Aisaia 55:4 - Nobonob Baibel

⁴ Antteg! Da hei, Dawit nug huu digdig dilag gumitta danab dayom. Ib amuppa, da dahil ɠagattag danab ah huu ohppanu amu ippunadmi.

Aisaia 55:4 Referans Kwoze

Daniel 9:25

Daniel, na keeke doon, diignu doyak tutukku aɗe! King laa nug Juda, Israel ele ag gona, Jerusalem eɗun bappaidkkulagnu ɗo laa meeb, haen amuppa digmeeb ukkeb, laa king daakkunu goɗen gokkaɗakppa tituanak ele, nug nuhig gumak abenppa tekku amu, amuam haen maha 7, amu haen maha 62 laa ele; oh am 69 aakku. Ag Jerusalem eɗun bappaidnana, ag aab ooppan ib hena, ag aab dimittim daug daug ohppa, kekeɗ ag talilidna, aab ooppa gomananu le moɗ ele buuglag. Ag haen uug eleppa aab okkai amu eɗun bappaidnana, amu hekkulag; uug haenppa ii helob bia, amge ag anam hekkulag.

Hibru 2:10

Kayak, Nug keeke oh diig, keeke oh Nug hattom ele, amu Nug bekkod kuɗum oh diia attan teeb, binag amahlak oppiaawak ele daaglagnu dabmaama, Nug Jesus Nug guittak doyaya, ib amuppa Nug Eɗua Diiaknu Anuqak Danab elelenab ba daakkunu aum. Amuppa Kayak Nug kobol elelenab heum.

Jon 18:37

Jesus anam a amu, Pailat nug Jesus amegppa aum. “Na anam attem amunu, na aakku king daattem,” awa aum. Nug anam a amu, Jesus Nug aum. “Na dahilnu, ‘Na am king daattem,’ mattina attem amu na tutukku attem. Da anil nug da doyak diig genabib mehuqeqe oikkulnu menuiɗom. Ge, diig amunu da wanppa uɗimi. Laa oh ag doyak diig genabib dim lamidtteb amu, ag dahil nai dootteb,” awa aum.

Hosea 3:5

Anam amu, amu dimppa amu, Israel danab ah ag eɗun, Yawe, ahilag Kayak, ag Nug, amu ahilag king, Dawit buɗubppanu ele anatna dim lamatkkulagnu mattialatkkulag. Ag geha, gog tak haenppa Yawenu, nuhig itittak enanu ele ebehilag oh bodoetta le mekku.

Jeremaia 30:9

Ag laa waalagppa ii daan, ahilag maɗi nid ele ii daamna. Iitta. Ag Yawe, Nug am ahilag Kayak, ag Nug waappa daan, Nug oɗe dim lamidkkulag. Ag ahilag king, nug Dawit buɗub laa amu, ag nug waappa ele daan, nuhig maɗi nid maɗi ah ele daaglag. Dawit buɗub king daakkunu amu, Yawe, Nug amunu atte. “Da tituanen ehanidppi, nug king daakku,” awa atte.

Sam 18:43

O Yawe, danab da ele ban hekkulagnu ahaeg amu, na ehaniɗe, da ag eppelagppa ii daami. Ao, na ehaniɗe, da wan kuɗum dilag okkai daattem. Ge, danab ah da ii doyadmi ele amu, ag da waalppa daatteb.

Sam 2:6

Nug amelagppa mattiaya, Nug atte. “Da hei, laa da tituanmi ele, nug Sion appa, king daatte. Ao, qauko Sionnu amu, qauko amu dahilnu tituanak daatte.” Yawe Nug anam awa atte.

Revelesen 3:14

Nug anam ana, Nug nai tuɗitta aum. “Na nai da attem imu Laodisia Kristen tamaniaknu ikki danab, nuhignu inam ye! Nai imu, laa Nug nuhigppa Kayaknu mattiak tutukku daatte, Nug oo metta ii uuak kobol dim lamitta, Nug laa aɗi heehe anttomnu mattiak danab dayaya, nai genabib maditte, Kayak keeke hattom amu ele Nug atognoadtte, amu nuhigppan uɗitte.

Hibru 5:9

Jesus Nug uug amu oh mawom amuppa Nug mana mettak ikki danab daakkunu elelenab mettom, amu Nug danab oh nuhig nai dim lamidtteb ele amu, Nug am ahilag ehanatta eɗua diiak hanhannu diig beum daatte.

