Aisaia 59:6 - Nobonob Baibel

⁶ Danab ah ag goɗim teɗ aon, lamen hekkulagnu elele iitta. Ao, danab nug goɗim teɗnu muɗippa lamen ha, beɗu tonakkunu elele iitta bia amu, Juda danab ag ahilag hak nauppa ehanittak aoglagnu elele iitta. Ag ahilag hak am nau. Ag eppelagppa laa guittak nau mauhnoak madatteb.

Aisaia 59:6 Referans Kwoze

Aisaia 57:12

Ag ahilag dabmakppa, ag, ‘Ig genab tutukkuib hettem,’ atteb, amge da heppi, ahilag hak, ahilag dabmak amu ele am miagib daakku. Da anam heppi, ahilag hak amu oh ii ehanadma.

Sepanaia 1:9

Ao, da laa ag kayak hambuppuak noolagppa dup nona binalag menan, ag laa guittak nau mauhnoak mattan, ahilkad keeke yab aotteb, ag hambuppuak ibuppa ag lailkad dilag keeke ele yab aotteb, ag keeke amu aon gona, ahilag kayak hambuppuak laulagppa metteb amu, da ag oh bu madakkul,” awa atte.

Maika 6:12

Juda danab enub ele, ag amu, ag am laa guittak nau, mauhnoak mettak tiigppa dayak danab. Juda danab ah laa ag am nai hambuppuak mattiak danab. Ge, ag oɗelagppa mattiak hambuppuak hetteb.

Maika 2:8

⌊amge⌋ dahilad danab ag tumai bia digmen ahan, dahil kekeɗ bia daan hetteb. Ag hak ahilag am inam. Ban danab ag banppanu eɗun uɗin, ibppa danab ah ag uug laa bekkunu ii dabmena oiyegeg, amu dilag keeke wagai mena, yab aotteb amu, ag amubia hetteb.

Amos 6:3

Ag Israel, Juda ele dilag ikki danab, ag, “Uug anttaknu haen ihinigppa miag ii beum daatte,” aon atteb; ag amu anana, ag kobol ag hetteb amu, ag kobol amuppa uug naunab anttaknu deɗ aakku aoeg, miag doum daatte.

Amos 3:10

Amu Yawe Nug inam atte. “Israel danab ag kobol tutukku dim lamidna hekkulagnu ib ii dootteb. Ag ahan, lailkad dilag keeke hamu aotteb. Ag ban danab laih gona, wan laappan daup eɗadna, wan amuppan keeke aon gotteb, ag Israel, ag amubia ag lailkad dilagppa anam hena, ag keeke aotteb amu, ag aon gona, aab aɗ ɠagattagnab ele, ag aguppa daatteb amu, ag appa aon gona metteb,” awa atte.

Esekiel 7:23

Juda wan ohppa layag duug wak kobol am ambak daatte. Aab okkaippa amu, danab laa nug danab laa guittak nau mauhnoak medatte. Anam amunu, Israel danab ah eppelkad qakkaglagnu, ag sen bappalatteg!

Esekiel 7:11

Wan laa bu madakku amu, amuppan danab ag am laa guittak nau hamu mettak danab daatteb. Ad okkai me, danab uɗat medakkunu elele, amubia laa bu mattaglag am okkai meppig daatteb. Ag Israel ag hak nau hetteb amunu, laa amu ag bu mattaglag. Bu madappeg, ag oh nauhna malappeg, ahilag en, ahilag keeke oh hamu iitta ele, amu oh ele iitta mekku.

Aisaia 64:6

Ig oh am oonigppa dubuttid ele na noomppa bemut daattem Keeke oh ig hetata, ihinig dabmakppa, ig kobol amunu am genab tutukku hak kobol doottem ele, keeke amu oh am lamen qatti dubuttid naunab ele bia na amenppa anidttem. Ig am ad uɗug mauɗna qaɗaiedatteb bia hettem. Ao, ulah ad uɗug bunaɗak iwale gotte, amubia hipunin ihinig he, ig iitta mettem.

Aisaia 58:4

Haen ag ee ohnu kud mena daatteb amu, haen amuppa ag nai aeg ona, aeg do, ag akka akka nug qenana, ag eppelag bitakkan, nau henana, nug makkuɗak, nug qak uɗat ele hetteb. Ag attem hena, ag ee ohnu kud mena daanna, kobol nau amu oh ele henana, da ahilag unuqittaknu dabmekkulnu dabmetteb?

