Aisaia 61:10 - Nobonob Baibel

¹⁰ Da padal mepanu Yawe Nug ehaniɗom, amuam Nug lamen ena da beɗulppa melo, amubia daatte. Ge! Kayak he, da genab tutukku hak danab daattem, amuam Nug lamen elab enanag da beɗulppa melo, amubia daatte. Nug anam heum amunu, da nuhignu enanagnab doottem. Ge! Da nuhignu oo gamag ahak okkai doottem. Lamen Nug dahilppa meum amu, amuam danab nug ah aokkunu haaha, nug igippa lamen enanag, mana mettak danab mette bia mette amu, lamen dahilppa meum am amubia. Yo, ah nug danab aokkunu haaha, nug bala enanag beɗuppa mette amu, lamen dahilppa meum am amubia.

Aisaia 61:10 Referans Kwoze

Sam 132:9

O Yawe, na mana mettak danab ehanadppeppe, ag kobol genab tutukkuib hekkulagnu oɗ medattem. Ao, nahipad danab ah ag nahipnu oo metta ii uuak kobol dim lamidtteb ele, ag gamag ahak doon, ahi ettaglagnu unuqidttem.” Ig anam amut.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Rom 5:11

Amuib iitta, ihinig Naɗi Jesus Kristus Nug he, ig Kayak ele oonig laippu ele daattem amunu, uɗat nuhig amuppa gemu ig Kayaknu maɗoɗppan gamag ahak doottem.

Sam 132:16

Da mana mettak danab Jerusalem appa daatteb ele ehanadppi, ag padal ii memana. Ao, da heppi, danab ah ag dahilnu oo metta ii uuak kobol dim lamidna, Jerusalem appa daatteb amu, ag gamag ahak doon, ag ahi ettaglag.

Revelesen 21:2

Anam amu, da aab okkai, am Jerusalem bau Kayaknu tituanak daatte, aab amuam hab aabppa, Kayak toppanu neene anidmi. Nug am ah bau nug danab aokkunu bala mettom, amubia.

Aisaia 49:18

Ag Juda, ag amelag human, laih laih neegna, ag bekkalkad oh ag qagmena, eɗun ahilagppa uɗippeg anadkkulag! Da Yawe, da attem. Da genab bau daattem, genab amubia amu, nid ahilkad ag ah nug bala enanag me, beɗunu neekkak enanag daatte amu, nid ahilkad ag ahilagppa amubia daaglag. Ao, ah nug danab aokkunu haaha, beɗu bappaidtte amu, nid naunau ag ahilagppa bala anam bia daaglag.

Aisaia 52:1

Ag Juda danab ah, ag aheg! Ag danab nug niiom aha, bala mette, ag amubia ahan, ɠagattag, lamen bia takkan dayeg! Ao, ag Juda danab ah, ag Yawenu tituanak daatteb amu, ag ahan, ag ah nug aha, lamen enanagnab tagatte bia bala ahilag enanagnab Kayak eppegppanu takkeg! Aɗinu? Danab nau, danab Kayaknu neekkakppa ag oolagppa dubuttid tak ele, ag uɗin, baula eheɗ ii hattamna.

Galesia 3:27

Ag Kristus ele ouqena, Nug onigppa layattak aoppig amu, ag Kristus oiyom bia oiglagnu daatteb. Ag oh Kristus ele ouqak daatteb.

Luk 15:22

Nug digma anam aum, amge nug mameg nug maɗi nid nuhikkud onilagppa e doeg amelagppa aum. ‘Lamen elab enanag paha aon dona tagittona, ring laa aon dona, eppeg doɗoppa aɗappeg nob, baeg gaɗa ele aona, baegppa aɗappeg taɗ!

Aisaia 51:11

Anam amu, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

2 Stori 6:41

Amu O Yawe Kayak, na ahan, lag bau nahip imuppa uɗin daakkutnu oɗ medattem; na amu nahip Tituanak Nainu Kunup, kunup amuam nahip ɠagattag okkainab ippunigtte amu, na kunup amu ele aguppa daakkut. O Yawe Kayak, na mana mettak danab ehanadppeppe, ag na danab ah ehanatte ag padal ii metteb danab ah amelagppa appeg dooglagnu oɗ medattem. Ao, nahipad danab ah ag nahipnu oo metta ii uuak kobol dim lamidtteb amu, ag gamag ahak dooglagnu unuqidttem.

