Aisaia 59:1 - Nobonob Baibel1 Antteg! Yawe Nug ɠagattag daatte. Nuhig ɠagattag amuppa Nug danab ah padal memananu ehanadtte amu, ɠagattag amu ii iitta meum. Amu Nug danab dilag unuqittak dookkunu ele elele daatte Gade chapit la |
Da uɗien, ag onilagppa emi, amge ag oolagppan laa nug nai dahil ii awom. Ao, da ag onilagppa emi, amge laa nug nob laa ii meɗom. Dahil ɠagattag tutu meum amunu, da ag qagaiettakppanu ehanittak okkaippa uhuqadkkulnu elele iittate? Iitta! Ge, da ɠagattag iitta amunu da ag ehanadppi, ag qagaiettakppa ii daamnanu elele iittate? Iitta. Dahil ɠagattag am elele. Ao, da oɗelppaib nai matti, yu qaɗaiedatte. Da hei, le gottomppa am atu taɗak daatte. Yo, da anam hei, kakai ag mauheg, beɗulag beɗatteb.
Aɗinu? Danab ah imu ag oolag ɠagattag eppom. Ag daulagppa dooglagnu nakokib elele. Ag amelag heeg amuhak daatte. Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag.” Aisaia nug anam yom.
Ag anam hena, ag geha Yawe onigppa eppeg amu, Nug ag oɗelagppa aokku. Yo, ag geha Nug onigppa ehanadkkunu eppeg amu, Nug ag oɗelagppa awa, “Da iikku daattem”, akku. Ag laa ɠagattag iitta ele eheɗ ii hattaglag dayeb, ag laa dilagnu, “Ag am nau, keeke hamu,” ii dooglag dayeb, ag naippa laa guittak ii mattaglag dayeb,
Naɗi Nug anam ana, Nug da amelppa nai tuɗitta aum. “Heppe, danab ah imu ag oolag ɠagattag eppaɗ! Heppe, ag daulag nai dookkunu elele iitta dayaɗ! Heppe, ag amelag amuhak dayaɗ! Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag,” awa aum.
Laa nug Edomnu uɗitte am aun? Nug Bosranu, lamen kokoɗnab laittak ele uɗitte, amge nug am aun? Nuhig lamen am enanagnab, me nug am aun? Nug danab ɠagattag okkai naɗi ele, amu nug huana tappa uɗitte. Danab amu nug nukka, nug am aun daattenu am inam atte. “Imu da, da aɗi madittem amu, nai amuam genab tutukkuib. Da danab ah padal memananu ehanadkkulnu ɠagattag elelenab ele,” awa atte.
o na danab laa, nug uug laa bekkunu ii dabmette, amge laippun be, aɗittai laa hekkunu elele iitta, na danab amubia daattemnu, o na ban danab laa, nug ɠagattag nuhig oh iitta me, nug laa ehanidkkunu elele iitta, na amubia daattemnu diig appe dookkulnu oɗ medattem. O Yawe, na ig oonigppa daattem. Na onin ihinigppa daatte. Na uuigna gomananu oɗ medattem,” awe unuqidmi.
⌊Amge,⌋ O Israel danab ah, danab laa nug inam akkutai. “Yawenu Ouɗi Nug ihinignu oo nauhom daattete? ⌊Iitta!⌋ Genab, nai uug ele ihinignu amu, Nug anam he anidttemte? ⌊Iitta!⌋” Laa anam akkutai, amge nug anam akku dayeb am, nug ena akkute? Iitta! Am ena iitta. Amu Yawe Nug inam atte. “Danab genab tutukku hak kobol dim lamidtte ele, nuhignu amu, nai dahil nug ehanidtte,
Ag mauheg, Israel dilag ban danab laa ag ii mauhppig ele amu, ag eɗun, haen tutu dayaknu aab kalak ahilagppa gona teppig. Ag teeg, amu Israel dilag ikki danab ag appig. “Aɗinu Yawe Nug he, Pilistia ag ig gemu eɗigppig?” aon appig. Ag anam awona amu, ag tuɗidna appig. “Yawenu Tituanak Nainu Kunup kontrak inak ele Silo appa daatte amu, ig amu aot uɗit, ig banppa maot gopput, Yawe Nug ehanikkeb, ig Pilistia dilag daup eɗadta, ig ag eppelagppa ii daamta,” aon appig.
Yawe Nug atte. “Danab laa nug wau nuhigppa eheɗ heum doya he, aha gotte amu, da amubia hemi amunu, ag gona, wan laappa maɗi nid daattebte? Iitta! O iitta, danab laa nug laa eppegppanu lon awa, eɗua medakkunu elele iitta amunu, lon mameg nug danab lon awom wau, bekkod ele laanu maɗi nid daaglagnu me, daden mette ele amu, da anam bia hemi amunu, laa ag Juda, ag ag diiadna goppigte? Iitta! Amu ohnu am iittanab iitta! Ag hipunin heppig amunu, ag laa eppegppa daatteb. Ag hipunin heppig amunu, ag gona, diia ukka laih me dayak danab ah wan laappa daatteb.