Aisaia 59:4 - Nobonob Baibel

⁴ Hettoɗiakppa ag oolagppan laa nug nai tutukku ii maditte. Ge, hettoɗiakppa ag oolagppan laa nug nai genabib ii maditte. Juda danab ah ag oh nai meu iitta, nai hamu, ag nai amu hambuppuna mattinna, ag nai amu ehanadkkunu dabmetteb. Danab wau ele aa oiyya, ah nug nid ele daya, nid menutte, amubia ag uug bekkulagnu heeg beeg, kobol eheɗ ele betteb.

Aisaia 59:4 Referans Kwoze

Job 15:35

Nau hak danab ag kobol nau hekkulagnu dabmak aon oitteb. Ag eheɗ hetteb. Ge, hambuppuak kobol ag oolagppa daatte.” Elipas nug Job amegppa mattia, anam aum.

Jems 1:15

Amu danab nug aɗi keekenu oo huana hette ele amu, oo hak amu nug okkai me, danab nug hipunin hette. Hipunin nug okkai ma male amu, meu nuhig am mauhak.

Jeremaia 7:8

Amge antteg! Ag nai hambuppuak, nai meu iitta elenu oolagppa genab dootteb.

Jeremaia 7:4

Laa ag, ‘Yawenu mettid lag, lag amunu keeke oh ele ig oonigppa daatte amunu, uug laa ihinigppa ii bema,’ ge iitta mattin oitteb amu, ag nai amuppa hambubutteb. Ag laa ag nai amu dabmenana, ag nai amunu aib oolagppa genab dooppig.

Maika 2:1

Danab ag hipunin hekkulagnu maittak aotteb, ahilagnu am gadonnab gadon. Ao, ag abenppa niina, ag eheɗ hekkulagnu dabmakppa ib maditteb, ahilagnu am gadonnab gadon. Ag keeke hekkulagnu ɠagattag ele amunu, ag tuqan eheɗ hekkulagnu dabmenana, wagɗe buttua ag ahan, eheɗ amu hetteb.

Aisaia 30:12

Ag Juda danab ah, ag anam hetteb amunu, Israel dilag Kayak Oppiaawak Ele, Nug inam atte. “Ag dahil nai doon uun, ag layag ɠagattag iitta ele eheɗ hettak kobol dim lamidna, laa anam eheɗ hattanana, hambuppuak kobol ele dabmenan dim lamidtteb amunu,

Prowerb 4:16

Aɗinu? Nau hak danab ag eheɗ laa ii heppig dayeb amu, ag niiglagnu elele iitta daaeg ukke, ag eheɗ hewona niitteb. Ao, danab amu ag eheɗ ii heeg, danab laa ii na qeum dayeb amu, ag paha ii niimna.

Aisaia 59:16

Yawe Nug danab ah ehanatteb, padal ii memananu laa ii daye anttom. Ao, Nug laa danab ah ehanatteb, padal ii memananu ii daye antta, Nug eheɗ nau doyom. Nug anam doyom amunu, Nug nukka nuhig ɠagattagppa Nug danab ah ehanatteb padal ii memananu heum. Ao, Nug genab tutukku hak kobol dim lamidtte amu, nug amuppa ɠagattag awa, amu heum.

Aisaia 59:3

Ag danab aqaeg mauheg, ag tiilag ag eppelagppa qataqak daatte. Ao, hipunin ag eppelag doɗoppa qataqak daatte. Ag oɗelagppa hambuppuak nai maditteb. Ge! Ag nai laa, nau hak danab nai nau digdig maditte, ag nai nau amubia maditteb.

Sam 62:10

Na keeke lokkumakppa awaknu duttuna hak kobolppanu, “Da anam hekkulnu elele daattem amunu, amuppa da keeke ena kuɗum aokkulnu elele,” aib ootppa genab doon dabmeme. Ao, na dabmak hambuppuak aib aonna, yabhokppa keeke aokkutnu maittak aonna heme. Na ⌊ib enappa⌋ en kuɗum aokkuttai, amge na keeke amunu, “Anuqak keeke,” aib dabmeme.

