Aisaia 6:13 - Nobonob Baibel

¹³ Am danab ah laib laib laa wan imuppa daaglag, amge da baula heppi, wan imu eɗua baula nauhaknab daakku. Amge amu dimugppa danab ah dahilad oppiaawak ele laippu laippunab, ag ad laa oeg qiiom, diig daatte, ag amubia daaglag. Ag ad terebint laa, o ad ok laa ele oeg, diig dayaya, ita bette amu, danab ah dahilad ag amubia hekkulag,” awa aum.

Aisaia 6:13 Referans Kwoze

Genesis 22:18

amu da heppi, na buɗunppa wan ohppan danab ag itittak ena aoglag. Aɗinu? Na nai dahil dim lamidme.’ Yawe Nug anam awa atte,” awa aum.

Esra 9:2

Israel danab ag danab laa umu aɗelkad, ahilkad ah daaglagnu diion, appanu ah diin, ag bekkalkad dilag ah daaglagnu mattanna, ib amuppa ag heeg, ig danab ah, ig Yawenu tituanak daattem, ig laa ag Yawenu danab ah iitta amu, ig tiinig aakku kaboliak daatte. Amu Israel dilag ikki danab, ahilag ehanittak anuqak danab ele, ag Kayak kobol amunu ippunikkomnu oo metta ii uuak kobol ii dim lamidna, amu hekkulagnu danab ah noolag aon ukkaeg, Israel laa ag amu hetteb.” Ag da amelppa anam appig.

Mak 13:20

Anam daatte amunu, Naɗi Nug haen amu tutuib daakkunu, haen amu ii okkullo, danab ah oh padal melob, amge Kayak Nug danab ah nuhikkud tituanattom ele, Nug amu dilag dabma, haen tutu okkulkku.

Malakai 2:15

Haen na ah aome amu, Yawe Nug he, na waat ele laippu iite daapiɗ? Gaɗalahppa, ouɗilahppa ele aa nuhig daattep. Kayak Nug diig aɗinu kobol amu daakkunu meum? Nug aa nid ag genab tutukku hak kobolib dim lamidkkulagnu menuadkkulahnu oo hette. Anam amunu na nakka dabmettan autna awe! Na bau daanna, na nai nahip loppaɗmananu, na waatnu dabmenan oiye!

Aisaia 1:9

Anam amu, Yawe Nukka Ɠagattag Oh Ele, Nug ihinkad danab ah laib laib he daatteb. Nug anam ii helo amu, geha ig oh Sodom danab nauhppig bia nauhlom. Ao, Nug anam ii helo amu, ig Gomora danab padal meppig bia padal melom.

Rom 9:5

Kayaknu danab anukkanu amu, ag am Israel danab memetalkadnab. Amu Kristus ele amu, Nug danab daakkunu, Nug Israel buɗulagppa doum. Nug am Nug Kayak, keeke oh dilag ikki daatte. Ig Nug binag hanhan metu! Genab.

Aisaia 4:3

Amu inam bekku. Danab ah Sion daatteb, aun aɗi ag Jerusalem daatteb, Yawe Nug ag bau daaglagnu tituanattom amu, danab ah laa ag ahilagnu, “Ag am Yawenu oppiaawak ele daatteb,” aon akkulag.

Matyu 24:22

Anam daatte amunu, Kayak Nug haen amu tutu daakkunu, haen amu ii okkullo, danab ah oh padal melob, amge Kayak nug nuhikkud tituanattom ele, Nug amu dilag dabma, haen tutu okkulkku.

Duteronomi 7:6

Aɗinu? Ag Israel, ag am danab ah, Yawe, ahilag Kayak, Nug ahilagnu, nuhignu tituanak daatteb anadtte. Wanppan danab ah oh oolagppa, Yawe, ahilag Kayak, Nug ag danab ah nuhignab daaglagnu tituanattom. Ag am keeke enanagnab laa bia nuhignu daatteb.

Aisaia 11:1

Danab ag ad oeg qiia, dimppa ad amu ita bette, amubia Jesi buɗub ooppanu laa geha ba, nug king daakku. Ao, ad bunaɗom, diɗi ita qa ba meu otte, amubia Jesi buɗub laa dimppa ba, king dayaya, meu okku.

Esekiel 6:8

Yawe Nug anam ana, Nug nai tuɗitta aum. “Da heppi, kekeɗ ag anam hekkulag, amge da ele heppi, ag Israel, ag oolagppa laa, ag oɗo yaak danab ah daaglag. Haen amuppa kekeɗ ag heppeg, danab ah amu ag wanppan wan laalappa tamtam gona daaglag, amge ag qep elabppa ii mauhmana.

Amos 5:3

Israel dilagppa am anam bekku. Aɗinu? Naɗi Yawe Nug amunu inam atte. “Kekeɗ ag uɗippeg, aab okkai attenppan danab 1,000 ag ahan, ban hak abenppa laippu tappan gokkulag amu, kekeɗ ag aqadppeppeg, 100ib daaglag. Ao, aab laappan danab 100 ahan goppeg, 10ib daaglag,” awa atte.

Sekaraia 13:8

Dahilad danab ah wan ahilagppa huu ewam daaglag. Ag anam daanna, huu aɗit am qep elabppa mauhppeg, huu laippu am bau, ena daaglag.” Yawe Nug anam atte.

Duteronomi 28:62

Am ag kuɗumnab habppa hoɗoppai daatteb bia daaglag, me laib laib aakkuib daaglag. Ag Yawe, ahilag Kayak, ag Nug oɗe ii doon oiglag, amunu anam bekku.

Esra 9:8

Amge gemuib, haen tutu imuppaib, na Yawe, ihinig Kayak, na ii helom bia me, na hee, ig oɗo yaak daattem ele, ig daatta, na ig nuhig mettid lag guguittak ena daagnignu ib mekkae, gemu ig danab laa waappa daattem, amge ig bau daatta, naunab nau ii daattem amunu, O ihinig Kayak, na hee, ig daagnignu elelebia doottem.

Maika 5:6

Ig otiadpput, danab okkai amu ag Asiria wan qep elabppa heppeg nauha auta aokku. Ao, ag Nimrot appag diig, am Asiria, ag ahilag qep elab ag eppelagppa daappeg, wan amu heppeg nauha auta aokku. Laa Nug ig Israel gumigkku, Nug danab okkai eblaih ewam ele amu eppelagppa heeb, ig Asiria eppelagppa ii daamta. Aɗinu? Asiria ag ig Israel eɗigkkulagnu uɗiglag. Ao, ag ihinig wan tom ooppa laippu tappa ukkakppa uɗiglag.

Sepanaia 3:12

Da laa ag dagom danab, ag agakka ag onilag qeeg nette ele, da ag Jerusalem appa uuadppi daaglag. Laa amu ag da Yawe, ag dahilnu oolagppa genab dootteb. Da am Yawe.