Aisaia 64:10 - Nobonob Baibel

¹⁰ Kekeɗ ag nahipad aab okkai, nahipnu tituanak daatteb, ag amu hatteg nauhppig, atu taɗak bia daatteb. Sion ele anamib. Ge! Ag heeg, Jerusalem am nauhakib dayeye, danab ah appa ii daatteb bia.

Aisaia 64:10 Referans Kwoze

Aisaia 1:7

⌊Nid amubia amu,⌋ wan ahilag am wan hele-ettak daatte. Ao, aab okkai ahilkad amu, aab ewattom daatteb. Ag Israel ag neekkadna daaegeg, kekeɗ ag ban hena, keeke ahilag dad okkaippanu ag akkan, aon gotteb. Wan laappan kekeɗ ag wan laa heeg nauhakib daatteb, amubia ag ahilag heeg nauhe, wan ahilag amuppa keeke laa ii daatte, wan amu hamu daatte.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Maika 3:12

Ag Jerusalem danab okkai, ag nau amu hetteb, ag nai hambuppuak amu ele maditteb amunu, ag beɗulagppa kekeɗ ag heppeg, Sion am datta wan buuak bia daakku. Ao, kekeɗ ag heppeg, Jerusalem am kinipan ameg okkai hume tak bia daakku. Anam amu, Kayaknu mettid lag, amunu tomppan keeke oh ele qauko nakokppa daatte amu, aben amu oh am ad naunau qataiettak bena, wan tonan daaglag.

Daniel 12:7

Laa nug danab lamen linenppa hak takka, le attan dayom anam oɗ mette, nug eppeg naɗiap, naneh ele hume, habppa te, nug Kayak, Nug hanhan daatte, nug Nug onig awa, nuhig nai ɠagattag qetta, nug nai laa a doomi. Nai nug aum am inam. “Haen maha ewam, haen maha laanu maha ele ukkeb, keeke amu oh ba malakku. Danab ah ag Kayaknu oppiaawak ele ag akka ahilagppa ɠagattag laa iitta ele daappeg, haen amuppa keeke amu oh meu okku,” awa aum.

2 King 25:9

Nug ba he, Babilon dilag daup ag Yawenu mettid lag, kingnu lag enanagnab, amu danab ah onilag ele, nug ag laulkad oh ele Jerusalem appa manatteg eoppig.

Luk 21:21

Am haen amuppa laa ag Juda wanppa daatteb, ag oolna qaukoppa ukkeg! Danab Jerusalem ooppa daatteb, ag aab uun laih ukkeg! Danab aab dimittim daatteb, ag eɗun aab ooppa aib noppig.

Aisaia 6:11

Naɗi Nug anam a amu, da Nug inam oɗ mettami. “Naɗi, da anam heppi, haen gane laa ele ukkeb, da batakkul?” ami. Da ai amu, Nug inam da amelppa aum. “Geha aab okkai oh nauhppeg, wan ele nauhppeg, aab, lag ele hamu daappeg, danab ah aab, lag ele amuppa laa ii daappeg, na batakkut.

Aisaia 52:1

Ag Juda danab ah, ag aheg! Ag danab nug niiom aha, bala mette, ag amubia ahan, ɠagattag, lamen bia takkan dayeg! Ao, ag Juda danab ah, ag Yawenu tituanak daatteb amu, ag ahan, ag ah nug aha, lamen enanagnab tagatte bia bala ahilag enanagnab Kayak eppegppanu takkeg! Aɗinu? Danab nau, danab Kayaknu neekkakppa ag oolagppa dubuttid tak ele, ag uɗin, baula eheɗ ii hattamna.

Jeremaia 52:13

Nug ba he, Babilon dilag daup ag Yawenu mettid lag, kingnu lag enanagnab, amu danab ah onilag ele, nug ag laulkad oh ele Jerusalem appa manatteg eoppig.

Gayak Nai 1:10

Kekeɗ ag uɗin, Juda dilag en aon goppig; wanppan wan laala, amuppan danab ag Kayak ii dim lamidtteb ele, ag Yawenu mettid lag ooppa ukkaegeg, Juda danab ah ag amelagppa anadppig. O Kayak, na danab amunu ag na lautppa wana nokkulagnu aib ame; amge ag wana noppig.

1 Stori 23:5

4,000 laa ag lag gumak danab daaglag, amu 4,000 laa ag musik haknu keeke, da ag amu hekkulagnu mattami ele amu, ag keeke amu aɗan, Yawe binag mekkulag,” awa aum.

Aisaia 63:18

Haen tutuib ig nahip aben nahipnu tituanak daatte gumamut Ao, ig gumamut, amge gemu amu, kekeɗ ihinig ag nahip mettid lag heeg nauhom.

Gayak Nai 1:7

Kekeɗ ag Juda danab ah guittak mattaeg, gemu ag wan laalappa daan oinna; ag anukka enaib, enub ele daappignu dabmetteb. Kekeɗ ag eɗadppig haenppa laa ag, ag ehanadkkulagnu laa ii daappig; haen amuppa Juda dilag kekeɗ ag Juda danab ah nauhegeg anadnana, imadppig.

Hagai 2:3

Kayaknu mettid lag anukka dayom amu, laa lag amunu onig, binag amahlak ele anidna dabmenan daattebte? Anam amu, ag gemunu lagnu attem dabmettebte? Ag gemu hetteb am keeke hamu bia iite anidtteb?