Aisaia 51:9 - Nobonob Baibel

⁹ O Yawe, na ahan, nahip ɠagattag amuppa ehanigkkutnu oɗ medattem! Na anukka, haen laappa ehanigme, amubia ehanigkkutnu oɗ medattem! Na Rahap iite eɗidna, tuqae neum? Yo, na doɗ okkai nau ele amu iite qeme?

Aisaia 51:9 Referans Kwoze

Aisaia 52:1

Ag Juda danab ah, ag aheg! Ag danab nug niiom aha, bala mette, ag amubia ahan, ɠagattag, lamen bia takkan dayeg! Ao, ag Juda danab ah, ag Yawenu tituanak daatteb amu, ag ahan, ag ah nug aha, lamen enanagnab tagatte bia bala ahilag enanagnab Kayak eppegppanu takkeg! Aɗinu? Danab nau, danab Kayaknu neekkakppa ag oolagppa dubuttid tak ele, ag uɗin, baula eheɗ ii hattamna.

Aisaia 27:1

Haen laa, haen amuppa amu Yawe Nug doɗ nau laa onig lewiatan, lewiatan nug am mat laa gai-iittanab oitte amubia, Nug doɗ nau amu bu medakku. Nug qep elab ɠagattagnab ele nuhig amuppa Nug Lewiatan, lewiatan nug am mat laa itoɗiak daatte amubia, Nug doɗ amu qep amuppa nob nau medakku. Ge, Nug am doɗ naɗi naunab nau amu yuppa daatte amu, Nug qeeb mauhkku.

Sam 89:10

Naib yuppan doɗ naɗi eɗidna he nauhom. Ao, na nahip ɠagattagppa kekeɗ nahip eɗadna he, tamtam goppig.

Aisaia 30:7

Ag Isip gotteb, amge Isip nug ag ehanadkkunu elele iittanab iitta. Isip nug anam daatte amunu, da Isipnu, “Nug am doɗ beɗu okkai okkai, amge gai-iitta daatte,” attem.

Esekiel 29:3

na nug amegppa, ‘Naɗi Yawe, Nug inam atte,’ awona, na nai imu ele appe doyaɗ! ‘Paro, Isip dilag king, da nahip hak amunu eheɗ doyeye ool ii medattem. Na wagai naɗi Nil lenu lenagppa daatte bia daattem. Na, “Nil Le am dahil, da le dahil daakkunu bappaidmi,” aon attem.

Aisaia 51:17

Juda danab ah, ag ahan dayeg! Ag aheg! Ag eheɗ heeg, Yawe oppoɗi be, bu mattom. Amu ahilag bu Nug eppegppanu amu, bu amuam wain nau kap-ppa daatte, amubia daye, ag wain amu aakku lana malappig. Ao, wain nau amu, wain amuam danab he nauhtte ele amu, ag amu ohnab lana malappig.

Sam 44:1

O Kayak, ig mamenkad aɗi, ag na anukkanab keeke oh na heme, ag amunu amenigppa mattieg doomut. Yo, ig nai amunu daunigppanab doomut.

Job 26:12

Kayak Nug nuhig ɠagattag okkainab eleppa he, yu manin niiom. Ao, Nug nuhig doyak dabmak ena okkai eleppa yuppan doɗ naɗinab Rahap, Nug doɗ amu eɗitta okkule, beɗu huppu naunau neum.

Sam 7:6

O Yawe, ⌊da anam ii hemi amunu,⌋ na kekeɗ dilagnu oo nauhak doon, ahan ehaniɗkkutnu oɗ medattem! Ao, dahil kekeɗ ag dahilnu oppoɗilag be amelag kokoɗ ebatte ele amu, na eɗadkkutnu unuqidttem! Ge, O Kayak dahil, na nai doya mala hettoɗia epeɗia elele mettak kobol dim lamidna, ehaniɗkkutnu oɗ medattem!

Habakuk 3:13

Na amu hemenu diig am, na nahipad danab ah ehanadppe, qagaiettak ii daamnanu heme. Ao, na laa na nug okkai daakkunu goɗen gokkaɗakppa tituanme amu, na nug padal memanu ehanidme. Na danab ag wan laa, appan danab ah ag nau hak danab ah ele amu, na amu dilag okkai maduduɗme. Ao, na nuhig lamen ikki ukka baegppa batak amu, na amu oh uɗadme. Sila.

Aisaia 62:8

Yawe Nug nuhig ɠagattagppa nuhig nai ɠagattag qetta, Juda danab ah amelagppa inam aum. “Da heppi, ahilag kekeɗ ag baula uɗin, ahilag ee aeg ii lamana. Ge, da heppi, wan laihnu danab ag baula uɗin wain bau, ag amu aoglagnu uɗat okkai heppig amu, ag baula uɗin, amu ii lamana.

