Aisaia 55:2 - Nobonob Baibel

² Aɗinu ag ee, ag ɠagattagnab ii madatte ele, ag amuppa men doɗo heeg iitta mette? Ao, ag aɗinu ee ag beɗulagib ehanidtte ele, ag amuib daden metteb? Ag daulag human daappeg, da ag ee ag meulkad oh ehanidkkunu elele amu, da ag ee amu adeppa aoglagnu appi doyeg!

Aisaia 55:2 Referans Kwoze

Jeremaia 2:13

Aɗinu? Danab ah dahilad, ag hipunin ib aɗit iikku heppig. Laa ag da, da am le bauklel diig amu, ag da uuiɗna, piɗe wana oitteb. Aria, laa amu, ag akka ag le aoglagnu wan moɗ buuppig. Ag amuppa le aoglagnu simen aɗappig, amge simen am aoɗom, le moɗ amuppa le daakkunu elele iitta.

Sam 36:8

⌊O Yawe,⌋ danab laa nug laugppa ee kuɗum ele dayeye, danab ah ag hanhan wana, ag ee oh oolag heumnu latteb, na amubia danab ah atognoadttem. Danab laa nug le enanagnab ele dayeye, danab ah ag nuhigppa gona latteb, na amubia dabmattan hettem.

Sam 22:26

Daɗek ag ee lappeg, oolag didikku. Amu aun aɗi oh ag Yawe anidna dim lamidkkulagnu Nug maditteb, ag Nug binag mekkulag. Maɗoɗppanu gamag ahak ii tuqa aotte ele amu, Yawe Nug heeb, ag gamag ahak amu aon daan oiglag.

Hibru 13:9

Ippunittak bau digdig, am Nai Ena bia iitta amu, ag doon aib dim lamidppig. Aɗinu? Ig Kayaknu ehanittak okkai hamu mettakppa, Nug dim lamidkkunignu ɠagattag aognig am ena. Ig eenu ɗo kuɗum dim lamidta, ɠagattag amu aognignu hekkunig am ena iitta. Danab laala ag anam henan oippig amge ii ehanattom.

Jeremaia 31:14

Da heppi, mana mettak danab ag ee elelenab ele daaglag. Ao, da heppi, danab ah dahilad ag elele daaglagnu ehanittak dahil aon, elelenab daaglag.” Yawe Nug anam awa atte.

Habakuk 2:13

Yawe Nukka Ɠagattag Oh Ele Nug dabmak awe ɠagattag eppe, inam dabmette. “Wanppan danab ah dilag uɗat okkai am hamu iite iitta mema. Ao, wanppan wannu danab uɗat naɗi okkai hetteb, amge uɗat amu ohnu meu am hamu iite iitta mema?”

Hosea 8:7

Israel danab ah ag kobol nau huanak hetteb amunu, ag geha bu naunab aoglag. Amuam laa nug ulah eppalo, amge meu awak haenppa nug ulah kilibob aolo, amubia. Geha bu qak Israel danab ah dilag, amuam ee nug ena ii bema, meu ele ii oma. Meu laa ololob amu, wan laihnu danab ag akkan lalob.

Aisaia 51:7

Ag danab ah dahilad, ag kobol tutukku dootteb, ag dahil ɗo ag oolagppa daatte amu, ag dahil nai doyeg! Ag danab dilag nai haknu aib baɗappig. Ao, ag awa awa qettak nai naunab ahilagnu atteb amu, ag amunu baɗak eheɗ nau aib dooppig.

Mak 7:14

Aria, Jesus Nug baula danab ah kuɗum appa daappig gumidna gokkulagnu e, ag ukkaeg, Nug ag amelagppa aum. “Ag nai dahil daulagppa doon, nai diig tutukku doyeg!

Matyu 22:4

Danab ii ukkaeg amu, king nug maɗi nid laa maatte gokkulagnu daaegeg, nug amelagppa aum. ‘Ag gona, danab aun aɗi da hobulnu deɗ mattami ele, ag ag amelagppa inam appeg dooglag. “Da lanaknu keeke oh bappaidmi. Da dahil makau okkai ebehi ele, amu makau titiɗak ele aqadmi, keeke oh babaittak daatte amunu, ag ah awak hobulppa uɗieg,” aon aig!’ awa aum.

