Aisaia 64:1 - Nobonob Baibel

¹ O Yawe, qauko ag na noomppa uɗalkkulagnu, nahip kekeɗ ag na onin dooglagnu, wanppan huu anen anen laih laih daatteb ag na noomppa daan hahaɗkkulagnu, na hab matulna nelom am ena.

Aisaia 64:1 Referans Kwoze

Mak 1:10

Laaitta male, Jesus Nug leppanu beebe, hab obate, Kayak Ouɗi Nug uppuɗil beɗulag nakok laabia naana, nuhigppa dayeye anttom.

Revelesen 20:11

Da amu anttena amu, da imu ele anidmi. Da sia king okkainab, hakkab ele, amuppa Kayak Nug heɗep na dayeye anidmi. Wan imu, hab ele nug noobppanu ooleh, aben laa aa daaglahnu ii dayom.

Sam 68:8

Na, na Kayak Sinai appa nahipad danab ah gumadna neme amu, na anam hee, na noomppa wan uɗalom. Ao, na, Israel dilag Kayak, na anam hee, na noomppa gu neum.

Amos 9:13

Amu Yawe Nug inam ele atte. “⌊Israel dilagppa⌋ haen laa uɗitte amu, da heppi, ee aeg ahilag am meu huanaknab okku. Ag ee aeg tuɗidna aonna, ii malappig haenppa, wan buuak haen dokku. Amubia ag keeke tuɗidna eppanna, ii malappig haenppa, grep meu tabappeg, leppu aoglagnu haen dokku. Amu ele, ahilag grep dad am qauko okkai daugppa daan, meu huan okkulag. Ao, grep dad am qauko nakokppa daan, meu huanaknab okkulag.

Aisaia 63:15

O Yawe, na hab attan daattem. Na daattemppa amu, aben amuam oppiaawak ele, am binag amahlak oppiaawak ele. Amu na neegppe neeb, ⌊uug nau digdig ihinigppa bette⌋ anidkkutnu oɗ medattem. Na anukka nahip ɠagattag okkai eleppa ehanigme amu, gemu na anam ehanigkkutnu yag-nab-bak anukka doome bia iitai doottem? Na anukka ihinignu kobol qinonob hak ele, oo bodoetta le mak kobol eleppa ehanigme, amge gemu na anam bia ii hettem.

Eksodas 3:8

da dahilad danab ah ehanatten, ag Isip danab eppelagppa qagaiettak daamnanu, da omalatten goppi, wan okkai laappa gona, aon daaglagnu nemi. Wan amuam enanag, wan ittag ele, amuppa ee meu huan otte. Wan amuppa amu, gemu Kanan danab, Hit danab, Amo danab, Peres danab, Hiwi danab, amu Jebus danab ele daatteb.

Sam 46:6

Wan imuppan wan anen anennu danab ah ag akka akka nug qeegeg, ɗo maɗoɗ laala nena qetteb. Anam, amge Kayak Nug nai maditte, haen amuppa wan baolia le bia daatte.

Eksodas 19:11

ag laatu buttua, ag da noolppa elele daaglagnu babaittak dayeg! Aɗinu? Deɗ amuppa da Yawe, da geha nein, Sinai qaukoppa daappi, danab ah ag da aniɗkkulag.

Amos 9:5

Naɗi, Nug Yawe Nukka Ɠagattag Oh Ele, Nug wan lauɗitte, wan le mette; Nug anam he, wanppan danab ah oh ag mahitteb; Nug he, wan oh am le Nil, amuam Isipnu le okkai, am titiɗa ba, eɗua hiɗatte, amubia hetteb.

Aisaia 41:15

Amu Yawe Nug imu ele atte. “Antteg! Da heppi, ag Israel ag ahilkad kekeɗ eɗadna autna aoglag. Ag danab nug ee aeg mumuɗaknu keeke palang otala okkaippa hak uɗat amu haaha, nug ee aeg qagmak okkai okkai, qauko bia ha malatte, amubia ag kekeɗ eɗadkkulag. Ag heppeg, ahilkad kekeɗ ag nauhna autna aoglag.

Aisaia 63:19

Ig danab ah na deɗ laa ig ii gumigme bia bemut daattem. Ao, ig danab ah ag na onin waappa deɗ laa ii daappig, ig amubia daattem.

Sekaraia 14:4

Deɗ amuppa nug na, Olipnu Qauko, qauko amu Jerusalemnu kaɗag uɗitteppanu daatte, Nug appa hibaitta dayebeb, qauko amu oppata, laih laih daakku. Qauko oppateb, gamagppa oolnu noak naɗi laa daakku; oolnu noak amuam kaɗag uɗitteppanu digmeeb ukka, qaban uɗitteppanu gokku. Amu bekkunu diig am, qauko laih am ukka, yawalti uɗitteppanu ukkebeb, laih am ukka, yau uɗitteppanu gokku.

Sam 79:10

Am danab ah wan imuppan wan anen anennu ag na, ihinig Kayak, ag nahipnu oɗ mena atteb, “Kayak ahilag am adekku?” Ag anam hetteb am ena iitta. Am ig amenigppanab laa ag nahipad maɗi nid aqaeg mauhadppig ele amu, na ag eheɗ heppignu nob tutukku madappe, danab aabaab ohppan ag na amu hettemnu dooglagnu oonig daatte.