Sam 93:1

Yawe Nug danab ah gumadtte! Nug king bala meum. Ao, Yawe Nug king lamen takkom. Nug am ɠagattagnab. Yawe Nug wan abennabppa meum. Aɗitai laa mautkkunu elele iitta.

Sam 87:4

Yawe atte. ⌊“Israel danab ah ag da noolppa dup nona, da binal metteb amunu, da ag onilkad dahil bukppa yaami.⌋ Dimppa, Isip danab ah, Babilon danab ah ele, ⌊ag da noolppa dup nona binal mekkulag amunu,⌋ da ag onilkad, Israel onilkad dahil bukppa yaak daattebppa yaakkul. Yo, dimppa danab ah Pilistianu, Tairnu, amu Kus appanu ele, ⌊ag da noolppa dup nona binal mekkulag. Ag anam heppeg,⌋ da ahilagnu, ‘Imu ag Sion appa menuadppig!’ akkul.” Yawe Nug anam atte.

Sam 44:23

Am anam daatte amunu, O Naɗi, na ahakkutnu oɗ medattem! Na ig ii ehanigttemnu diig am, da ii doottem. Ao, na ahakkutnu unuqidttem! Na ihinig nai ii doottem amu, na amubia tuɗidna hanhan hemananu, da na oɗ medattem.

Revelesen 12:9

Amunu ⌊Maikel, nuhikkud engel ele⌋ ag nug maoeg wanppa noum. Mat naɗinab amu nug anukkanu, nug onig laa am Satan, onig laa am Dewel. Nug wanppanu danab ah oh hambuppualadtte ele. Ag nug maoeg wanppa noum, nuhikkud daup oh ele buɗiatteg wanppa noppig.

Revelesen 11:17

Binag menana appig. “O Naɗi Kayak Nakka Ɠagattag Oh Ele, na gemu daattem, anukka ele daame. Na aakku ɠagattag okkai nahip oh eɗun aon, King daattem amunu, ig na amenppa, ‘Ena heme,’ aot attem.

Luk 1:51

Nug nuhig ɠagattagppa uɗat okkainab heum. Ao, Nug he, dada danab ag oolna, tamtam gona oitteb.

Habakuk 2:19

Danab laa nug keeke adppa hoiyak, “Ahan, bau daye!” atte amu, danab amu, nuhignu am gadonnab gadon. Ao, danab nug men laa, men oh am keeke bau iitta, amge nug men laa amegppa, “Niiak uun ahe!” atte amu, nuhignu gadonnab gadon. Ad o men amuam danab amu ulum mettaglagnu elelete? Iitta! Am ad o men, beɗu aakkuib gol o silwa laidppig. Am keeke bau mak ele iitta; am ulah ii eeɗtte.

Aisaia 53:1

Aun nug ihinig nainu ooppa genab doyom? Ao, aun nug Yawe Nug nuhig ɠagattag ippunitte, danab amu nug amunu tutukku dabmaama anttom?

Aisaia 51:5

Da dahil genab tutukku hak kobol dim lamitten ehanadkkulnu haen am miagib daatte. Ao, da danab ah ehanadppi padal ii memananu haen am miag uɗiom daatte. Da dahil ɠagattagppa heppi, danab ag lailkad ele ag nai doya mala hettoɗia epeɗia elele mettak kobol dim lamidna oiglag. Danab ah ag wan miagnu, wan umanu ele, ag dahil ɠagattag, ag amuppa ehanittak aoglagnu dabmak aɗan daan, amel metteb.

Sam 78:65

Ag amu heeg, Naɗi Nug danab niia ahatte bia ahom. Ao, ban danab ɠagattag nug wain lawowa, niia aha ban huana hette, amubia Naɗi Nug ban ɠagattag heum.

Sam 21:13

O Yawe, na danab nahip ɠagattag ippunadkkutnu unuqidttem. Na am ɠagattag okkai ele, amuppa na hak okkai okkai hettem. Amu ig ahi ettatta, hak okkai okkai amu dabmetata, na binan humagnig.

Ikki Danab 6:13

Yawenu engel nug anam aum, amge Gideon nug oɗeppa awa aum. “O Naɗi, gadon, amge Yawe Nug ig ele daattem dayeb amu, aɗinu keeke imu oh ihinigppa inam beum? Amu aɗinu Yawe Nug uɗat okkai, danab haknu elele iitta, ig mamenkad aɗi dilagnu he, ig mamenkad ag ig amenigppa amunu appig amu, aɗinu Nug anam ii hette? Yawe Nug ig Isipnu aikka iite uɗiom? Amge gemu amu, Yawe Nug ig uuikka, Midian eppelagppa meikkom,” awa aum.