1 Pita 1:8

Ag Nug ii anidppig, amge ag nuhignu oolag mauhtte. Ag gemu ele Nug ii anidtteb, amge ag nuhignu oolagppa genab dootteb. Ag anam doona, ag ooppa genab doyak ahilkadnu gogppa tak, amuam Kayak eɗua diiadtte, ag amu aotteb amu, ag amu doonna, ag maɗoɗppan gamag ahak binag amahlak oppiaawak ele, danab aun nug amunu elele anaknu elele iitta, ag amu dootteb.

Rom 13:14

Ag amu oh aib heppig. Ag Naɗi Jesus Kristus ele ouqena, nuhig kobol ele aon oiyeg! Am ag beɗulagnu dabmak nau dim lamidkkulagnu aib dabmeppig.

Rom 3:22

Da ib laanu attem amuam inam. Danab nug Jesus Kristusnu ooppa genab dootte amu, Kayak nuhignu, “Genab tutukku hak danab,” awa atte. Ib amuppa amu aun aɗi oh ag oolagppa genab dootteb ele, Kayak Nug ahilagnu, “Genab tutukku hak danab,” awa atte. Danab laippu laa nug ib laappa genab tutukku hak danab bekkunu ib laa ii daatte.

Habakuk 3:18

⌊Uug nau amu oh anam bena daaglagtai,⌋ amge da Yawenu gamag ahak dookkul. Ao, da Kayak, Nug da ehaniɗe, da padal ii mettem amu, da nuhignu ool gamag ahakku.

1 Samuel 2:1

Hana nug Yawe binag ma mattiaya, nug inam aum. “Da Yawenu amu, da ool gamag ahatte. Nuhig ehanittakppa amu, da ɠagattag daattem. Yawe Nug he, da kekeɗ dahilad imadttem. Aɗinu? Nug da ehaniɗe, da amunu enanagnab doottem.

Aisaia 25:9

Haen keeke amu beppeg, danab ah ag inam akkulag. “Antte! Imuam ihinig Kayak. Ig nuhignu oonigppa genab doomut, Nug ig ehanikke, ig padal ii memut. Ao, imuam Yawe, ig nuhignu oonigppa genab doomut, Nug ig padal mematanu ehanikkom amunu, ig oonig gamag huan ahaɗ!” Ag anam akkulag.

Pilipai 4:4

Ag Pilipai daatteb amu, ag hanhan Naɗinu maɗoɗppan gamag ahak doyeg! Yo, da baula ag amelagppa attem, ag hanhan maɗoɗppan gamag ahak doyeg!

Aisaia 35:10

Ao, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

Revelesen 21:9

Anam a amu, engel eblaih aɗit ele ag tappiɗ eblaih aɗit ele aɗualadppig, amuppa keeke naunab danab he nauhaknu eblaih aɗit ambak ele, ag oolagppanu laippu laa nug doa, da amelppa aum. “Na do! Da ah makkun bau Sipsip Nag wau ippunidkkul,” awa aum.

Sam 28:7

Yawe Nug am dahil ɠagattagnu diig daatte. Nug am dahil guppiɗ. Da nuhignu oolppa genab doyeye, Nug da ehaniɗe, da gamag ahak doyen, ahi edette, “Ena heme,” attem.

Sekaraia 10:7

Israel danab ag ban danab ɠagattag bia bena, ag gamag ahak okkai dooglag. Ao, ag danab wain lanan, gamag ahak dootteb bia daaglag. Ahilkad nid ele ag da, Yawe, ag da aɗi hekkul anidna, ag ele gamalag ahakku. Ao, ag da, Yawe, ag da heminu gamag ahak doon oiglag.

Jeremaia 2:32

Ah laa nug nuhig ewau matulak awaknu bala daug ii atitte. Ao, ah nug ewau matulak awak haenppa aɗi bala meum am dabmette, daug ii atitte. Nug anam hette, amge ag Israel ag dahilnu haen elabnab daulag atie, dahilnu nakok laa ii dabmeppig.

Nehemaia 8:10

Amu Nehemaia nug aum. “Gemu deɗ imunu amu, ihinig Naɗi Nug amunu, dahilnu tituanak daatte anidtte amunu, ag ahan gona, ag ee ena, le ubuhi ele lanana, ag laa keeke anam iitta ele madappeg, ag ele laig! Ag aib gaappig. Aɗinu? Yawenu gamag ahak doyak am aab aɗ ɠagattagnab ele ahilag bia daatte,” awa aum.

