Aisaia 57:13 - Nobonob Baibel

¹³ Ag uug aonna, ag ehanittaknu gaaglag. Ag gaappeg, ahilkad kayak hambuppuak dottolkad ag ahan ehanatteg! Amge iitta! Ag elele iitta. Ulahib am ag iwalatteb, laih gokkulag. Ao, ulah nakokib heeb, ag laih gokkulag. Danab ah eheɗ hetteb, ahilagnu am anam, amge laa nug dahilnu dabmaama, da nuhig padal mak eɗitteb ena dayaknu ehanittak daakkulnu haaha, nug wanppa ena daakku. Ao, nug qauko dahil, qauko amuam dahilnu tituanak daatte, nug amuppa appag diigppa daakku.” Yawe Nug anam awa atte.

Aisaia 57:13 Referans Kwoze

Sam 37:9

⌊Ag nau anam aib heppig.⌋ Aɗinu? Nau hak danab ag geha nauhkkulag. Amge aun aɗi ag Yawenu oolagppa genab dootteb, geha ag ii nauhmana. Ge, ag geha ag aulag wan imu aɗan daaglag.

Sam 37:3

Na Yawenu ootppa genab doonna, ena hee! Na wanppa daanna amu, na oo metta ii uuak kobol atognonana hee!

Aisaia 65:25

Haen amuppa da heppi, doɗ wulp, sipsip nag ele aa laippu daayya, ee lakkulah. Doɗ laion, makau gikkiɗah latte bia gikkiɗah lakku. Mat ag baula danab ah guittak ii mattamna. Dahil qauko, qauko amuam dahilnu tituanak daatte amu, qauko amuppa amu laa nug guittak iinab mettama. Laa nug keeke laa iinab heeb nauhma!” Yawe Nug anam atte.

Aisaia 56:7

“Da geha danab ah aben laalappanu diie, qauko dahilnu tituanak daatte, da ag qauko dahil amuppa, ⌊Jerusalem aabppa,⌋ daaglagnu omalatten uɗien heppi, ag dahil unuqittak lag ooppa, ag oo gamag ahak naɗi aoglag. Danab ah amu ⌊ag da oɗel doon dim lamidkkulag,⌋ ag manaknu ofa, mana mettak laala ele meɗaglag amu, da ahilagnu ool enaib dookkul. Aɗinu? Danab ag da laul am wanppan wan ohppanu danab ah dilag unuqiɗak lag daatte dooglag,” awa atte.

Sekaraia 7:13

Amu Yawe Nukka Ɠagattag Oh Ele Nug atte. “Israel danab ah ag da ag amelagppa nai mattimi, haen amuppa ag dahil nai dooglagnu uuppig amunu, ag da onilppa eeg, da ele ii doomi.

Joel 3:17

Yawe Nug atte. “Da anam heppi, ag Israel, ag da am Yawe, ahilag Kayak, da Sion appa daattem dooglag. Sion am qauko dahilnu tituanak daatte. Da appa daappi, Jerusalem am ele dahilnu tituanak daakku. Wan laihnu danab ag baula banelag iinab uɗimna. Iitta.

Esekiel 20:40

Amu Naɗi Yawe Nug atte. “Aɗinu ⌊ag heppeg, da onil oppiaawak ele laa dilag neekkakppa nauhak ii daama⌋? Deɗ amu uɗieb amu, ag Israel, ag dahil qauko dahilnu tituanak daatte ele, qauko amuam Israelnu qauko okkainab, ag appa da waalppa daan, ag da oɗel dim lamidkkulag. Ag appa anam heppeg, da ag doyatte diiadkkul. Qauko amuppaib ag doɗ main meɗaglagnu, ag keeke dahil daakkunu hamu meɗaglagnu, ag keeke dahilnu tituanak daatteb ele manan meɗaglagnu haknunab appi dooglag.