Jeremaia 5:1

Amu Yawe Nug aum. “Ag Jerusalem ooppa ib ohppa oinna, aab amunu qagmak abenppa ele oinna, tutukku neekkeg! Ag anam hena, ag ⌊danab ah aab okkai amuppa wan imunu hakib henan daatteb, ag oolagppanu⌋ danab, o ah laippu laa nug genabib hak kobol hette, nug doyak diig genabib anidkkunu mattiak hette ele, na amu laippu laa anidkkut dayeb amu, da aab okkai amu heppi ii nauhma.

Sam 62:4

Da am king amunu, ag heppeg, da nein qein, king ii daapanu hetteb. Ag nai hambuppuak mattiglagnu enanagnab dootteb. Ag da iɗul anidna amu, ag nai ena meɗatteb, amge ag mattiak henana, ag da eheɗ laa awaknu anak waappa daakkulnu ag oolag unuqagppa atteb. Sila.

Job 15:31

Nau hak danab nug keeke diig iitta elenu ooppa genab dootte, amge nug amubia aib heum. Aɗinu? Nug amu hekku dayeb amu, nug meu laa ii anidma.

Aisaia 5:7

Aɗinu? Israel buɗub ag am Yawe Nukka Ɠagattag Oh Ele, ag nuhig muɗi grep dad bia. Ao, Juda buɗub ag am muɗi grep, Yawe eppa, muɗi grep amunu enanagnab doyom bia. ⌊Yawe Nug ag ena atognoattatta,⌋ Nug danab ah amu ag nai doya mala hettoɗia epeɗia elele mettak kobol dim lamidkkulagnu dabmeum, amge iitta! Ag danab aqaeg mauhtteb! Ao, Nug ag anen anen, ag genab tutukku hak kobol danab ah laa dilagppa hekkulagnu dabmeum, amge iitta! Ag danab ah laa dilagppa kobol nau heegeg, danab ah ag uug nau doon gaatteb!

Aisaia 5:18

Danab ah aun aɗi ag hipunin hekkulagnu ib digdig maditteb ele, ahilagnu am gadonnab gadon! Ao, danab ah aun aɗi ag nau hekkulagnu wagai men oitteb amu, ahilagnu am gadonnab! ⌊Ag padal mekkulag.⌋

Aisaia 9:15

Ikki amuam ahilkad ikki danab, ahilkad danab onilkad ele. Boob amuam propet danab ahilkad, ag nai hambuppuak danab ah amelagppa mehuqtteb ele.

Aisaia 10:1

⌊Danab okkai⌋ ag ɗo nau qabatteb ele amu, ahilagnu gadonnab gadon. Ao, laa ag ɗo laala, ɗo amuppa ag danab ah laa eheɗ hadatteb amu, laa ag ɗo anam bappaidna metteb ele, ahilagnu am gadonnab gadon.

Aisaia 28:15

Ag atteb. “Ig Mauhak ele nug tituanta nai qakkamut. Ao, ig mamak aben ele nai mattita, nug tituanta nai qakkamut amunu, uug nau okkainab laa ihinigppa bekkunu haaha, ii iqama. Iitta! Qe-eɗikka gokku,” atteb. Ag laa ele atteb am, “Ig heut, kayak hambuppuak ag ihinig padal mak eɗitteb ena dayaknu ehanittak daatteb. Ao, ig heut, kayak hambuppuak ag ihinig lokkuma dayaknu aben bia daatteb, ⌊amunu uug nau, okkainab amuam ihinigppa ii bema⌋,” aon atteb.

Aisaia 29:20

Aɗinu ag oolag gamag ahakku? Am inam. Danab ag oo doyak ii doon nau hetteb, ag iitta mekkulag. Amu danab ag Yawe, amu nuhikkud danab ah dilagnu ele ag aon aon aqatteb amu, ag padal mekkulag. Danab ah oh ag kobol nau hekkulagnu dabmenana oitteb amu, Yawe Nug heeb, ag nena qekkulag.

