Aisaia 59:21 - Nobonob Baibel

²¹ Amu Yawe Nug atte. “⌊Danab ah ag oolag eɗuom ele⌋, da, ge da, da ag ele imu hekkunignu nug tituana nai qakkak hettem. Da dahil Ouɗi, Nug ahilagppa daatte, amu da heppi, Nug ag, ag bekkalkad aɗelkad ele, amu ag bekkalkad aɗelkad ele amu, Nug ag oh ele gemu, hanhan ele anam daaglag. Laa, dahil nai, ag oɗelagppa daatte amu, da heppi, nai amuam ag oɗelagppa, ag bekkalkad aɗelkad ele oɗelagppa, amu ag bekkalkad aɗelkad buɗulkad oɗelagppa ele gemu, hanhan ele anam daakku.” Yawe Nug anam atte.

Aisaia 59:21 Referans Kwoze

Hibru 10:16

“Naɗi Nug atte. Nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ag oolagppa daakku. Ao, da heppi, dahil ɗo oh ahilag dabmakppa daakku.”

Aisaia 51:16

⌊Amu Yawe Nug ele atte.⌋ “Da dahil nai ag oɗelagppa mekkul. Da ag atognoadkkulnu, da eppelppa ag tonadkkul. Da, da hab hein, wan ele hemi, amu gemu da ag Juda danab ah, da ag amelagppa attem. ‘Ag am danab ah dahilaɗ.’ ” Yawe Nug anam atte.

Aisaia 44:3

Aɗinu ⌊ag ii baɗamnanu attem⌋? Da heppi gu huana wan qaɗaiettakppa na, leppu medakku. Ao, da heppi, gu huana neeb, le naunau kuɗum wan qaɗaiettakppa gokkulag. Da anam hekkul amu, anamib da dahil Ouɗi ag buɗulkad madakkul. Ao, da dahil itittak ena ag buɗulkad madakkul.

Jon 4:14

amge laa nug le da medattem ele imu, nug amu lakku amu, nug baula le baag ii diima. Iitta. Le da medakkul ele imu am, le moɗ bia nug ooppa baaba daakku. Anam haen oh qeppuɗia baaba, nug bauklel hanhannu medakku,” awa aum.

Aisaia 55:3

⌊O dahilad danab ah,⌋ ag daulag human, da dooiɗna, ag dahilppa uɗieg! Ag bau daaglagnu amu, ag dahilppa doig! Ag anam heppeg, geha da Yawe, da Dawitnu oo mauhaknab doyen dim lamidkkulnu dahil nai ain qakkami amu, da ahilagnu oo mauhaknab amuib dim lamidkkulnu heppi, da ag ele ig nug tituanta nai qagapput, nai qakkak amuam iitta ii mema.

Rom 8:9

Amge ag Rom danab, ahilagnu amu, Kayak Ouɗi Nug ahilagppa daatte dayeb, ag oo alag waappa ii daatteb. Iitta. Ag Kayak Ouɗi waappa daatteb. Amu danab laa nug ooppa Kristusnu Ouɗi iitta, nug am Kristusnu danab iitta.

Jon 3:34

Yo, laa Kayak me uɗiom amu, Nug Kayak nai maditte. Aɗinu? Kayak Nug nuhig Ouɗi ambak medatte.

Jon 7:39

Jesus Nug nai amuam Kayak Ouɗinu aum. Danab ag oolagppa genab dooglag ele, ag aoglag. Amge haen amuppa Jesus Nug Mame toppa ii ukkom amunu, Kayak Ouɗi, Nug danab oolagppa ii dayom.

Aisaia 49:8

Amu Yawe Nug atte. “Haen da ii helom bia me, da na ehanidkkulnu ena doyeye, da nahip unuqittak doyen ehanidkkul. Ao, ehanitteb, padal ii mak haenppa amu, da na ehanidkkul. Da na nena qemananu ehanitten, da heppi, na gamag danab daappe, da danab ah ele nai qakkagnig. Nai qakkak amuppa amu, da nahip-ppa ag ehanadppi, Juda danab ag eɗun, ahilag wan hele-ettak daakku amu, ag bappaidkkulag. Amu nai qakkak amuppa ele amu, da nahip-ppa heppi, wan maha maha oh am mamelkad eppelkadppa eɗun daaglag. Ao, aun nug wan anen anen mameg daappig amu, ag buɗulkad ag eɗun anam daaglag.

2 Korint 3:8

Ɗonu binag amahlak oppiaawak ele am okkai, amge Kayak Nug danab ah nuhig Ouɗi madakkunu heum amu, nug tituana nai qakkak amuam tituanak alag eɗidtte; nuhig binag amahlak oppiaawak ele am tituanak alag binag amahlak oppiaawak ele eɗidtte.