Aisaia 66:20

Anam daakku amu, danab ah wan ohppan ag Israel, ag awalkad amalkad aɗi huu ohppanu diin, dahil qauko, qauko amuam dahilnu tituanak daatte amu, ag qauko amuppa, ippa Jerusalem uɗiglag. Danab nug keeke enanag dahil daakkunu da hamu meɗatte, amubia ag ag aon uɗin, da meɗaglag. Geha ag hosppa, oiyaknu karisppa, uɗatnu karisppa, miulppa, amu kamelppa ele diin uɗiglag. Amu Israel danab ah ag wit, tappiɗ da, Yawe, dahil neekkakppa dubuttid iitta ele, ag amuppa mena aon, dahil mettid lakka gotteb, amubia ag Israel danab ah wan laappa daatteb amu diin uɗiglag.

Aisaia 65:9

Da heppi, Jakop buɗub, amuppanu danab kuɗum bekkulag. Ao, Juda buɗub, amuppanu danab kuɗum dona, ag wan dahilppa daan oiglag. Danab ah da ag tituanadmi ele, ag dahil wanppa daan oiglag. Ao, dahilad maɗi nid maɗi ah ele ag aguppa daaglag.

Aisaia 11:9

Le yuppa ambeum, amubia danab ah huu ohnu, wan ohppa ag Yawenu dabmak amu aoppeg, ahilagppa ambekku. Anam daakku amunu, Yawenu qauko, qauko amuam Yawenu tituanak daatte, ⌊am qauko Sion aakku⌋ qauko amuppa ⌊wan ohppa ele⌋ laippu laa nug laa heeb ii nauhma; o keeke laa heeb ii nauhma, iitta!

Sam 125:1

Qauko Sion am uɗalnan loppaɗkkulagnu elele iitta, Qauko amuam hanhan daatte. Anamib, laa ag Yawenu oolagppa genab dootteb, ag anam aakku daatteb.

Ikki Danab 10:14

Ag gona, kayak ag ag ahilag kayak daaglagnu tituanadppig ele, ag amu dilagnu gayeg! Heppeg, kayak amu ag ehanadppeg, ag kekeɗ eppelagppa gemu daaegeg, eheɗ hattaegeg, uug nau dootteb amu, ag eppelagppa baula aib daappig!” awa aum.

Hosea 13:3

Israel danab ah ag anam hetteb amunu, ⌊ag bu aoglag.⌋ Ag buttuanu bud paha qaɗaiedatte bia iitta mekkulag. Ao, ag geha buttua baito paha qaɗaiedatte bia qettoɗkkulag. Ag geha ulah iwale, ee aeg dappunkkeg ee aeg mumuɗaknu abenppanu laih gotte, amubia ag iitta mekkulag. Ao, ag geha aab laa kahug qatia taata ukka, iitta mette bia hekkulag.

Jeremaia 22:22

⌊Ahilag eheɗ hak am anam amunu,⌋ ulah keeke uug iitta iwale gotte, amubia kekeɗ ag ahilkad danab okkai heppeg laih gokkulag. Ao, kekeɗ ag heppeg, ahilkad ehanittak laa ag diia ukka laih me dayak danab ah daaglag. Amu oh beeb, ag uɗa nak nau guittak ele dooglag. Amu oh ahilagppa bekkunu diig am, nau hak ahilag aakku.

Jeremaia 22:20

⌊Juda danab ah⌋ ag ahan, Lebanon gona gayeg! Ag gaanna daappeg, Basan danab ah ag ag baalag doyeg! Ag Abarim appa gona daanna gayeg! Aɗinu? Kekeɗ ag ahilkad ehanittak oh heeg, padal meppig.

Aisaia 65:11

Da dahilad danab ah dilagnu anam hekkul, amge ag laa, ag da, Yawe, ag da dimeɗan, da dim lamiɗkkulagnu uutteb, ag dahil qauko, qauko amuam dahilnu tituanak daatte amu, ag appa gona dahil mettid hekkulagnu daulag atitte, ag kayak hambuppuak onig Gad noobppa dup nona binag mekkulagnu henana, nug onigppa hobul hena, ag kayak hambuppuak onig Meni noobppa dup nona binag mekkulagnu ag nuhignu wain digdig kabolina, tappiɗ okkaippa inatteb ele amu, da ag hettebnu dabmekkul.