Duteronomi 4:34

Am kayak atten laa nug danab ah ameg laa, wanppan wan okkai laappan diia he, nuhig danabnab bena, ag wanppan wan laappa daaglagnu daappigte? Iitta! Amge Yawe, ahilag Kayak, Nug ahilagnu Isip appa anam heum. Nug nuhig ɠagattag okkaippa ag ehanatta, ahilagnu heewo, ag amelagppanab anidppig. Nug oɗe nau Isip dilagppa he be anidppig. Nug Isip ele ban heppig. Nug nuhignu dabmettaknu kobol danab haknu elele iitta he, Isip danab ah ag eheɗ nau baɗappig.

Jon 12:38

Ag oolagppa genab ii dooppig amunu, ag heeg propet Aisaianu nai aakku elele mettom. Propet nug nai inam aum. “Naɗi, aun nug ihinig nainu ooppa genab doyom? Aun nug Naɗi Nug nuhig ɠagattag ippunitte, danab amu nug amunu tutukku dabmaama anttom.”

Sam 59:4

Da ahilagnu aɗitai eheɗ laa ii hemi, amge ag da iuppeg mauhkkulnu bappaidtteb. O Yawe, na ahan, da ehaniɗkkutnu oɗ medattem! Na ag dahilppa aɗi hekkulagnu hetteb amu antte!

Eksodas 6:6

Anam amunu, na da oɗel imu aon, Israel amelagppa inam appe doyeg! ‘Da am Yawe. Da geha heppi, ag Isip dilag begbeg maɗi nid maɗi ah ele baula ii daamna. Ao, ag Isip waalagppa baula ii daamna. Da dahil ɠagattag naɗippa, dahil bu mettak okkai eleppa ag Isip dilag begbeg maɗi nidnu qagaiettakppanu eɗua uhuqak hein madakkul.

Job 9:13

Kayak Nug he, nuhig oo nauhak bodo-ii-ettom daatte. Ao, yuppan doɗ nau onig Rahap, nuhikkud ehanittak, ag Kayak baeg waappa hahaɗnan daappig.

Sam 77:5

Da anukkan haennu dabmettem. Ao, da anukkan maɗ kuɗum uɗiak da haen amunu dabmettem.

Aisaia 52:10

Yawe Oppiaawak Ele Nug nuhig ɠagattag danab ah oh anidkkulagnu heeb, miag atieb daakku. Nug anam heeb amu, danab ah wan atu ohppa daatteb ele, ag ehanitte, padal ii mak Kayak eppegppanu uɗitte anidkkulag.

Sekaraia 2:13

O danab ah oh ag Yawe noobppa toettan daan, bakkum dayeg! Aɗinu? Nug hab aab, amuam aab oppiaawak ele, Nug appanu uɗitte.

Sekaraia 10:11

Da ehanadppi, ag danab nug yu naɗi, duban huanak ele mataɗa gokkunu hette, amubia dayebeb uug eɗadkkulag Ao, da heppi, yu duban am iitta mekkulag, Nil le ele qaɗaiedakku. Da heppi, Asiria danab, ag am dada danab amu, ag uɗalag nekku. Ao, da heppi, Isip nauhkku.

Sam 44:2

Ig mamenkad aɗi ii uɗippig dayeye, danab ah Kanan daappig ele ag na ii dim lamitteg ukke, haen na ig mamenkad omaladna uɗin, haen amuppa na laa ag wan anen anenppa wan imuppa daappig, na he, Israel ag danab amu lamatteg, na wan imu ig mamenkad aɗi mattame. Yo, na danab ah, ig mamenkad aɗi dilag kekeɗ, ag Kanan daappig ele amu, na hee nauheg, na hee ig mamenkad aɗi ag elele daappig.

Sam 44:24

Na laih neegna, ig nahip ehanittak aognignunab daattem ii anigkkut am ena iitta amunu, na anam ii hemananu oɗ medattem. Ao, danab ah ɠagattag ag heeg, ig guittak dootut, eheɗ heigtteb. Na heppe, ag tuɗidna, amu hemananu unuqidttem.

Sam 89:11

Hab amu nahipib, wan ele am nahip. Ao, wan, keeke oh wanppa daatteb amu, amu nahip, na amu oh heme.

Maika 7:15

Am Yawe Nug atte. “Haen ag alalkad ag Isip wanppanu ahan, Kanan wanppa uɗiegeg, da hei, ag kobol danab haknu elele iitta kuɗum anadppig, amubia da heppi, ag gemu daatteb, ag baula dahil hak amubia anadkkulag.”

Aposel 7:7

Nug anam ana am Kayak Nug tuɗitta ele aum. ‘Wan amuppanu danab ag heppeg, na buɗunad ag begbeg maɗi nid maɗi ah ele anam daaglag, amge da wan amuppan danab bu madappi, na buɗunad ag wan amu uun, ag uɗin, wan imuppa geha ag da noolppa dup nona binal mekkulag.’ Kayak Nug anam awa aum.