Aisaia 51:1

Yawe Nug atte. “Ag laa, ag genab tutukku hak kobol dim lamidna oiglagnu hetteb, ag da, Yawe, ag da aniɗna dim lamiɗkkulagnu mattiɗtteb ele amu, ag dahil nai doyeg! Men naunau kuɗum men okkai laippuppanu netteb, amubia ag alalti Abraham, Sarah ele aa am ahilag men okkai bia daaeheh, ag ahilahppanu uɗippig daatteb. Anam amunu, ag men laa, ag amuppanu neppig oitteb ele, ag men amu eɗun neekkitteg! Ao, ag men kuɗum awak aben, ag amuppanu uɗippig oitteb ele, ag amu eɗun neegna antteg!

Sam 63:5

Danab nug ee ena lanana, oo dittie enanag dootte, amubia da ⌊na lautppa na guguitten dayeye,⌋ da elelenab dookkul. Da ahi oo gamag ahak, na binan maknu ele ettaladkkul.

Rom 9:31

Amu Israel ag am ɗo tutukkuib dim lamidna, genab tutukku hak kobol aoglagnu heppig, amge ag ɗo kobol elelenab ii heppig amunu ag genab tutukku oiyak ii aoppig.

Matyu 15:9

Ag dup nona binal metteb, amge ag kobol genab dim lamidna ii hetteb. Iitta. Ag danab dilag dabmakppaib, amu ag danab dilag ɗoppaib amu hetteb,’ awa yom.” Jesus Nug anam aum.

Aisaia 51:4

Amu Yawe Nug atte. “Ag danab ah dahilad amu, ag dahil nai doyeg! Ge, ag huu dahil amu, ag daulag human, dahil nai doyeg! Aɗinu? Da heppi, danab ah ag ɗo dahil dooglag. Ao, da heppi, dahil nai doya mala hettoɗia epeɗia elele mettak kobol am danab ah oh dilag amahlak daakku.

Aisaia 1:19

Ag ⌊dahil nai dim lamidkkulagnu⌋ oolag heeb, da aakkuib oɗel dim lamidkkulag amu, geha ag wanppa ahilag dayak ena ele daanna, ee ena ena dad ahilagppanu aon lanana daaglag.

Sam 34:11

Dahilad nid naunau ag dona, nai dahil doyeg! Ge, da ag Yawenu ebehilag oh bodoetta le mekkunu ippunadkkul.

Rom 10:17

Amunu ooppa genab doyaknu diig amu Nai Ena doyak, amu haen danab nug Kristusnu nai mehuqtte amu, danab ah ag nai Ena dootteb.

Luk 15:23

Amu makau nag ittag ele laa aon dona qeppeg, ig latata gamanig ahaɗ!

Hosea 12:1

Israel danab ah ag am danab laa nug ulah lanan daakkunu hette bia hetteb. Ao, ag am danab laa nug kaɗag ulah deɗ ohppa dim lamittattaib hette bia hetteb. Ag hambuppuak kuɗumnab mattinna; ag danab ah guittak nau mauhnoak madatteb. Ag nug tituana nai qakkak Asiria danab ah ele heeg; ag ⌊Isip ahilagnu, “Ig lainig,” dooglagnu, ag amu daden nob daakkunu⌋ olip goɗen meeg, Isip gotte.

Aisaia 46:6

⌊Amge amubia hekkulagnu⌋ laa ag ahilag bek battamppanu gol gokkaɗeg no, ag silwa skelppa tituanna meeg daatte. Dayeye amu, ag keeke golppa hak danab nug gol, silwa ele amuppa kayak hambuppuak dottog hekkunu men doɗo mettaeg hette. Nug ha male, ag dottog amu noobppa dup nona binag metteb.

Aisaia 25:6

Sion qaukoppa, Yawe Nukka Ɠagattag Oh Ele, Nug geha ee lanak hobul okkai okkai, ee enanag digdig appa bappaidkku. Hobul amuppa amu, doɗ digdig teppulag ena ena, am wain digdig enanag lanak baag ubuhinab ele, amu ele daakku. Nug danab ah wan ohppanu ag uɗin, hobul amuppa qagmekkulagnu bappaidkku.

Eklisiastis 6:2

Kayak Nug danab laa enub keeke, binag ele medatte. Danab amu nug keeke attemunab oo hette amu, nug aakku aɗatte, amge Kayak Nug danab amu nug keeke amunu gamag ahak laa dookkunu ii ehanidtte amunu, nug mauhe, danab nug ii dootte ele, nug awa, amuppa gamag ahak aotte. Kobol amuam gaɗappa, unuqagppa ele anttak laippu iitta; am eheɗ nau laa aakku.