Aisaia 41:16

Danab nug ulah ee aeg dappunkkeg iwale ukkaknu uɗat hette, amubia ag Israel ag ahilkad kekeɗ heppeg iitta mekkulag. Ulah ɠagattag ee aeg dappunkkeg mawa, umanab ukke, baula miag ii daatte, amubia ag Israel ag heppeg, ahilkad kekeɗ ag qettoɗna malaglag. Ag miag iinab daamna,” awa atte. Ag Israel, ag ahilkad kekeɗ ag anam daaglag. Ag anam daaglag, amge ag Israel, ag Yawenu oolag gamag ahakku. Ao, ag Yawenu, Nug am Israel dilag Kayak Oppiaawak Ele, Nug ag Israel, ag nuhikkud maɗi nid maɗi ah ele daaglagnu tituanattom amu, ag nuhignu oo gamag ahak huanaknab dooglag.

Aisaia 40:24

Danab okkai amu ag am bala danab ebatte, ag amubia daatteb. Nug eppe, okkai mekkunu haaha, diɗi wanppa digma noono, ulah gakkaɗak uɗia he bunaɗtte, amubia Kayak Nug he, danab okkai amu ag iitta metteb. Ag ulah ee aeg dappunkkeg mawa uma gotte, amubia Kayak Nug he, ag ii daatteb.

Prowerb 28:25

Baubau awaknu hik qak danab nug he, nug mehqak ahatte; amge aun nug Yawenu ooppa genab dootte, nug ena daakku.

Sam 84:12

O Yawe Nakka Ɠagattag Oh Ele, laa ag nahipnu oolagppa genab dootteb ele, ag am itittak ena aoppig daatteb.

Sam 58:9

Danab waa aab gakkaɗaknabppa meeg dayeye, le pahanab ewa gakkaɗtte, amubia Yawe Nug paha heeb, nau hak danab, bau amu alag ele, ag iitta mekkulag.

Sam 1:4

Amge nau hak danab amu, ag anam iitta. Ag am ee aeg dappunkkeg ulah iwalatta diia, umanab gotte bia daatteb.

Job 21:18

Haen kuɗum Kayak Nug he, ag ulah keeke uug iitta iwala, ye gotte bia daattebte? Iitta. Ao, haen kuɗum Kayak Nug he, ulah huana iwalala, ee aeg dappunkkeg ye gotte bia daattebte? Iitta.

2 King 3:13

Ag nona, nuhigppa teeg amu, Elisa nug Israel dilag king amu antta, nug amegppa inam aum. “Na aɗinu da gumiɗna uɗime? Na mamennu propet nug anukka gumatta gottom, am na aninnu propet nug anukka gumatta gottom amu, na amu gumadna golom,” awa aum. Elisa nug anam a amu, Israel dilag king nug Elisa amegppa aum. “Na amubia amananu oɗ medattem. Aɗinu? Yawe Nug nukka ig king ewam imu Moap dilag king eppegppa meikka qagmeikkom,” awa aum.

Sam 118:8

Yawe, nuhig ehanittaknu ooppa genab doyaknu am ena; danab ah laa dilag ehanittaknu ooppa genab doyaknu amu, amuam ena iitta.

Aisaia 14:32

Amu haen Pilistia dilag nai awa ukkak danab ag uɗin, amunu ig oɗ megappeg, ig aɗi amelagppa akkunig? Ig geha ahilag oɗmak inam nob mekkunig, “Yawe Nug he, Sion nug eɗua ɠagattag daatte amunu, danab o ah nuhig aun nug uug maokku, nug ukka, Sion ta, nug padal mak eɗitteb ena dayaknu aben amuppa ena daakku.” Ig anam akkunig.

Aisaia 25:4

Aɗinu ⌊ag anam hekkulag⌋? Na daɗek danab dilag padal mak eɗitteb ena dayaknu ehanittak dayeye, uug haenppa ag ena daappig. Ao, danab ah keekenu tutu mak daan oitteb ele amu, ahilag uug nau ag tonattette, na ahilag padal mak eɗitteb ena dayaknu ehanittak dayeye, ag ena daappig. Danab ag laanu oo doyak ii doon nau hadatteb ele amu, hak ahilag am ulah ɠagattag uɗia, aɗ duttune ⌊na qette⌋ bia daatte.