Genesis 24:53

Nug anam ha, nug gol, silwa, amu lamen ele awa, Rebeka mettom. Mettowa, nug keeke laala ahilag nob okkai ele amu awa, Rebeka anig, awag ele matom.

Revelesen 4:4

Aria, sia king 24 laa ag sia king ⌊anuqak⌋ amu talilidna daaegeg, sia king amu gamagppa dayom. Sia king oh ag anam daaegeg amu, ikki danab 24 ag sia king 24 amuppa daappig. Ikki danab amu ag lamen ahilkad hakkab ele, ag ikkilkadppa haɗ golppa hak aɗalatteg noeg, ag daappig.

Job 29:14

Da genab tutukku hak kobol amu, da lamen bia amu takkami. Ao, nai doya mala hettoɗia epeɗia elele mettak kobol am dahil lamen elab, da ikkilppan lamen ele bia dayom.

Sam 35:9

Am uug anam ahilagppa bekku dayeb amu, da Yawenu gamag ahak dookkul. Yo, uug amu ahilagppa bekku dayeb amu, Yawe Nug ehaniɗe, da padal ii meminu, da enanagnab dookkul.

Solomonnu Ahi 1:10

Na dautppan bala am bid elab, bid amuam he, na hippen laih laih oh am neekkaknu enanagnab daattep; baatppa amu kalele, men daden nob okkainab eleppa hak daatte amunu, na baat ele am neekkak enanagnab.

Aisaia 12:1

Haen amuppa amu ⌊Israel danab ah, Juda danab ah ele ag oh laib laib⌋ geha ahi inam ettan akkulag. “O Yawe, na dahilnu oot nauhom, amge gemu nahip oo nauhak amu na uume. Ao, na uunna, nai ena da meɗan oo mak meɗame amunu, da na binan humakkul.

Aisaia 12:2

Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.

Aisaia 17:10

Aɗinu? Ag ⌊Juda, ag⌋ Kayak ahilag, Nug ag ehanatte, ag padal ii metteb ele amu, ag Nug daulag atiom. Ao, ag ahilag Kayak, Nug kekeɗ aqamanu ehanattak ahilag, Nug am aab aɗ ɠagattagnab ele ahilag bia daatte amu, ag Nug dab-ii-metteb. Anam amunu, ag muɗi grep ena ena aon eppaglagtai. Ao, ag grep aben laihnu aon eppaglagtai. Ag buttua eppelagppa eppan heppeg, qaɗu buttua amuppaib belo. Ao, deɗ amuppa buttua ag eppan heppeg, haɗag ele qelo. Ag anam heppeg belo, amge meu awak haenppa keeke amu oh am keeke hamu. Ag grep meu laa ii aomna. Iitta. Ag meu diig aɗit laa, meu amuam oɗe digdig, amu guittak ii bodoedatte ele, ag meu amu aakkuib aoglag.

Aisaia 25:1

O Yawe, na dahil Kayak! Da na binan mein, na onin attan humakkul. Aɗinu? Na keeke oh hekkutnu anukka maittak aome amu, na maittak amunu oo metta ii uuak kobol dim lamidnana, aakku heme. Amu, na keeke heme amu, keeke amuam keeke okkainab, danab andatta ottaitte.

Aisaia 41:16

Danab nug ulah ee aeg dappunkkeg iwale ukkaknu uɗat hette, amubia ag Israel ag ahilkad kekeɗ heppeg iitta mekkulag. Ulah ɠagattag ee aeg dappunkkeg mawa, umanab ukke, baula miag ii daatte, amubia ag Israel ag heppeg, ahilkad kekeɗ ag qettoɗna malaglag. Ag miag iinab daamna,” awa atte. Ag Israel, ag ahilkad kekeɗ ag anam daaglag. Ag anam daaglag, amge ag Israel, ag Yawenu oolag gamag ahakku. Ao, ag Yawenu, Nug am Israel dilag Kayak Oppiaawak Ele, Nug ag Israel, ag nuhikkud maɗi nid maɗi ah ele daaglagnu tituanattom amu, ag nuhignu oo gamag ahak huanaknab dooglag.