Aisaia 30:9

Nai amuam hanhan danab ah inam ippunadkku; Juda danab ah imu ag am nai tappe nak danab ah. Ag nid naunau dahilad, amge ag hambuppun oinna, ag hambuppuak danab ah daatteb. Ao, nid naunau ag mamelkad anilkad dilag nai dooglagnu uutteb, amubia danab ah imu ag da, Yawe, ag dahil nai uutteb.

Aisaia 33:11

⌊Ag kekeɗ dahilad amu,⌋ ag am keeke hamu, wit qaɗu qaɗaiettak bia. Aab ewawa, wit qaɗu qaɗaiettak amota eotte, amubia ag akka akka anam henana nauhkkulag.

Aisaia 44:20

Danab nug kayak hambuppuak dottog hoiya, binag mette ele, nug am dabmak iittanab iitta. Nuhig doyak am kaliak dayaya he, danab amu nug ib tutukku apiɗitta malom. Nug nukka, nug padal memanu nugakka ehanidkkunu elele iitta dayaya, nug dabmak nau nuhig uua, “Kayak hambuppuaknu dottog imu da eppelppa aɗattem ele, keeke amuam keeke genab iitta, am keeke hambuppuaknab,” akkunu ele, elele iitta.

Aisaia 47:10

Ag nau hak kobol ahilag dimugppa, guppiɗ dimugppa dayak bia, ag anam daanna, ag, ‘Laa ii anigtte,’ adappig. Ahilag doyak dabmak ena ele, ahilag doyak ele am eheɗ dayaya he, ag ib ena apiɗidna, eheɗ gonana, ‘Igib danabnab daattem. Laa oh am hamu. Ig bia laa ii daatteb,’ appig.

Aisaia 59:15

Doyak diig genabib anttaknu am, laa anam hekkunu elele iitta. Amu auntai nug nau hekkunu uutte amu, laa ag doɗ qeppeg mauhkkunu hetteb bia danab amu qekkulagnu hetteb. Anam daatte amu, Yawe Nug neekka, danab ah oh ag nai doya mala hettoɗia epeɗia elele mettak kobol iinab dim lamidtteb anttom amunu, Nug ena ii doyom.

Aisaia 64:7

O Yawe, ig hipunin heut, na ig ii ehanigttem. Ig hipunin heut, na he, ig ihinig hipunin waappa daat nauhttem. Ig anam aakku daattem amunu, auntai laa na ii unuqidtte. Yo, ig am anam aakku daattem amunu, auntai laa na tutukku dim lamidkkunu ii hette.

Jeremaia 48:7

Ag ahilag hakppan, ahilag en okkaippanu ele ehanittak aoglagnu oolagppa genab dootteb. Ag anam oolagppa genab dootteb amunu, kekeɗ ag uɗin eɗadna, aɗualadna diiadna goppeg, ag gona, diia ukka laih me dayak danab ah wan laappa daaglag. Kekeɗ ag amu henana, ag ahilag kayak Kemos, nuhikkud mana mettak danab, nuhikkud ehanittak anuqak danab laa ele diin goppeg, ag diia ukka laih me dayak danab wan laappa daaglag.

Hosea 4:1

O Israel danab ah, ag ahilag wanppa daatteb amu, Yawe Nug ag aakku diia, hettoɗiakppa waum amunu, ag Yawenu nai doyeg! Nug ahilagnu atte. “Ahilag wanppa amu, oo metta ii uuak kobol, oo mauhaknab kobol ele ii daaeheh, ag ele Kayak nakok laa ii dootteb.

Sam 7:15

Laa ag laa moɗppa nena qena nokkulagnu moɗ aotteb amu, ag akka amuppa nena qena notteb.

Sam 12:3

Yawe, na heppe, ag oo eeɗaknu ittag nai anak hetteb amu, ag amu uuglagnu oɗ medattem. Na heppe, ag dada nau haknu mattiak uuglagnu unuqidttem.

Aposel 24:9

Am Juda appa daappig ag ele Tertulus nai mattiom amu ehanidna ag appig. “Nai amu oh amu genabib,” aon appig.