Aisaia 49:8

Amu Yawe Nug atte. “Haen da ii helom bia me, da na ehanidkkulnu ena doyeye, da nahip unuqittak doyen ehanidkkul. Ao, ehanitteb, padal ii mak haenppa amu, da na ehanidkkul. Da na nena qemananu ehanitten, da heppi, na gamag danab daappe, da danab ah ele nai qakkagnig. Nai qakkak amuppa amu, da nahip-ppa ag ehanadppi, Juda danab ag eɗun, ahilag wan hele-ettak daakku amu, ag bappaidkkulag. Amu nai qakkak amuppa ele amu, da nahip-ppa heppi, wan maha maha oh am mamelkad eppelkadppa eɗun daaglag. Ao, aun nug wan anen anen mameg daappig amu, ag buɗulkad ag eɗun anam daaglag.

Aisaia 60:21

Ag Juda danab ah oh ag genab tutukku hak kobolib dim lamidnana, ag ahilag wan aon, amuppa hanhan daaglag. Laa ag ahilag wan baula ii gumamna. Danab nug ee eppe, qaɗu ba okkai me, nuhig daatte, amubia ag Juda ag dahil daaglag. Danab keeke eppegppa he, nuhig daatte, amubia ag dahil daaglag. Da danab ah laa oh ag dahil binag amahlak oppiaawak ele anidkkulagnu da hak anam hekkul.

Jeremaia 30:14

Wan atu laalappan danab ag ehanadkkulagnu appig amu, danab amu ag ag Juda, ag ahilagnu ag daulag aakku atia malom. Ahilagnu ag, ‘Ag keeke hamu,’ doon oitteb. Ag Jakop buɗub, ag beɗulagppa aab nau ele. Ao, ahilag hipunin am huanak. Am anam amunu, da Yawe, da kekeɗ makkuɗadlo bia da ag makkuɗadmi. Ao, danab nug laa guittak medakkunu ooppa uug ii dootte amu, da amubia ag bu mattami.

Sam 37:11

Aun aɗi ag dagom daan, ag akka onilag qeeg nette ele, ag geha ag aulag wan imu aɗan daaglag Ag daan, ii baɗaglag, ag maɗoɗ naɗi ele daaglag.

Sam 37:22

Amu Yawe Nug danab ah itadtte ele amu, ag geha ag aulag wan imu aɗan daaglag, amge nug laa ag eheɗ laa awaknu anak waappa daaglagnu atte, ag mauhkkulag.

Sam 37:29

Genab tutukku hak danab ag aulag wan imu aɗan, imuppa hanhan daaglag.

Sam 37:34

Ag genab tutukku hak danab ah ag Yawe aɗi heeb anidkkulagnu ameg meig! Ag hanhan Nug aɗi atte amu heig! Ag anam hekkulag dayeb amu, Nug ag ehanatteb, ag geha ag aulag wan imu aɗan daaglag. Ge, Nug nau hak danab hatteb nauhppeg anadkkulag.

Aisaia 45:20

Yawe Nug imu atte. “Ag danab ah wan atu laih laihnu, ag banppa ii mauhppig ele amu, ag qagmena uɗin, da noolppa daanna, ⌊dahil nai doyeg⌋! Aun aɗi ag kayak hambuppuak dottolkad maon oin, binalag metteb ele, ag am dabmak iitta. Ag kayak hambuppuak amu unuqadtteb, amge kayak hambuppuak amu ag ehanadkkulagnu elele iitta.

Jeremaia 2:28

Ag Juda, ag amu hetteb, amge ag dahilppa aib uɗippig! Ag Juda ag aab gane ele daatteb amu, ag kayak hambuppuaknu ebqak anamib ele amunu, uug haenppa, ag gona, kayak dottolkad hoyadppig amu noolagppa ukkeg! Kayak amu ag ahan uɗin ehanadppeppeg, ag aib padal meppig.’ ” Yawe Nug anam atte.