Jon 1:33

Da ele Nug ii doolom, amge laa Nug da danab ah leppa layadkkulnu meiɗe uɗimi ele amu, Nug a doomi. Nug aum. ‘Kayak Ouɗi Nug na, danab laa qaɗeppa daakku amu, danab amu aakkuib Nug geha Kayak Ouɗippa layadkku,’ awa aum.

Jon 17:8

Nai oh na da meɗame ele amu, da ag mattai aoppig. Da nahip-ppanu uɗimi amu, ag genab dootteb; na da meiɗe uɗimi, ag amu ele oolagppa genab dootteb.

Jon 8:38

Da nai imu madittem ele amu, da Mame ele daaɗɗa anidmi, da amu madittem, amge ag am ag mamelag a dooppig hetteb,” awa aum.

Rom 11:27

Amu da hipunin ahilag oh uhuqen mattoya amu, haen amuppa da nug tituana nai qakkak ag ele hekkunig.”

Eksodas 4:15

Nug na anidkkunu uɗitte amu, ⌊nug uɗieb, uɗat imu, da na medattem ele amu, uɗat amu haknu haen beeb,⌋ na nug amegppa appe, nug am geha nai amu oh mehuqkku. Da am geha aa keeke aɗi mattiglahnu ippunatppi, aɗi keeke hekkulahnu ele ippunatppi, aa hekkulah.

Aisaia 32:15

Wan amu nauha anam dayeb ukkeb, Yawe Nug nuhig Ouɗi hab attannu ig mekkeb batakku. Yawe Nug anam heeb, atu taɗak amu, wan amuam wan ittag ele bekku. Ao, Nug anam heeb, wan ittag ele, am ittag huanaknab ele daakku.

Aisaia 40:8

Gikkiɗah bunaɗtte, bala nena qetteb, amge ihinig Kayaknu nai am hanhan daatte.” Baag anam anana, am da anam akkulnu aum.

Aisaia 42:1

Yawe atte. “Antteg! Imuam dahil maɗi nid; da nug haen oh elele daakkunu ɠagattag medattem. Ao, imu amu, da nug tituanmi; da nuhignu enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Aisaia 54:10

Aɗinu? Qauko okkai ag uɗalkulagtai; qauko nakok ag daattebppanu ahan gona, laih daaglagtai, amge dahil oo mauhaknab, da ag Juda ahilagnu doottem amu, oo mauhaknab amuam ii iitta mema. Ao, qauko okkai, qauko nakok ele ag anam hekkulagtai, amge da ag Juda, ⌊ag dahil nai dim lamidkkulag dayeb,⌋ da maɗoɗ madakkulnu ag ele nug tituanen nai qakkami amu, da nai amu tuqe ii aopa.” Yawe, Nug ag Juda, ahilagnu oo bodoetta le mak dootte ele, Nug anam atte.

Aisaia 55:11

Gu, sno ele aa hettep amubia, dahil nai, da nai amu da oɗelppa madittem amu, nai dahil amuam anam aakku hekku. Dahil nai amu dahilppa hamu eɗua ii uɗima. Aɗinu? Da aɗi keeke, dahil nai nug keeke amu hekkununab daatte dabmettem amu, anam aakku heeb bekku. Ao, dahil nai nug aɗi keeke hekkunu da ool daatte amu, amunab aakku heeb bekku.” Yawe Nug anam atte.

Aisaia 57:19

Da amu heppi, Juda danab ag uug doon gaatteb amu, ag eɗun, ena doon, da onil humaglag. Da heppi, danab ah ag uma daatteb, laa ag guguittak daatteb ele amu, da heppi, ag oh maɗoɗ daaglag. Ge ag maɗoɗnab daan oiglag. Da heppi, ag enaib daan oiglag.” Yawe Nug anam atte.

Sam 119:43

Da nahip ɗo dim lamidkkul dayeb amu, da elele hekkul. Elele haknu ib laa iitta amunu, na doyak diig genabibnu nai dahilppanu aɗilmananu oɗ medattem.

Prowerb 7:3

Na danab laa nug keeke laa daug atimanu, nug muɗi keeke, nug eppeg doɗoppa qagatte, amubia na hanhan dahil ippunittak imu nahip dabmak anuqakppa meppe dayaɗ! Ao, danab laa nug keeke laa daug atimanu uɗugppa yaatte, amubia na dahil ippunittak, nahip dabmakppa meppe dayaɗ!

Aisaia 66:22

Yawe Nug ele atte. “Amu hab bau, wan bau da hekkul ele amu, keeke aɗit amu hanhan da noolppa daaglah, amubia amu, ag Israel ag onilag am hanhan dayebeb, ag buɗulkad ele am iitta ii memana.

Jeremaia 1:9

Yawe Nug anam awowa, Nug eppeg bahia, da oɗel lauɗitta, Nug da amelppa aum. “Da dahil nai na oɗenppa aakku memi.