Aisaia 64:2 - Nobonob Baibel

² Aab ewewe, ad eppeg naunau genab eotte, o aab ewewe, le genab hipaɗ qette, amubia na heppe, kekeɗ nahipad ag na genab dooidkkulagnu ool daatte. Na anam heppe, nahipad kekeɗ ag hahaɗkkulagnu ool niitte.

Aisaia 64:2 Referans Kwoze

Sam 99:1

Yawe Nug king daatte! Wanppan wan anen anen oh dilag danab ah ag hahaɗeg! Ao, Yawe Nug sia king nuhigppa, engel okkai-kerubim aɗit dottolah gamalahppa daatte! Wan nug uɗalaɗ!

Jeremaia 33:9

Da Israel danab ah dilagppa, Juda danab dilagppa ele anam hewoya, da Jerusalemnu dabmein, da gamag ahak dookkul. Amu wanppan wan ohppan danab ah ag kobol ena ena da Jerusalem appa hekkul anidna, ag onig okkai, binag ele da meɗaglag. Ge, ag da maɗoɗ okkai, enub okkai ele Jerusalem danab ah madakkul anidna, ag dahilnu ebehilag oh bodoetta le meebeb, ag beɗulag hahaɗkku.” Yawe Nug anam atte.

Jeremaia 5:22

Amu Yawe Nug inam ele atte. “Ag Juda, ag dahilnu ebehilag oh bodoetta iite le mekku? Ao ag da noolppa daanna, ag iite baɗamna? Da yu ihippa, yu tom amu eɗidmanu ihi memi. Ao, yu nug tom amu ii eɗidma, gemu, butti aɗi ele tom anamib aakku daakku. Yu duban nug okkai qekku, amge tom amu loppaɗa, tom laappa ii tema. Ge, yu duban am wagainab meebeb, oqotti huanak okku, amge tom amu ii loppaɗma. Iitta.

Aisaia 37:20

Ag kayak hambuppuak amu dilagnu anam heppig amunu, O Yawe, ihinig Kayak, na wan atu ohppan danab ah ag na, O Yawe, na nakka, na Kayak daattem dooglagnu, na ig Asiria dilag king eppegppanu awigppe, ig ena daagnignu od medattem.” Hesekaia nug anam unuqittom.

Sam 46:10

Yawe Nug atte. “Danab ah wanppanu, ag toettan daan, ag imu doyeg! Da am Kayak. Da geha wanppan wan anen anen oh dilag king daakkul. Ao, da geha wan ohnu king daakkul.”

Eksodas 14:4

Nug anam ab, geha da heppi Paronu dabmak aakku ɠagattag eppeb, nug geha eɗua, ag diikkunu dim lamadkku. Amge geha da nug, nuhikkud daup ele eɗatten, geha da amuppa, da binag amahlak oppiaawak ele aokkul. Da amu heppi, Isip ag geha dooglag; da dakkaib, da am Yawe,” awa aum. Aria, Israel ag Yawe aum, ag amu dim lamidna, ag eɗun goppig.

Aisaia 63:12

Laa nug ɠagattag okkai okkainab nuhigppa Moses ehanittom amu, Nug gemu adeppa daatte? Laa Nug danab ah oh nuhig ɠagattag anidna, daulag ii atimanu Nug he, ig memetankad noolagppa yu obata, laih laih gilil bia dayeye, Nug danab ah nuhikkud ib amuppa yu gamagppa omalatta laih ukkom amu, Nug gemu adeppa daatte?” aon oɗ medappig. ⌊Yawe Nug amu oh heum amu,⌋ Nug nuhikkud danab ah omalatta, le gamagppa ib amuppa ugekke, hos nug uɗem gikkiɗahib daatteppa ugakka, na ii qette, amubia ig memetankad ag ib amuppa oippig.

Sam 106:8

Ig alankad ag anam heppig, amge Yawe Nug ag padal memananu ehanadkkunu matu aum amunu, nug anam heum. Nug amu heumnu diig laa am, Nug Nug onignu dabmak anuqak awa, danab ah ag nuhignu nai eheɗ mattinna, “Yawe Nug keeke hekkunu aum, amge Nug ii heum,” amananu heum. Laa am, Nug ɠagattag nuhig attemu ele danab ah ippunadkkunu heum.

Sam 83:13

O dahil Kayak, na heppe, ag gappud kalu ulah iwale gotte bia daaglagnu oɗ medattem. Ao, na heppe, ag ee aeg dappunkkeg, ulah iwale gotte bia daaglagnu unuqidttem.

Sam 79:10

Am danab ah wan imuppan wan anen anennu ag na, ihinig Kayak, ag nahipnu oɗ mena atteb, “Kayak ahilag am adekku?” Ag anam hetteb am ena iitta. Am ig amenigppanab laa ag nahipad maɗi nid aqaeg mauhadppig ele amu, na ag eheɗ heppignu nob tutukku madappe, danab aabaab ohppan ag na amu hettemnu dooglagnu oonig daatte.

Sam 9:20

O Yawe, na heppe, wan imuppan wan ohppan danab ah ag eheɗ nau baɗaglagnu oɗ medattem! Ao, na heppe, ag am danab aakkuib daatteb dooglagnu unuqidttem. Sila.

Duteronomi 2:25

Gemu digmak da heppi, wan ohppan danab ag digmena, baɗak eheɗ nau ele ahilagnu dooglag. Ag aɗi hettebnu doona amu, ag naunab doon, ag baɗak okkai dooglag,” awa aum.

Amos 4:12

Yawe Nug anam ana amu, Nug ele atte. “O Israel danab ah, ag anam aakku heegeg uɗie, gemu ele hetteb amunu, da bu okkai ag madakkul. Ge, da bu okkai madakkul amunu, O Israel danab ah, ag da, da ahilag Kayak, ag da uɗal tekkulagnu babaitteg!” awa atte.

Maika 1:4

Le qaukoppanu huan nette, amubia Yawe Nug qauko igippa oiyeye, qauko ag le mena netteb. Ao, danab uppuh biig aab aɗu guguittak me, laih le me, laih amuam oolnu noak bia daatte, amubia oolnu noak Nug noobppa betteb.

Sekaraia 14:4

Deɗ amuppa nug na, Olipnu Qauko, qauko amu Jerusalemnu kaɗag uɗitteppanu daatte, Nug appa hibaitta dayebeb, qauko amu oppata, laih laih daakku. Qauko oppateb, gamagppa oolnu noak naɗi laa daakku; oolnu noak amuam kaɗag uɗitteppanu digmeeb ukka, qaban uɗitteppanu gokku. Amu bekkunu diig am, qauko laih am ukka, yawalti uɗitteppanu ukkebeb, laih am ukka, yau uɗitteppanu gokku.

Aisaia 28:21

Yawe Nug danab ah bu madakkunu Nug anukka Perasim qaukoppa heum bia hekku. Ao, Nug danab ah bu madakkunu Nug oolnu noak Gibeon, amuppa heum ele, Nug amubia hekku. Nug nuhig uɗat, danab dooglagnu elele iitta ele, Nug nuhig uɗat amu hekku. Ao, Nug uɗat laa, Nug uɗat amu haen kuɗum ii hette ele, Nug amu hekku.