Aisaia 59:11 - Nobonob Baibel

¹¹ Ig doɗ naɗi onig bea, nug ⌊eheɗ doyaya⌋ guɗumtte, ig amubia hettem. Ig uppuɗil beɗulag nakok nug oo doyak ele gaatte amu, ig amubia gaattem. Ig nai doya mala hettoɗia epeɗia elele mettak kobol ig oonigppa bekkunu dabmetat oittem, amge kobol amu nakok laa be ii anidttem. Ao, ig laa eppelagppa ii daamtanu dabmetat oittem, amge ig ehanittak amu iinab anidttem.

Aisaia 59:11 Referans Kwoze

Aisaia 38:14

Da ai laala, ahilag gayak oqotti teppu iitta ele, da anambia gaami. Uppuɗil beɗulag nakok laa, nug nakok gaatte, da anambia gaami. O Kayak, da gaai ukke, nahip ehanittak anidkkulnu nahipnu neekki, da amel guittom. Da uug doottem. O Naɗi, na uɗin, da ehaniɗkkutnu od medattem.

Esekiel 7:16

Danab ah aun aɗi ag ii mauhkkulag amu, ag oolna, qaukoppa gona, appa ag oh anen anen ahilag hipuninnu dabmenana, uppuɗil beɗulag nakok ele oolnu noakppa daatteb, uppuɗil amu ag oo doyak ele gaatteb, danab ah ii mauhkkulag amu, ag amubia gaaglag.

Hosea 7:14

Ag oolag unuqagnabppanu da ii unuqiɗtteb. Iitta. Ag niiak balal attan daanna gaatteb. Ao, ag ee aeg bau, wain ele da madakkulnu unuqittak hekkulagnu qagmetteb, amge ag da dimeɗatteb.

Jeremaia 9:1

O gadon, da tiinig laippu kekeɗ aqaeg mauhppig dilagnu amu, da ikkilppa le gottu dayeb, da amel leb ele le qeppuɗia bak dayeb, da amun, tuqan ele dahilad tiig laippu dilagnu gaappi, amel leb nekkunu ool daatte.

Jeremaia 8:15

Ig maɗoɗ daagnignu oonig dayom, amge iitta, keeke ena laa ii uɗitte. Ig eɗut ena daagnignu haen anidkkunignu oonig dayom, amge iitta, baɗak eheɗ nau aakkuib beum daatte.

Aisaia 59:9

Ig Juda ig hipunin anam hemut amunu, ig nai doya mala hettoɗia epeɗia elele mettak kobol ii anidttem. Ao, genab tutukku hak kobol ihinigppa ii daatte. Ig amahlak anidkkunignu neegttem, amge ig gatatu aakkuib anidttem. Ao, ig amahlak okkai anidkkunignu neegttem, amge ig lokko gatatu ele ooppa oittem.

Aisaia 51:20

Ahilkad nid danab ag gai-iitta daatteb. Ag ib oɗatleppa doɗ pelemppa teum daatte bia niitteb. Yawe Nug oppoɗi bak doyeye, ag eheɗ aotteb. Ao, ag Israel, ahilag Kayaknu oppoɗi bak ahilkad nid dilagppa ambak daatte.

Sam 119:155

Nau hak danab ag nahip ɗo dooglagnu ii hetteb amunu, na ag padal memananu iinab ehanadttem.

Sam 85:9

Genab, binag amahlak oppiaawak ele nuhig ihinig wan imuppa daakkunu, Nug danab ah ag nuhignu ebehilag oh bodoetta le mette ele padal ii memananu ehanadtte.

Sam 38:8

Da beɗul nauhe, ɠagattag iitta daattem. Da oolppa maɗoɗ iitta amunu, da aiqakkak hettem.

Sam 55:2

Na dahil unuqittak doona, nob ena meɗakkutnu oɗ medattem. Dahil kekeɗ ag nai nau dahilnu atteb. Ao, nau hak danab ag guittak meɗaglagnu dabmena, amelag behabe, da neekkiɗtteb. Ag anam hetteb amunu, da uug digdig toniɗe, elele iittanab doottem. Da anam doottemnu diig am, ag heeg, da guittak doottem. Ao, ag dahilnu oolag nauhe, ag da aon aon iutteb.

Aisaia 59:8

Ag laa ele, maɗoɗ ele daaglagnu oolag ii maidtte. Ag aɗi aɗi hetteb ele amu, ag amu henana, ag nai doya mala hettoɗia epeɗia elele mettak kobol iinab dim lamidtteb. Ag ib kaliak ele aon oitteb. Auntai nug ag ele oitteb amu, nug maɗoɗ nakoknab laa iinab anidmana.

Aisaia 59:14

Nai doya mala hettoɗia epeɗia elele mettak kobol am uma ukkom daatte. Ao, genab tutukku hak kobol am miag iitta, am umaib daatte. Aɗinu? Doyak diig genabibppanu mattiaknu, dim lamittaknu ele, kobol amuam na qeum, ihinigppa ii daatte. Ge, doyak diig genabibppanu mattiak kobol, dim lamittak kobol ele ihinigppa ii daattep.

Gayak Nai 3:17

Nug he, da maɗoɗ laa ii doottem; da anukka ee keeke elele aɗe oimi amu, gemu da anam bia iinab oittem. Da oiyak amubia daul atiom.

Nahum 2:7

Kekeɗ ag Niniwe eɗadna, danab ah appanu diin gona, diia ukka laih me dayak danab ah wan laappa daaglagnu laa ɗo meum daatte. Ao, amu daakkun daatte amunu, Niniwenu begbeg maɗi ah ag ai gayak oo doyak ele gaatte bia gaaglag. Gaanna momolag qeutkkulag.

Sam 119:150

Danab ah eheɗ laa hekkulagnu lokkumakppa doonna, maittak eheɗ aotteb ele, ag da gukkiɗna daatteb, amge ag nahip ɗonu awaidna oitteb.

Nahum 2:8

Niniwe am le gottu bia daakku. Le gottu giɗo laa dayeb amu, le oh noa gotte, amubia Niniwenu ban danab oh ag ahilag ban haknu aben uun oolna gokkulag. Laa ag enan, “Aib goppig! Aib goppig!” anan daaglag, amge laa nug eɗua banppa daakkunu ii hema.