Aisaia 48:18

Ag dahil nai, dahil ɗo ele tutukku dabmena dim lamidlob am ena, amge ag ii heppig. Ag anam helob amu, ahilag maɗoɗ am le hanhan ugakkaib daatte bia daalo. Ag helob amu, ahilag genab tutukku hak kobol am yu duban qa gotte uɗitte, ahilag genab tutukku hak kobol am anam daalo.

Aisaia 49:4

Amge da ami. “Da uɗat hemi amu, amuppa aɗitai laa ena ii beum. Yo, da uɗat hei, dahil ɠagattag iitta meum, amge uɗat amu oh hamu ukkom. Anam daatte, amge uɗat da hemi, amuppa da nob ena aokkulnu daatte, amuam Yawe eppegppa daatte. Yo, da uɗat hemi, amuppa nob aokkul ele amu, amuam Kayak toppa daatte.”

Aisaia 51:3

⌊Yawe Nug Abrahamnu anam heum⌋ amunu, genab Nug heeb, danab ag Sion eɗun bappaidppeg, ag Juda ag oolag mekku. Yo, Nug Sion nauhom antta heeb, danab ag Sion bappaidkkulag. Nug heeb, Juda wanppa aben laala atu taɗak beppig daatteb amu, aben amuam Iden dayom bia daaglag. Ao, Nug heeb, Juda wanppa aben wan meu waknu nakokib elele amu, ag am Yawenu dad bia daaglag. Danab ah ag Sion appa, Juda wanppa ele daaglag amu, ag oolag gamag ahebeb, ag, Yawe amegppa, “Ena hen mekkame,” doon anan, ahi ettaglag.

Aisaia 56:7

“Da geha danab ah aben laalappanu diie, qauko dahilnu tituanak daatte, da ag qauko dahil amuppa, ⌊Jerusalem aabppa,⌋ daaglagnu omalatten uɗien heppi, ag dahil unuqittak lag ooppa, ag oo gamag ahak naɗi aoglag. Danab ah amu ⌊ag da oɗel doon dim lamidkkulag,⌋ ag manaknu ofa, mana mettak laala ele meɗaglag amu, da ahilagnu ool enaib dookkul. Aɗinu? Danab ag da laul am wanppan wan ohppanu danab ah dilag unuqiɗak lag daatte dooglag,” awa atte.

Aisaia 58:14

ag da, Yawe, ag da ele daagnignu oo gamag ahak dooglag. Ag amu oh hekkulag dayeb amu, da heppi, wan laappan danab ah ag ahilagnu, ‘Ag binalag ele,’ dooglag. Ag amu hekkulag dayeb amu, da heppi, ag mamelag Jakopnu wanppa daanna, wan amuam nug aug amu, ag wan amuppa ee ena, okkai ele aon lanan daaglag,” awa aum. Yawe Nug anam mattiom daatte amunu, am anam bekku.

Aisaia 65:18

Amu da heppi, Jerusalem am danab ah oh enanagnab dooglagnu daakku. Da heppi, Jerusalem danab ah ag laa dilagppa gamag ahak mattaglagnu daaglag. Anam amunu, dahilad danab ah ag da aɗi aɗi hekkul, ag amunu hanhan oolag gamag ahaɗ!

Esekiel 42:14

Amu mana mettak danab ag Kayaknu mettid lag nuhignu tituanak daatte ele uun, Israel danab dilag haɗap, danab ah daattebppa gokkulagnu hekkulag amu, ag tatam lag aɗit amuppa lamen ahilag Kayaknu tituanak daatteb ele, ag lamen amuppa Yawenu uɗat heppig ele, ag lag aguppa lamen amu uɗana, meppeg dayebeb, lamen laa takkona gokkulagoitte. Lamen amuam Kayaknu tituanak daatteb amunu, ag anam hekkulag. Ag lamen ahilag Kayaknu tituanak daatte takkak ele danab ah ele daattebppa iinab gomana,” awa aum.

Sekaraia 3:5

Yawe Nug anam a, da ami. “O gadon, ag igippan lamen dubuttid iitta ele nug igippa mekkulagnu oɗ madattem,” awe ami. Da anam ai, Yawenu engel nug laih hibaitta dayeye, ag igippan lamen dubuttid iitta ele nug igippa meeg, lamen bau ele aɗuitteg noum.