Prowerb 8:32

Anam amu, aria, O da bekkalad, ag dahil nai doyeg; laa ag da ippul tappan oitteb amu, ag itittak ena aon malappig daatteb.

Duteronomi 11:13

Ag haknunab anak nai, gemu da ag madattem imu oh tutukku dim lamidnana, ag Yawe, ahilag Kayak, ag meulag ohppa, oolag ohppa ele nuhignu oolag mauheb, ag Nug waappa daan Nug oɗe dim lamidkkulag dayeb amu,

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Aisaia 44:20

Danab nug kayak hambuppuak dottog hoiya, binag mette ele, nug am dabmak iittanab iitta. Nuhig doyak am kaliak dayaya he, danab amu nug ib tutukku apiɗitta malom. Nug nukka, nug padal memanu nugakka ehanidkkunu elele iitta dayaya, nug dabmak nau nuhig uua, “Kayak hambuppuaknu dottog imu da eppelppa aɗattem ele, keeke amuam keeke genab iitta, am keeke hambuppuaknab,” akkunu ele, elele iitta.

Prowerb 7:23

Dia nug pelemppa tette amu, pelem mameg nug latppa qe mauhtte. Ao, ai laa nug uhuippa no amu, uhui mameg nug qe mauhtte. Amubia nid bau amu, nug doyak dabmak ena ele iitta, nug hette, nug amuppa mauhkku, amge nug amu ii dabmette.

Prowerb 1:33

Anam aakku, amge aun nug Doyak Dabmak Ena ele da, nug da oɗel dootte, nug baɗak iittappa daakku. Ao, aun amu hette ele amu, nug manin, baɗak iitta ele daakku,” awa atte.

Matyu 5:6

Danab aun aɗi ag Kayak noobppa genab tutukku daaglagnu oolagppa enug qak bia dootteb ele amu, ag itittak ena aoppig daatteb. Aɗinu? Ag amu ambak aoglag.

Jon 6:27

Ag ee aon lappeg, beɗulag ɠagattag qeeb, wan imuppaib ena daaglagnu aib anuqak dooppig. Iitta. Ag Kayak nai aon dabmenan, bauklel hanhannu aoglagnu anuqak doyeg! Mama Kayak Nug da ag amu madakkulnu ɠagattag meɗom amunu amu, Danab Bekkalag da, da ag madakkulnu elele,” awa aum.

Aisaia 10:27

Haen amuppa Yawe Nug heeb, ag Israel, ag uug laa Asiria ag madatteb ele amu, ag uug amu baula ii maomna. Ag Israel, ag Asirianu uug baula ii maomna.

Aisaia 62:8

Yawe Nug nuhig ɠagattagppa nuhig nai ɠagattag qetta, Juda danab ah amelagppa inam aum. “Da heppi, ahilag kekeɗ ag baula uɗin, ahilag ee aeg ii lamana. Ge, da heppi, wan laihnu danab ag baula uɗin wain bau, ag amu aoglagnu uɗat okkai heppig amu, ag baula uɗin, amu ii lamana.

Aisaia 62:9

Amu ag Juda, ag ee meu amu awona, ag lakkulag. Ag lanana, ag Yawe binag mekkulag. Ge, ag Juda, ag grep meu amu aona, dahil mettid lag, amuppa ag lakkulag.” Yawe Nug anam atte.

Aisaia 65:23

Ag uɗat hamu ii hemana; am meu okku. Ag nid ahilkad uugppa daaglagnu ii menuadmana. Aɗinu? Da Yawe, da itadkkul. Da ag, ag buɗulkad dimppanu ele, da ahilagnu ele anam hekkul.

Jeremaia 12:13

Danab ah ag wit aeg eppaglag, amge uud keeke qaun ele bekkulag. Ag uɗat huanak hekkulag, amge meu ena nakok laa ii aomna. Da, Yawe, da ool huana nauhtte, diig amunu Juda ag ee meu ena ii aomna.” Yawe Nug anam awa atte.

Jeremaia 17:24

Yawe Nug ag memetalkad dilagnu anam atte, amge Nug ahilagnu inam atte. “Ag memetalkad anam heppig, amge ag gemu daatteb, ag da oɗel tutukku dim lamidkkulagnu dabmena autna aon, dim lamidkkulag dayeb, ag Sabat deɗ am dahilnu tituanak daakkunu keeke maon, aab okkai imunu aɗnu od attenppa uɗin, aab ooppa ii gokkulag dayeb, ag uɗat laa ele ii hekkulag dayeb amu,