa genab dookkul.

Aisaia 43:22

Da hei, ag Israel ag huu anam daatteb, amge ag Israel, ag Jakop buɗub amu, ag da onilppa ii eppig. Ao, ag Israel buɗub, ag hik aqeeqe, da ii dim lamiɗppig.

Aisaia 50:2

Da uɗien, ag onilagppa emi, amge ag oolagppan laa nug nai dahil ii awom. Ao, da ag onilagppa emi, amge laa nug nob laa ii meɗom. Dahil ɠagattag tutu meum amunu, da ag qagaiettakppanu ehanittak okkaippa uhuqadkkulnu elele iittate? Iitta! Ge, da ɠagattag iitta amunu da ag ehanadppi, ag qagaiettakppa ii daamnanu elele iittate? Iitta. Dahil ɠagattag am elele. Ao, da oɗelppaib nai matti, yu qaɗaiedatte. Da hei, le gottomppa am atu taɗak daatte. Yo, da anam hei, kakai ag mauheg, beɗulag beɗatteb.

Daniel 9:13

Moses ɗoppa yom bianab uug naunab amu oh ihinigppa beum, amge ig na ihinignu oot gai-iitta doon oot mekkan ehanigkkutnu ig ihinig hipunin ii dimettat, ig na Yawe, na ihinig Kayak, ig nahip doyak diig genabib ii dabmetat dim lamidmut.

Hosea 7:7

Ag oh nau hekkulagnu duttunak okkai doon, aab huana ewawa, keeke he iitta mette bia, ag heeg, ahilkad danab okkai ag iitta metteb. Ao, ahilkad king oh ag nena qeegeg, laa nug da ii unuqiɗtte.