Aisaia 30:1

Yawe Nug atte. “Juda danab ag hib guitta danab ah daatteb. Ag ib laa, da ag ib amu ii ippunadmi amu, ag maittak amu aon, ib amu dim lamidtteb. Ag danab dilagppa ehanittak aoglagnu nai qagatteb, amge dahil Ouɗi Nug ag amu hekkulagnu ii ippuanattom. Kobol ahilag amuppa amu, ag hipunin ahilag tuɗitteg, okkainab metteb amunu, ahilagnu am gadonnab gadon.

Aisaia 5:7

Aɗinu? Israel buɗub ag am Yawe Nukka Ɠagattag Oh Ele, ag nuhig muɗi grep dad bia. Ao, Juda buɗub ag am muɗi grep, Yawe eppa, muɗi grep amunu enanagnab doyom bia. ⌊Yawe Nug ag ena atognoattatta,⌋ Nug danab ah amu ag nai doya mala hettoɗia epeɗia elele mettak kobol dim lamidkkulagnu dabmeum, amge iitta! Ag danab aqaeg mauhtteb! Ao, Nug ag anen anen, ag genab tutukku hak kobol danab ah laa dilagppa hekkulagnu dabmeum, amge iitta! Ag danab ah laa dilagppa kobol nau heegeg, danab ah ag uug nau doon gaatteb!

Sam 58:2

Iitta! Ag epeɗiak henana, ag nai doya mala hettoɗia epeɗia elele mettak kobol dim lamidkkulagnu uun, ag epeɗiak kobol laa kaliak ele, ag kobol nau amu hekkulagnu maittak aotteb. Ao, ag laa guittak nau mauhnoak madatteb.

Genesis 6:11

Noa nug anam dayeye, wanppan danab ah laa oh amu, ag Kayaknu neekkakppa kobol nau uɗig wak ele heegeg, laa guittak nau mauhnoak mettak kobol am ele wanppa ambak dayom.

Job 16:17

Da anam daattem, amge da danab laa guittak nau, hamu ii mettami. Ao, dahil unuqittakppa am hambuppuak laa iitta; am oppiak ele daatte.

Esekiel 18:12

Nug daɗek danab amu laa ag keekenu tutu mak daatteb ele eheɗ hadatte. Nug yab hette. Nug keeke lonnu onig awak daatte amu eɗua, mameg ii medatte. Nug kayak hambuppuak binag maama, nug kobol digdig, da kobol amunu oolppa uuaknab doottem amu, nug kobol amu ele hette.

Malakai 2:16

Yawe, Israel dilag Kayak, Nug atte. “Da ewau pakkuak kobolnu amu, da nau ninig ele doottem! Ge, danab nug lamen aɗuitteb nokkunu uug ii dootte, amubia laa nug laa guittak nau mauhnoak mettaknu uug laa ii doya, nug wau lamidtte amu, da kobol amunu nau ninig ele doottem amunu, na nakka dabmettan autna awe! Na bau daanna, na nai nahip loppaɗmananu, na waatnu dabmenan oiye!” Yawe Nukka Ɠagattag Oh Ele Nug anam atte.

Sam 55:11

Aab okkaippan danab ah ag, ag akka akka ahilkad keeke hatteg nauhtteb. Ao, ag tuɗidib nug eheɗ hattaglagnu mattinna, ag nug buppuidtteb.

Esekiel 9:9

Da anam ai, Nug nob ma, da amelppa aum. “Israel wanppan danab ah, Juda wanppan danab ah ele ag hipunin okkainab heppig daatteb. Juda wan ohppa layag duug wak kobol am ambak daatte. Ge, aab okkai imuppa nai doya mala hettoɗia epeɗia elele mettak ii dim lamittak kobol am ambak aakku daatte. Amunu diig am, Israel ag atteb. ‘Yawe Nug wan imu uua, ippa ii daatte. Ig hettem amu, Nug ii anidtte,’ aon atteb.

Sepanaia 3:1

Jerusalem danab ah dilagnu am gadonnab gadon. Ag lailkad dilagnu nug eheɗ hattak kobol hetteb. Ao, ag nai tappe nak danab ah daatteb. Yawenu neekkakppa ag oolagppa dubuttid teum daatte.