1 Timoti 6:13

Kayak, Nug keeke oh bau madatte ele, Nug noobppa amu Kristus Jesus, Nug Pontius Pailat amegppa nuhig diig tutukku mattiom amu, Nug noobppa ele da nai imu na hekkutnunab medattem.

Jon 12:26

Amu laa nug da waalppa dayaya da oɗel dim lamidkku dayeb amu, nug da dim lamiɗkkuoitte. Am da adeppa daattem amu, dahil maɗi nid nug ele appa daakku. Am laa nug da waalppa dayaya da oɗel dim lamidkku amu, Mame Nug nug binag humakku,” awa aum.

Jon 3:16

Kayak Nug wanppan danab ah dilagnu oo huana mauhom amunu, Nug Bekka laippunab me uɗiom. Nug me uɗiom amunu, aun nug nuhignu ooppa genab dootte ele, nug padal ii mema. Iitta! Nug bauklel hanhannu aokku.

2 Tesalonaika 1:8

Naɗi Nug danab ag Kayak ii dootteb, amu ag ihinig Naɗi Jesusnu Nai Ena ele dim ii lamidtteb amu, Nug ag nob nau tutukku madakku.

Epesus 5:24

Kristen tamaniak nug Kristus waappa daatte, amubia ah ag ele keeke ohnu gamulkad waalagppa dayeg!

Jon 13:13

Ag dahilnu, ‘Ihinig ippunittak danab amu ihinig Naɗi ele,’ aon atteb. Da genab da anam aakku daattem amunu, ag ena anam atteb.

Jon 10:27

Sipsip dahilad amu, ag da baal dootteb. Da ag doyadttem, amu ag da dim lamiɗtteb.

Jon 10:3

Amunu nug uɗie, sipsipnu od gumak danab nug od matula mette, nug ooppa no, sipsip nuhikkud ag nug baag dootteb. Ag dootteb amu, nug nuhikkud sipsip onilagppa ewa diia, dimittim gotte.

Aisaia 16:5

Danab amu nug geha iitta meeb, dimppa Kayak heeb, danab laa nug danab ah laa dilagnu oo mauhaknab kobol tutukku dim lamittatta, nug oo metta ii uuak kobol ele dim lamitta haaha, nug king daakku. Nug am Dawit buɗub laa. Nug hettoɗiakppa nai doya mala hettoɗia epeɗia elele mettak kobol dim lamittatta, nuhig oiyakppa ele hanhan kobol genab tutukku ele, amuppaib oikku.

Esekiel 37:24

Da anam heppi, dahil maɗi nid Dawit, nug ahilag king dayaya, nugib ahilag gumak danab, danab sipsip gumadtte bia, daakku. Anam amu Israel ag dahil ɗo iɗu iɗu elele dim lamidkkulag.

Esekiel 37:25

Ag anam henana, ag wan ag mamelkad aɗi daadppigppa, wan amu da Jakop mettami amu, ag amuppa daaglag. Ag, ag bekkalkad, ag alalkad uma ukkak ele ag hanhan wan amuppa daaglag. Ag anam daappeg, dahil maɗi nid Dawit, nug hanhan ahilag okkai daakku.

2 Samuel 22:44

O Yawe, danab da ele ban haknu ahaeg amu, na ehaniɗe, da ag eppelagppa ii daami. Ao, na ehaniɗe, da wan kuɗum dilag okkai daattem. Ge, danab ah da ii doyadmi ele amu, ag da waalppa daatteb.

Aisaia 43:10

Amu Yawe Nug ele atte. “Ag Juda danab ah, ag am da aɗi aɗi hei anidppig amu, ag laa amelagppa amunu mattiglagnu danab ah dahilad daatteb. Laa ele amu, ag am dahil maɗi nid daatteb. Da ag dahil maɗi nid daaglagnu tituanadmi. Ag da dooiɗkkulagnu, ag dahilnu oolagppa genab dooglagnu, ag da am Yawe, ag amunu diignu doyak tutukku aɗaglagnu ele da anam tituanadmi. Da haen oh daami. Kayak laa dayeye, dimppa da ii uɗimi. Iitta! Da haen oh daami. Da malappi, kayak laa ii daama. Iitta! Da haen oh daakkul. Da dakka, da Yawe daattem.

Aisaia 43:12

Da, Yawe, da ag Israel, ag padal memananu ehanadkulnu ami. Da anam awoya, da amu hemi. Kayak hambuppuak atu laihnu anam ii heum. Ag Israel, ag, ‘Da am Kayak,’ ag amu anidna malappig amunu, ag laa amelagppa amunu mattiglagnu danab ah dahilad daatteb.